Ntsiab lus tseem ceeb:
- Bush tucker ces yog tej khoom noj uas yeej ib txwm muaj ntawm lub teb chaws Australia no, thiab yeej yog tej khoom noj muaj txiaj ntsim rau yus lub cev thiab muaj proteins thiab fibres.
- Thiaj muaj ib tug kws tshab txhais tias kom yus ho xav seb ho yuav siv tej khoom twg coj los xyaw tej khoom noj ntawm lub teb chaws nyob sab qab ntuj rau lub caij ntuj sov no.
- Cov kev sib tham txog tias ho nrhiav tau tej khoom noj no qhov twg los kuj yog tej yam uas muaj kev hwm txog teb chaws Australia tej neeg txum tim thiab.
Bush tucker ces yog tej khoom noj uas yeej ib txwm nrhiav tau ntawm lub teb chaws Australia no thiab Australia tej neeg txum tim yeej ib txwm noj raws li keeb kwm tau muaj los ntev thiab yeej muaj tej neeg coob leej ntau tus nyiam noj.
Tej khoom noj no feem ntau yeej yog cov khoom noj muaj txiaj ntsim rau yus lub cev thiab yeej muaj proteins thiab fibres tsis hais yuav yog tej txiv xyoob txiv ntoo, tej nroj tsuag xyoob ntoo tej tsiaj txhu los yog tej noob qoob loo.
Txawm tias tau ntau xyoo tsis ntev los no tau muaj neeg kub siab txog tej khoom noj ntau yam uas ib txwm muaj ntawm lub teb chaws no lawm, los kuj yog tej yam nyuaj kawg uas tsis paub tias yuav muab coj los xyaw tej khoom noj li cas thiab.
Damien Coulthard ces yog ib tug txiv neej neeg txum tim caj ceg neeg Adnyamathanha thiab Dieri ntawm
Flinders Rangers thiab yog tus koom teeb tsa lub tuam txhab Warndu, uas ua luam muag tej khoom noj uas ib txwm nrhiav tau ntawm teb chaws Australia no.
Co-founder of Warndu, Damien Coulthard. Credit: Jiwon Kim Credit: Jiwon Kim
Mr Coulthard thiaj hais tias "Qhov peb xav txhawb nqa sawv daws ces xav kom sim siv tej khoom noj ntau yam sib txawv coj los sim ua noj, thiab ho ua kev zoo siab nrog tej khoom noj uas koj siv coj los ua noj ntawd.''
Nws ntseeg tias yeej tsis muaj lub caij twg yuav zoo npaum li lub caij Christmas lawm uas muaj ntau yam hno noj.
Nod yog tsib yam uas koj muaj peev xwm siv tau tej khoom noj uas nrhiav tau ntawm lub teb chaws Australia no los xyaw rau koj tej khoom noj rau lub caij Christmas.
1. Coj tej khoom noj los xyaw salads
Mr Coulthard taw qhia tias dua ntawm cov kev uas yuav pib sim siv tej khoom no coj los tsim dua ib yam qav tshiab noj ces koj muaj peev xwm cia li muab tej khoom noj no coj los xyaw nrog koj tej khoom noj uas koj ib txwm ua noj xwb los tau.
Nws hais tias "Ho sim siv ntau yam seb ho qab li cas."
Piv txwv li ho siv cov zaub warrigal greens coj los xyaw cov spinach, siv cov samphire (asparagas hiav txwv) coj los xyaw asparagus, thiab ho siv lemon myrtle uas muaj tsos qub tib yam li txiv qaub tab sis ntshe tseem qaub zog coj los xyaw tau thiab.
2. Siv tej khoom no coj los tsau los yog pos xyaw tej nqaij
Koj yeej muaj peev xwm siv tau tej khoom noj uas nrhiav tau ntawm lub teb chaws Australia no coj los tsau xyaw ntau yam nqaij, tsis hais koj yuav ua nqaij qaib cov txwv, nqaij qaib, nqaij yaj los yog nqaij ntses, ces koj muaj peev xwm siv tau cov saltbush uas yeej qab ntsev thiab qab li tej tshuaj uas , kib los yog .
Pepperberry ces yog ib co txiv zoo li txiv tswb neeg tab sis pos ntshiv los yeej muaj peev xwm ho cov geraldton wax uas qab li txiv qub ces kuj zoo muab ntsaws rau tej nqaij los yog phim noj nrog seafood tau thiab.
3. Xyaw nrog seafood
Arabella Douglas uas yog ib tug poj niam neeg txum tim caj ceg neeg Minyungbal yog ib tug teeb tsa lub koom haum Currie Country, uas tsim cov program kom tej neeg muaj kev cib cuag tau nrog Australia cov neeg txum tim tej kab lis kev cai.
Nws tshab txhais tias ib yam uas tsim nyog xav txog thaum yuav siv tej khoom noj ib txwm muaj ntawm Australia no coj los xyaw ces yog nug lwm tus tias yam khoom noj ntawd ho phim coj mus xyaw rau tej khoom noj dab tsi ntawm lub teb chaws no rau lub caij ntuj sov?
Ms Douglas hais tias "Kom peb nco tias peb nyob qhov twg thiab kom coj li tej neeg ntawm thaj chaw peb nyob ntawd, uas yog lub teb chaws nriam av nyob ntawm sab qab ntiaj teb no."
Arabella Douglas is a founder of Currie Country. Credit: Jiwon Kim
Ms Douglas ntseeg tias tej cws thiab seafood yog tej yam zoo heev, los yog cov qwj pippies thiab tej raub ris los kuj yog cov uas nws nyiam noj heev.
"Qhov tseem ceeb ces nrog xyuas kom uas tau tej khoom noj ntawd kom ntxim qab. Thiab peb yeej paub tias muaj peev siv tau tej khoom noj ib txwm nrhiav tau yam twg coj los hloov tej khoom tseem ceeb uas yuav xyaw nrog pluas qav ntawd."
4. Muab tej khoom noj ib txwm nrhiav tau ntawm Australia xyaw nrog lub ncuav qab zib Pavlova
Strawberry gum Pavlova with wattleseed cream. Credit: Josh Geelan and Luisa Brimble
Mr Coulthard hais tias "Sawv daws yeej nyiam peb cov , uas yeej muaj cov noog wattleseed xyaw nrog cov cream."
Thiab nws hais ntxiv tias haj yam zoo yog tias tseem muab cov txiv quondongs, Davidson plums thiab muntries xyaw ntxiv rau thiab.
Tsis tas li ntawd los kuj muaj peev xwm tov tej khoom noj no xaw rau cov trifle rau lub caij ua tej khoom noj sib xws li thaum Christmas no thiab.
5. Tov tej khoom noj no nrog koj tej dej thiab cawv haus
Yeej muaj peev xwm siv cov noob Wattleseed coj los haus hloov kasfes, thiab yeej tau tej txiaj ntsim zaub mov tib yam, tab sis tsuas tsis muaj tej caffeine xyaw xwb.
Cov txiv qaub ntiv tes Finger limes thiab Davidson plums los yeej muaj peev xwm muab coj los tov xyaws dej haus yam tsis tas haus dej qab zib (soft drinks) thiab yeej muaj peev xwm siv tau cov lemon myrtle coj los tov rau tej dej haus tau thiab.
River mint thiab cov ant loose tea ces haus lawm kuj pab tswj yus tus kheej kom tus thiab.
Kuj tsim cov zaj dab neeg thiab faib qhia lwm tus
Cov kev teeb txheeb thiab cov kev sib tham tias ho nrhiav tau Australia tej khoom noj ib txwm muaj ntawm qhov chaw twg los kuj yog ib txoj xub ke ua kev zoo siab Australia tej qub txeeg qub teb tsim nuj heev thiab.
Mr Coulthard hais tias "Kom yus ho txheeb tias nrhiav tau ntawm lub xeev twg los, ho muaj lub npe yam khoom ntawd cuam tshuam li cas nrog ib tsav neeg txum tim twg, ces ho sau tej dab neeg txog tej khoom noj no, kom thiaj ras los ua ib cov kev zoo siab tseeb tiag."
"Qho ntawd thiaj yog qhov uas pab kom yus ras txog tej txiaj ntsim uas yus tau tiag tiag."
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
