Nkauj Yis Yaj uas yog ib tug ntxhais Hmoob ntawm nroog Melbourne qhia tias nws nyiam txuas rau tes ces thaum kawg nws thiaj yuav ib lub khw txuas rau tes ntawm kilmor rau lub sij hawm ob peb hlis dhau los thiab los ua cov lagluam no.
Nws hais tias 'nws yeej ua hauj lwm office dhau los lawm, tab sis xav siv laj lim tswv yim mus ua kom tau ib yam dab tsi zoo nkauj.'
'Ua ntej kuv mus qhib lub khw no kuv yeej ua rau tes rau kuv tus kheej, thiab ua rau kuv cov family me ntsis, ua ua ces thaum muaj fib fim los yuav lub khw no ces thiaj siv lub tsam ntawj no tig cov kev txuas rau tes no los ua ib txoj hauj lwm ua lawm,' raws li nkauj Yis Yaj qhia rau SBS Radio Hmong program.
Cov kev ua rau tes no xam tias yog ib cov luxury services, yog yus tsis ua rau tes los yus yeej nyob taus yus, tab sis yog tej yam yog yus siv cov nail services ces ua rau tej neeg feel more cofident thiab feel better about themselves.Nkau Yis Yaj, owner of Hmong Rose Nails.
Nws kuj hais tias txuas rau tes tag ib zaug ces 'yeej kav li ntawm 2 txog 4 weeks (1 hlis). Thiab ua ib zaug twg tej zaum siv sij hawm li ntawm 50 minutes mus txog li ntawm 2 teev thiab yog txuas rau tes tas thiab xav pleev kob (xim) kom zoo nkauj thiab ces tej zaum kuj siv sij hawm txog li ntawm 3 teev thiab.'
Nkauj Yis hais tias 'Kuv nyiam heev, yus yeej nrog tej neeg ua hauj lwm ua ke ces yus swm lawv lawm ces zoo li sawv daws ces zoo li yog yus cov phooj ywg tuaj sib ntsib tuaj ua si xwb.'
Sab hauv nkauj Yis Yaj lub khw txuas raus tes Credit: Kao Yee Yang (Monica Hang)
Nkauj Yis hais tias ''Tej lagluam txuas rau tes ces yeej pauv hloov tas mus li, yog tias yus ua tau zoo ces tom ntej no tej zaum tej txiv neej yeej xav tuaj ua rau tes thiab. Kuv yeej xav cater rau tej txiv neej - txawm tsis nyiam txuas rau tes los tsis ua li cas - tab sis kuj provide cov manicure thiab pedicure tau. Ces poj niam thiab txiv neej los ua tau. Uas yog tu yus tej rau tes rau taw thiab yus tej tes tej taw kom huv si thiab kom zoo nkauj. Kom huv si nit and tidy.''
Nws hais tias 'yav tom ntej ces pab yuav kho peb cov services kom zoo, kom tej customers tuaj los kom lawv tuaj relax, peb yeej xav kho kom zoo li ntawd. Peb kuj yuav ua ib co customised personal nail rau tej customers uas maj thiab tsis tshua muaj sij hawm.'
Thaum yus ua yus lub business mas yus muaj siab zog, txawm tias yog hnub no busy los zoo los lub khw no yeej yog yus li, ces yus yeej muaj siab me ntsis. Yus ua rau lwm tus no ces yeej zoo ib qho thiab yus ua hauj lwm tas ces los tsev xwb tsis nyuaj siab tsis xav txog tej hauj lwm lawm, tab sis yus ua lagluam ces yeej xav txog txhua hnub, txawm los tsev los yeej tseem xav txog yus tej hauj lwm.Nkauj Yis Yaj, owner of Hmong Rose Nails.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , ,
