Prop Track uas yog lub chaw teeb txheeb txog tej xov xwm xog tej kiab khw lagluam vaj tse tau ceeb toom tias vim muaj tej vaj tse tsis txaus thiab muaj tej neeg xav ntiav tsev nyob ntau tuaj ntxiv, ces ntshe yuav ua rau tej neeg ntiav tsev nyob yuav tau them tej nqe ntiav tsev kim tuaj ntxiv.
Tus nqe ntiav tsev nrab thoob teb chaws no twb kim txog li $550 rau ib limtiam twg rau lub 9 hli ntuj dhau los no lawm. Tsis yog tias ua rau tej nroog loj thoob teb chaws no tej nqe ntiav tsev kim tuaj ntxiv xwb yeej tseem ua rau tej nqe ntiav tsev nyob ntawm ib co chaw yaj sab kim thiab.
Yog li ntawd thiaj tau muaj ib txhia tub kawm pej kum haiv tau qhia rau SBS News tias lawv raug neeg phem dag cuam tshuam txog cov kev ntiav tsev nyob rau lub caij uas tej neeg tsis tshua muaj peev xwm nrhiav tau tsev ntiav nyob thiab muaj ntau yam nuj nqes siv ua lub neej uas kim tuaj ntxiv no.
Tos ho muaj tej xwm txheej no los twb vim yog tsim tsis tau tej vaj tse txaus rau tej neeg ntiav tsev nyob, ib txhia tsev ntiav rau tej neeg nyob raug muab muag vim tau nqe tsev zoo, thiab muaj tej neeg coob heev xav nrhiav kom tau ib lub tsev ntiav nyob, ua ke no los kuj muaj neeg txawv teb chaws rov qab tuaj rau teb chaws Australia coob ntxiv lawm thiab.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab Downloadthiab caum
