Ntsiab lus tseem ceeb:
- Thaum peb tau ntaus kev phooj ywg nrog lwm tsav neeg coj ntseeg lwm yam kab lis kev cai ces thiaj yuav ua rau peb paub txog tej xwm txheej tsiv teb tsaws chaws sib txawv.
- Cov kev pheej coj thiab nyob nrog yus tej kab lis kev cai thiab tsis koom nrog lwm pab pawg tiv thaiv kom yus tsis txhob muaj peev xwm nrhiav tau tej xov xwm tseem ceeb ntawm ib lub teb chaws tshiab.
- Cov kev ntaus phooj ywg nrog lwm tsav neeg coj ntseeg kab lis kev cai sib txawv yuav pab kom pab muaj cov kev xav tshiab thiab pab kom peb mloog tau tias peb yog ib feem ntawm ntawm lub teb chaws.
- Cov kev pheej nyob nrog tib co kab lis kev cai nkaus xwb yuav ua rau peb tsis muaj peev xwm tsim tau kev sib raug zoo uas zoo tshaj plaws.
Puas yog koj tej phooj ywg tsuas yog tej neeg uas coj ntseeg koj tej kab lis kev cai xwb?
Tej kev paub kev pom thiab tau ua dua ntawm cov kev tsiv teb tsaws chaw no yog tej yam uas ua rau yus nyob twm zeej kho siab khuav, ces thiaj pheej ua rau peb pheej xav nrog tej neeg peb swm nyob los yog thov kev pab cuam los ntawm lawv los yog tsim kev phooj ywg nrog lawv xwb.
Txawm li cas los yog peb ho muaj peev xwm tsim kev phooj ywg nrog tej neeg uas coj ntseeg kab lis kev cai txawv peb kuj yuav pab kom peb muaj cov kev xav txawv thiab pab kom peb ho muaj txoj kev txhawj xeeb txog lwm tus thiab.
Tsis tas li ntawd los cov kev ntaus phooj ywg nrog lwm yam neeg coj ntseeg lwm cov kab lis kev cai kuj qhia txog ntau yam ntawm peb cov kev zoo sib xwb thiab.
Dr Harriet Westcott uas yog ib tug kws paub zoo txog kev ntaus phooj ywg thiab kev tsiv teb tsaws chaw hasi tias “Thaum tej neeg tuaj rau Australia no ces yeej ib txwm cuam tshuam nrog cov kev tsiv teb tsaws chaw,"
“Yeej muaj ntau yam kev tsiv teb tsaws chaw thiab muaj ntau yam laj thawj sib txawv ua rau tej neeg tau tsiv teb tsaws chaw, thiab tej neeg yeej muaj cov kev tsiv teb tsaws chaw sib txawv. Yog li cov kev nug txog tej neeg cov kev tsiv teb tsaws chaw kuj yog tej yam tseem ceeb - tab sis tej zaum kuj yuav yog tej yam ua rau lawv nyuam siab thiab uas yus yuav tau xyuam xim yog tham txog cov kev ntau phooj ywg."
Pheej nrog tej neeg 'coj ntseeg kab lis kev cai zoo tib yam' xwb.
Peb yeej tso kaj siab dua nrog tej neeg yog peb tib haiv neeg, tib co pawg neeg tsawg, uas coj tib yam kab lis kev cai thiab muaj cov kev xav zoo tib yam li peb - tab sis tej no kuj muaj qee yam tsis zoo thiab.
Professor Catherine Gomes uas yog tus neeg paub zoo txog cov kev sib t xuas lus nrog ntau yam neeg zejzog sib txawv ntawm tsev kawm qib siab RMIT hais tias “Qhov teeb meem tiag mas pheej ua rau yus tsis muaj peev xwm ua tau dab tsi kom nthuav dav tshaj lub zejzog uas yus nrog nyob ntawd li."
Ntawm yus pawg neeg uas coj kab lis kev cai zoo tib yam ntawd ces lwm tus yeej muaj cov kev xav zoo tib yam li yus xav xwb thiab. Thiab yog tham txog tej xov xwm thiab cov kev xav txog txoj kev ua lub neej ntawm lub teb chaws tshiab, ces tej yus tej phooj ywg paub los yeej zoo li tej yus paub xwb thiab. Ces thiaj ua rau muaj teeb meem vim yus twb tsis totaub tias xyov yus yuav ua lub neej li cas ntawm lub teb chaws tshiab no.Catherine Gomes
Tsuas yog sab nraum yus lub zejzog uas coj ntseeg kab lis kev cai txawv ntawd xwb peb thiaj nrhiav tau tej xov xwm txeem ceeb coj los pab kom peb ua tau lub neej ntawm lub teb chaws tshiab uas peb mus nyob ntawd xwb.
Yeej ib txwm pom tias tej tub kawm pej kum haiv yeej tsis tshua ntsib teeb meem txog tej kab lis kev cai txawv uas ua rau lawv ceeb dab tsi, thiab yeej muaj peev xwm hloov thiab yoog lawv tus kheej thaum lawv ntau kev phooj ywg nrog tej neeg zejzog ntawm lub teb chaws ntawd.
Txawm li cas los Professor Gomes yeej hnov tias muaj tej tub kawm pej kum haiv Suav qhia tias lawv yeej tsis muaj phooj ywg sab nraud dua ntawm lawv tej phooj ywg Suav li thiab.
Make friends in Australia: the importance of cross-cultural friendships
“Tab sis yog tham ras seem nruab nrab txog tej neeg tsiv teb tsaws chaw coob heev ntawd, hais tsi ntsees rau tej tuaj nyob ib ntus ntawd ces, yeej yog tej yam nyuam heev uas yuav nrhiav tau tej phooj ywg uas yog cov neeg zejzog ntawm teb chaws no.''
Cov kev ntaus phooj ywg tsis yog tej yam ua tau yooj yim
Tej neeg ntawm lub teb chaws no los yeej ib txwm muaj kev sib raug zoo los tau ntau xyoo thiab yeej tsuas nyob nrog lawv tej neeg uas coj ntseeg tib yam kab lis kev cai xwb thiab.
Max Tkachenko uas yog ib tug tub kawm pej kum haiv neeg Russia dhau los los kuj pom txog qhov tseeb no tias thaum nws tau tuaj txog teb chaws no.
Thaum yus hnov tej neeg tsiv teb tsaws chaw tawm tswv yim tias tsis yog tej yam yooj yim uas yuav sib cuag tau nrog tej neeg uas twb muaj kev sib raug zoo heev nrog tej neeg uas coj ntseeg kab lis kev cai zoo tib yam, ces kuv yeej totaub zoo txog tej teeb meem no. Vim kuv twb tau ntsib dhau los lawm.Max Tkachenko
Mr Tkachenko hasi tias “Tab sis kuv kuj xav tias cov lus tawm tswv yim tias ib tug twg pheej tsis xav koom thiab poo nrog lwm tus no kuj yog ib cov kev yeb uas pheej txwv txiav yus tus kheej xwb thiab."
Dr Westcott hais tias cov kev ntaus kev phooj ywg no kuj yog ib co kev yeem thaj xwb thiab, tsis yog txhua leej txhua tus yuav xav ua phooj ywg nrog peb thiab."
“Kuj tsis yog tim peb dab tsi. Tab sis vim lawv tsis khoom thiab yuav tau ua lawv lub neej. Tab sis yog peb qhiab siab thiab xam tias zoo li yog ib feem ntawm txoj kev ua lub neej xwb, ces thaum kawg peb yeej yuav ntsib tej neeg uas xav ntaus kev phooj ywg nrog peb thiab."
Hloov yus cov kev xav kom txawv tej uas yus tej kab lis kev cai ib txwm xav
Vim cov kev xav paub xav pom thiab xav tsim kom tau kev sib raug zoo uas muaj txiaj ntsim thiaj tau ua rau Max Tkachenko ntau kev phooj ywg nrog lwm tsav neeg coj ntseeg lwm yam kab lis kev cai.
Nws hais tias “Kom xav tias zoo tib yam li ib tug me nyuam yaus ntawm ib lub khw muag kob thaj,''
“Uas nws xav sim txhua yam. Thiab thaum yus tuaj rau Australia lawm ces yus yeej muaj peev xwm sim ntau phooj ywg nrog txhua tus neeg coj lwm yam kab lis kev cai ntawm tib txoj kev uas yus nyob ua ke, vim li cas thiaj pheej txwv txiav yus tus kheej mas?''
Tej neeg uas yug thiab loj hlob ntawm Australia los yeej muaj peev xwm maj mam hloov lawv cov kev xav kom txawv tej lawv tej kab lis kev cai ib txwm coj thiab xav tau thiab. Credit: SolStock/Getty Images
“Yog thaum yus pheej nrog yus tej neeg coj ntseeg tib yam kab lis kev cai zoo tib yam nyob xwb ces tej zaum yus kuj yuav tsis muaj peev xwm tsim tau cov kev sib raug zoo uas yus tsim nyog tsim.''
Cov kev mloog tau tias yus yog ib feem
Professor Gomes ces teev tias yog ib tug neeg Eurasian (neeg Europe txuam neeg Asian) uas tau yug ntawm teb chaws Singapore. Thaum nws tau tuaj txog rau Australia no ces nws yeej nrog ib tug twg uas txawv nws tham.
Ua nws hais tias pab kom nws nkag siab txog tej zejzog kom nthuav dav tuaj ntxiv uas tam sim no nws yog ib feem lawm. Thiab yuav pab kom yus pab txog lub teb chaws no zoo dua tuaj ntxiv.
“Piv txwv li tias yog yus muaj tej phooj ywg uas yog neeg Australia, ces yuav ua rau yus mloog tau tias zoo li yus yog ib tug neeg ntawm no ntau dua thiab."
Yog tias yus pheej nrog tej neeg zoo tib yam li yus xwb, ces yus yeej tsis tau ua ntau yam ntawm lub teb chaws no li, tsuas yog yus tau tsiv tawm ntawm yus lub teb chaws mus rau ib thaj chaw uas ib nyuag txawv zog xwb.Max Tkachenko
Cov kev ua phooj ywg zoo nrog lwm tus thiab cia lwm tus koom tau phooj ywg nrog yus kuj yuav tsim tau kev phooj ywg ruaj thiab ntev. Credit: Lucy Lambriex/Getty Images
Nws hais tias “Qhov yus ntshai yog qhov ua rau yus plam, uas yog lwm sab ntawm cov kev ntshai."
“Yog li ntawd tsis hais koj yuav yog ib tug neeg yug ntawm Australia no los yog yog ib tug neeg uas tau tuaj rau lub teb chas no lo cov kev ntxeem kom dhau ntawm cov kev ntshai thiab ua tej uas muaj kev lom zem. Yus yuav tsum tau ua, koom tso dag, thiab ua ib yam dab tsi."
