Cov kev nuv ntses yog ib co kev lom zem uas Hmoob communities hauv teb chaws Australia nyiam heev. Yog ib cov kev ua si uas so rau lub caij so tsis ua hauj lwm, mus pw hav zoov lam hlwb kom dim ntawm tej kev ua dej num thiab kev nyuaj siab, los yog mus ua si tom hav zoov kom muaj kev zoo siab rau yus lub neej.
Txawm li cas los xyoo no Hmong Australia Society Inc tau txiav txim siab tsim cov kev sib tw nuv ntses no thiab kom Hmoob tej neeg zejzog thiaj muaj caij tau mus sib ntsib sib cuag thiab tau sib koom kev lom zem ua ke los yog muaj sib hawm tau nyob ua ke.
Tou Moua Yang yog koom haum Hmong Australia Society Inc (HAS) tus Sport Coordinator thiab yog tus npaj Hmoob thawj cov kev sib tw nuv ntses xyoo 2018 no ntawm xeev Victoria rau hnub tim 27.10.2018 ntawm Lake Eldon rau ntawm lub zos Eldon thiab Mansfield, the National Park uas pib txij 8:30 am AEST txog 3:30pm.
Muaj 3 co khoom plig rau cov neeg sib tw yeej cov kev nuv ntse li no xws li tus yeej zum ib yuav tau nyiaj ntsuab AUD 300 dollars, tus 2 tau nyiaj ntsuab AUD 100 dollars thiab tus 3 ces tau ib pob khoom plig.
HAS yeej tau sib txuas lus nrog nom tswv zejzog ntawm Goulbourne thiab tso cai rau Hmoob mus koom cov kev sib tw nuv ntses xyoo 2018 no lawm, tsis tas li no yeej tseem tau ceeb toom rau tub ceev xwm kom tswj kev ruaj ntseg thiab qhia rau cov ambulances tsam tej neeg mus koom cov kev sib tw no ho raug mob li cas lawm thiab yog muaj tej yam xwm txheej tsis faj ho tau tshwm sim tiag.
Fishing competition 2018 trophies - Tou Moua Yang - Hmong Australia Society Inc Source: Hmong Australia Society Inc
Cov neeg mus sib tw no yeej nqa tau cov ntses lawv nuv tau coj los rau cov tim tseeb (Committee) luj thiab ntsuas tau ntawm thaj chaw lawv npaj ntawm lub pas dej Lake Eldon los sis lawv khaws tej ntses no rau ntawm lawv tej nkoj los yog tej thoob es mam nqa los ntsuas thiab luj tom qab los tau tib yam.
Cov kev nuv ntses no ces yeej muaj peev xwm nuv tau ntawm tej ntug dej los tau hos cov muaj nkoj ces caij nkoj nuv los tau tib yam raws li qhov yooj yim rau yus xwb.
Tom qab ntsuas thiab luj tej ntses nuv tau ntawd tag lawm ces mam txiav txim siab seb leej twg yog tus yeej. Yog tias 2 tug ntses loj tshaj ntawv ho ntev tib yam lawm ces yuav tau luj seb tus twg hnyav dua ces tus ntawd yuav yog tus yeej.
"Tou Moua Yang uas yog tus Sports Coordinator ntawm koom haum Hmong Australia Society Inc hais tias " cov neeg mus koom cov kev sib tw nuv ntses no yuav tsum muaj ntawv tso cai nuv ntses, yoog raws tej cai nuv ntses nom tswv tau teev tseg. Yog leej twg yuam cai, thiab nuv tej ntse nom tswv txwv ces tus neeg ntawd ua tus ris thiab pov plob txhua yam teeb meem kheej xwb."
Screenshot of fishing competition 2018 location - Lake Eildon - Tou Moua Yang, HAS-Google Map Source: Tou Moua Yang, HAS's Sport Coordinator
Cov neeg yuav mus sib tw nuv ntses ntawd muaj peev xwm npaj lawv tej zaub mov mus noj los sis mus yuav tau tej uas koom haum npaj muag ntawm thaj chaw sib tw los tau.
Nug thiab sib txuas lus nrog Tou Moua Yang ntawm nws tus personal Facebook page los sis nrog John Lee tham tau raws li cov xov tooj saum daum duab nuv ntses saum toj no.
.#
Listen to more Hmong news from SBS Radio Hmong program website at on Thursday 6 pm Australian Eastern Standard Time (AEST) and on Thursday at 11 am AEST. You can download SBS Radio App to instal in your smartphone from App Store at and from Google Play at .
Besides, you can download podcasts in Hmong and English from from which you can subscripe to iTunes store or either download podcasts from as well as from as well as in RSS at
You can also follow #SBSHmong Facebook page at . Like, subscribe, share, comments and have a chat with SBS Radio Hmong Program and share our stories and news to your friends or share your stories with us so we can present to Hmong communities. Call us on + 61 3 9949 2259 for a chat or message as through Facebook messenger. And if you want to comments directly with us please send your comments to or send it to .
