Xov xwm luv tshaj tawm hnub zwj Quag (Wednesday news 06.11.2024):
Yuav muaj neeg Meskas ntau millions tus yuav mus xaiv president tshiab (05.11.2024) los txiav txim siab tias seb Donald Trump los yog Kamala Harris leej twg yuav yeej los ua Meskas tus president tshiab tom ntej no. Trump ntseeg tias nws yuav yeej thiab Harris los yeej nqua hu kom neeg Meskas mus xaiv nom.
Benjamin Netanyahu uas yog Israel tus thawj pwm tsav tau muab nws tus nom tswj dej num tiv thaiv teb chaws rho tawm vim tau qhia rau ib daim video tias tsis muaj cov kev sib ntseeg siab ntawm nkawv ob leeg txij li tau muaj tso rog ntawm Gaza Stip los.
Tau muaj tej koom haum neeg txum tim tau nqhua hu kom David Crisafulli uas yog Queensland tus hau xeev tshiab rov qab ua tib zoo xav txog nws cov kev txiav txim siab tso tseg tsis ua cov hauj lwm Truth-telling thiab Healing Inquiry tias kom zej tsoom tsis txhob txhawj dab tsi tom qab tsib no nws tau qhia tias tsim nyog ua tej hauj lwm no, tab sis limtiam dhau los nws tau tso tseg tsis ua tej no yam tsis qhia rau tus neeg raug txim kom txheeb tej hauj lwm no.
Pab nom Greens tab tom nqua hu kom tsoom fwv teb chaws qhia nws tej tswv yim seb nws yuav ua li cas kom thiaj pab txo tau tej tub kawm Australia 3 million tus tej nuj nqe kawm ntawv $16 billion. Thawj pwm tsav Anthony albanese tau qhia txog nws tsab cai no tias yog nws raug xaiv ua tsoom fwv tshiab tom ntej no ces nws yuav los daws tej teeb meem no uas yuav ua rau ib tug tub kawm twg tsis tau them nuj nqes kawm ntawv tshaj 5,500 dollars txij tim 1 lub 7 hli ntuj xyoo 2025 mus. Ua ke no los thawj pwm tsav kuj cog lus tias nws yuav tsim kom tau cai los pab kom tau 100,000 cov fee free TAFE rau tej neeg kawm txij xyoo 2027 mus, thiab qhia tias xyoo 2023-24 ces twb muaj tej fee free TAFE ntau tshaj 500,000 cov rau tej neeg tau kawm lawm. Feem ntau ces yog tej sob kawm tus neeg puas cev, tus tej laus, kawm technology, ua hauj lwm tsim vaj tse thiab early childhood education.
Tau muaj ib tsab ntawv cej luam tshiab uas koom sau ob xyoos ib zaug twg ntawm lub koom haum Bureau of Meteorology thiab CSIRO tau qhia txog tej huab cua xyoo 2024 ces pom tau tias Australia tej huab cua yeej muaj kev pauv hloov txuas ntxiv, kub sov tuaj ntxiv, muaj caij hav zoov kub hnyiab ntev ntxiv, muaj ntuj los nag muaj ceem tshaj qub ntxiv thiab cov theem dej hiav txwv siab tuaj ntxiv. Ces thiaj yuav tau nqes tes kiab tam sim no los txo kom tsis txhob tso tej pa tsis huv rau tej ib puag ncig kom tsawg mas thiaj yuav ua tau raws tej hom phiaj teeb tseg xyoo 2030.
Tom qab David Warner raug txwv tsis pub ua tus coj txij xyoo 2018 ces nws kuj rov qab los ua tus captain rau Sydney Thunder cov kev sib tw cricket uas nws yuav los qhia tej neeg sib tw hluas txuas ntxiv.
The Laotian Times tau tshaj tawm tias yuav tsim ib txoj kab tsheb ciav hlau thauj tej mineral potash uas yuav khawb ntawm Vientiane thiab Khammuane mus rau Suav teb.
Bangkok Post tau tshaj tawm tias ib tug kws lij choj uas raug ib tug poj niam Thaib uas liam tias nws tau muab tus poj niam no nyiaj txog 100 million Baht lawm tom qab nws raug cov lej Euromillion Lotto tau hais kom tub ceev xwm mus tshuaj ntsuam tej xwm txheej no kom nws muaj peev xwm qhia tau txog nws zaj dab neeg, vim pheej muaj neeg soj qab taug nws lw rau ntawm nws tsev ces nws thiaj tsis tau luag tawm mus rau qhov twg thiab pheej nyob ntawm tsev xwb.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
