Ntsiab lus tseem ceeb:
- Cov Medicare thiab Pharmaceutical Benefits Scheme (PBS) ces yeej yog ib cov kev pab cuam kho mob thiab pab yuav tshuaj pheej yig uas yog ib feem ntawm Australia cov kev pab kho mob.
- Tej neeg muaj Medicare card siv ces tej zaum tsuas tau them nyiaj kho mob me ntsis xwb los sis yog tej zaum yeej tsis tau them nqe kho mob ntau yam dab tsi li thiab.
- Yog tias koj mus sib ib lub chaw kho mob uas siv 'bulk bills' uas yog Medicare pab them lawm ces koj yeej tsis tau them dab tsi li.
- Tab sis yeej muaj tej zaum tej neeg muaj Medicare card siv kuj yuav tau them nqe kho mob me ntsi rau tej kev kho mob uas nom tswv pab no thiab.
Pej xeem Australia, tej neeg thov tau visa nyob ruaj, thiab tej neeg thoj nam yeej muaj peev xwm siv tau cov kev kho mob dawb los yog tau them pheej yig raws li cov kev pab kho mob Medicare los yog cov kev pab yuav tshuaj Pharmaceutical Benefits Scheme (PBS), uas yog Australia ib cov kev kho mob ua sawv daws yeej muaj peev xwm siv tau.
Medicare ces yeej siv ua ke nrog cov kev pab yuav tshuaj PBS kom yuav tau tej tshuaj pheej yig thiab.
Thawj yam koj yuav tau ua kom tau siv ces yog teev zwm kom npe ntawm , ntawm lub koom haum .
Justin Bott uas yog tus neeg ua hauj lwm tswj tej xov xwm qhia txog cov kev pab cuam ntawm lub koom haum Services Australia rau tej zejzog tshab txhais tias
“Thaum teev npe nrog Medicare lawm, ces lub koom haum Services Australia mam li xa koj daim Medicare card rau koj, thiab tsim nyog koj nqa koj daim card no nrog koj thaum mus ntsib kws kho mob. Tsis tas li ntawd los koj muaj peev xwm siv koj daim card no kom tau them nqe tshuaj thiab tau them nqe kho mob pheej yig zog, los sis yog tej zaum yeej tsis tau them dab tsi li yog tias lub chaw kho mob ntawd sov cov kev kho mob 'bulk billing'.''
LISTEN TO
Yuav ua li cas thiaj hu tau tsheb thauj neeg mob txhua qhov chawv ntawm Australia siv
SBS Hmong
14/05/202309:50
Yuav ua dab tsi thaum koj mob lawm
Thaum koj mob los yog tsis xis nyob ntawm Australia no lawm ces tsim nyog koj xub mus ntsib ib tug kws kho mob (General Practitioner - GP) ntawm ib lub chaw kho mob twg ua ntej tso. Tsuas yog tias ntshe ho yog ib co xwm txheej mob ti tes ti taw xwb mas tej zaum thiaj tsim nyog koj mus ncaj qha rau ntawm lub tuam chav emergency department ntawm ib lub tsev kho mob twg xwb.
Tab sis feem ntau mas yog tias tej neeg tsis xis nyob thiab yuav tau mus kho mob ces Dr Douglas Hor uas yog ib tug kws kho mob ntawm tej zos qaum teb nroog Sydney tau ntau caum xyoo hais tias.
Tej kws kho mob ntawm Australia ces yeej muaj peev xwm kho tau tej mob feem ntau txog li ntawm 80 los yog 90 feem pua ntawm tej neeg mob uas mus ntsib lawv ... ces tsis hais yog yam mob twg li yog mus ntsib lawv lawm ces lawv yeej yuav kho.
Dr Hor hais ntxiv tias "nws yuav txheeb seb koj muaj yam ntxwv mob li cas thiab xyuas kom paub tias koj mob dab tsi, ces mam li kho thiab mam tshab txhais txhua yam rau tus neeg mob (koj). Ces tej kws kho mob no thiaj yog tej neeg uas muaj peev xwm kho tau ntau yam mob rau tej neeg mob."
Thiab tej zaum tej kws kho mob (GP) kuj yuav txiav txim siab xa ib txhia neeg mob mus sim los yog ua lwm yam raws li qhov tsim nyog ntxiv.
Thiab tej zaum tej kws kho mob kuj yuav xav tej neeg mob mus ntsib ib cov kws kho mob uas paub kho ib yam mob twg tsi ntsees kom lawv rov qab txheeb xyuas yus tej mob - li mus ntsib kws paub daws kev nyuaj siab - los yog tej zaum yuav xav yus mus ntsib ib lub tsev kho mob twg thiab. Tej kws kho mob los kuj tseem sau tshuaj no rau tej neeg mob mus yuav tshuaj ntawm tej khw muag tshuaj thiab tej zaum hais kom tej neeg mob mus hno tshuaj vaccine thiab.
READ MORE FROM THE SETTLEMENT GUIDE
Antenatal care in Australia: what is it and why it’s important?
Cov kev siv Bulk-billing thiab yuav claim koj tej nyiaj rov qab li cas
Tej zaum yuav muaj ib txhia chaw kho mob yuav tau siv cov Medicare txwm, ho ib txhia ces tsuas tau siv me ntsis xwb. Ces tej zaum muaj qee zaus tej xwm txheej no thiaj yuav ua rau tej neeg mob yuav tau them nqe kho mob me ntsi, tau them yuav qee yam khoom cuam tshuam txog cov kev kho mob los yog yuav tau them nqe kho mob txwm thiab los kuj tau.
Thiab ib feem tseem ceeb ntawm cov kab pab kho mob Medicare thiab pab tej kws kho mob ces yog 'bulk billing' (uas tsoom fwv pab them nqe kho mob).
Yog tias koj mus siv ib lub chaw kho mob uas siv cov 'bulk bills', ces koj yuav tsis tau them dab tsi.
Dr Hor hais tias “Tsuas nyob rau ntawm seb koj ho mus siv lub chaw kho mob twg, los yog tus kws kho mob twg, thiab cov kev kho ntawd ho zoo li cas, thiab nyob ntawm seb tus hws kho mob ntawd los yog lub chaw kho mob ntawd puas siv cov 'bulk billing' uas tsoom fwv cov Medicare pab them tej nqe kho mob no ces tej zaum yus yuav tsis tau them dab tsi li, los yog tej zaum tej kws kho mob los yog tej chaw kho mob ntawd yuav kom tej neeg mob yuav tau rho nyiaj ntiag tug them tag nrho tej nqe kho mob no."
Tej zaum Australia tej laus neeg uas txom nyem nyiaj txiaj kuj yuav tau siv cov kev pab cuam txo nqe kho mob pheej yig los yog yuav tshuaj pheej yig zog ntxiv thiab. Credit: filadendron/Getty Images
Txoj xub ke yooj yim tshaj plaws yuav thov tej nqe kho mob no ntawm Medicare rov qab ces yog thov ntawm koj tus kws kho mob lub chaw kho mob. Lawv muaj peev xwm sau ntawv thov sawv cev rau koj. Ces Medicare mam li them tej nyiaj rau koj phau bank account tom qab. Yog tias koj tsis muaj peev xwm thov tau ntawm tej chaw kho mob ces koj yuav tau mus sau ntawv thov ntawm Medicare uas koj muaj peev xwm ua tau hauv online.Justin Bott, Services Australia
Australia tej neeg ua hauj lwm them se yeej them cov se Medicare levy rau cov nyiaj Medicare.
Thiaj kuj them raws li tej neeg ua hauj lwm them se tej hnoob nyoog los yog them raws lawv tsev neeg seb ho poob rau tej xwm txheej zoo li cas xwb.
Tej neeg txom nyem uas pab tsis tau lawv tus kheem, tej pej xeem Australia khwv tau nyiaj tsawg thiab tej neeg thov tau ntaub ntawv nyob ruaj li tej neeg tau cov Concession Card los yog tau cov Commonwealth Senior Card los kuj yog cov yuav tau txais lwm yam txiaj ntsim ntxiv los ntawm cov Medicare thiab yuav tau them nqe tshuaj pheej yig zog (PBS discounts) ntxiv thiab.
Nws tshab tshab txhais ntxiv tias "Yog thaum yus them tej nqe kho mob txaus rau xyoo ntawd lawm thiab them txog tej se uas them rau tsoom fwv lawm ces yuas yuav tau them pheej yig zog tom qab ntawd lawm."
"Yog tias koj teev tam li yog ib tse neeg uas muaj tus leej txi leej liam thiab tej me nyuam ua ke ces yuav txog cov spending threshold sai dua, thiab yuav pab kom yuav tau tshuaj pheej yig zog los yog them tej nqe kho mob thaum mus ntsib kws kho mob sai dua.''
Medicare thiab private health insurance
Tej neeg mob los kuj muaj peev xwm yuav cov private health insurance coj los siv pab ntxiv rau cov kev siv Medicare thiab, thaum uas lawv mus ntsib kwv rho hniav los yog them rau thaum hu tsheb thaum neeg mob tuaj pab los yog them rau qee cov kev hno tshuaj vaccines.
Tsis tas li ntawd los private health insurance kuj pab kom tej neeg muaj peev xwm siv tau tej tsev kho mob ntiav, kom thiaj tau siv cov kev phai lwm yam uas tsis tau tos ntev mam tau phai los yog siv lawm cov kev sim kab mob los yog sim ntshav los sis sim lwm yam thiab.
Dr Hor tshab txhais tias “Raws li zej tsoom cov kev kho mob no ces, yeej muaj ib co list teev npe uas yuav tau tos thaum txog yus lub npe lawm mas mam li tau mus phais. Yog cov yog yus muaj private health insurance ces yuav pab kom yus xaiv siv tau yus tus kws kho mob los yog siv tau zej tsoom ib lub tsev kho mob twg thiab tau phais mob ntxov dua tej neeg uas yuav tau tos vim lawv siv cov publich health system."
LISTEN TO
Nod yog tej tsim nyog koj paub txog cov private health insurance
SBS Hmong
08/10/202116:18
Tej kws kho mob thiab tej chaw kho mob ntawm Australia los kuj yeej tau txheeb tej neeg mob uas tsis paub lus Aaskiv zoo thiab.
Dr Hor hais tias feem ntau mas yeej muaj tej mobile phone apps txhais ntawv kom nkag siab tej yam yooj yim. Tab sis yog cuam tshuam txog cov kev yuav tau tshab txhais txog tej yam sib chab sib chaws heev lawm, ces nws kuj siv tsoom fwv cov kev pab cuam txhais lus puab dawb thiab.
Nws hais tias “Peb muaj peev xwm hu kiag tam sim ntawd thov neeg pab txhais lus los tau. Yeej yog tsoom fwv cov kev pab txhais lus. Thiab tej tej chaw txhais lus thiab txhais ntawv ntawd yeej muaj peev xwm txhais ntawv rau kws kho mob kiag thaum qhib lub paj taub kom hais tau lus nrov ntawm xov tooj thiab tus neeg mob thiab tej tus neeg txhais lus yeej nkag siab thiab rov qab txhais tej lus rau tus kws kho mob ntawd seb yog muaj teeb meem dab tsi."
Cov kev sab laj hauv xov tooj los yog sab laj hauv online yog tej yam uas yeej pom siv tas mus li ntawm Australia no txij li thaum tau muaj kab mob COVID-19 kis coob heev lawm. Credit: Phynart Studio/Getty Images
Cov kev kho mob Telehealth thiab e-scripts (cov ntawv yuav tshuaj)
Yeej muaj tej neeg coob heev kuj muaj peev xwm yuav tau txais txiaj ntsim los ntawm cov kev kho mob Telehealth (cov kev kho mob uas siv xov tooj thiab tej technologies ntau yam pab yam tsis tas mus ntsib kiag ntawm chaw), thiab cov e-scripts (ntawv yuav tshuaj) yog tias lawv tsis muaj peev xwm mus ntsib kiag kws kho mob ntawm chaw kho mob.
Thiab Medicare thiab PBS yeej pab them kom yus tau siv tej kev kho mob no.
Tab sis yuav tsum yog ib tug neeg mob uas yeej tau mus ntsib ib tug kws kho mob twg rau lub caij ib xyoos dhau los lawm mas thiaj yog cov neeg uas muaj cai tau siv cov kev kho mob Telehealth no.
Dr Hor thiaj hais tias “Telehealth cov ib cov xub ke uas pab kom tej kws kho mob siv suab, los yog video nrog ib tug neeg mob twg tham kom peb muaj peev xwm kho tau tus neeg mob ntawd, vim rau qhov tias tam sim no los peb muaj peev xwm sau tau cov ntawv yuav tshuaj e-scripts uas muaj cov QR code ntawm daim ntawv yuav tshuaj ntawd, ces mam muab xa hauv email rau tej neeg mob thiab lawv mam li coj mus yuav tshuaj ntawm tej khw muag tshuaj yam tsis tas mus ntsib kws kho mob."
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab Downloadthiab caum
