Tej coj ntawm xeev Queensland tab tom los hais lus ua zaum kawg rau tej neeg xaiv nom ua ntej hnub zwj Cag (Saturday 26.10.2024) uas yuav muaj cov kev xaiv tsa tsoom fwv xeev, rau lub caij muaj tej kev ntsuam zej tsoom cov kev tawm tswv yim tshiab hais tias ntshe pab nom Labor yuav swb cov kev xaiv tsa no tom qab tau ua nom los tau yuav laug txog 10 xyoo.
Steven Miles thiaj tau mus xyuas 36 lub rooj nom rau ob peb hnub dhau los no rau lub caij tseem nrhiav suab sib tw no, hos David Crisafulli uas yog tus coj ntawm lwm pab nom xeev los kuj muaj xov xwm qhia tias raws li tej xov xwm qhia ces kuj yuav yeej peb lub rooj nom ntawm Townsville uas yuav pab kom nws muaj cov rooj nom feem coob, thiab tej rooj nom no yeej ib txwm yog Bob Katters pab nom Australian Party ua cov tswj tam sim no.
Tab sis raws li phau ntawv xov xwm The Australian cov kev ntsuam zej tsoom cov kev tawm tswv yim ces kuj pom tau tias muaj neeg nyiam lwm pab nom (State Opposition) dua tsoom fwv Labor, tab sis ntau limtiam los no kuj rov qab muaj neeg nyiam Steven Miles ntau tuaj ntxiv lawm thiab.
Txawm li cas los Campbell Newman tau qhia rau Sky News tias nws kuj tseem txhawj txog Mr Crisafulli thiab.
Nws hais tias ''7 los yog 10 hnub dhau los kuj txhawj txog tej xovxwm nthuav tawm uas muaj 2 yam tseem ceeb li tsis tshua muaj neeg niam nws (Mr Crisafulli) thiab raws li cov kev ntsuam zej tsoom cov kev tawm tswv yim tsis ntev los no ces tsuas muaj neeg nyiam pab nom LNP 41 feem pua lawm xwb. Tej no ces yog tej ua rau tus tsoom fwv Newman swb nws cov kev sib tw nom xyoo 2015.''
Tej neeg uas tseem tsis tau hloov dua xov tooj tshiab siv raug nqua hu kom kav tsij hloov ua ntej yuav tsis siv cov 3G network limtiam tom ntej no.
Telstra thiaj hais tias nws yuav pib kaw nws cov 3G network txij hnub zwj Hli (Monday) no mus ces yuav ua rau tej neeg uas siv tau cov 3G network raug blocked thiab tsis muaj peev xwm siv tau tej suab los yog cov data services txog rau thaum hloov siv lub xov tooj tshiab xwb.
Channa Seneviratne uas yog Telstra tus kis hais tias tsis tshuav sij hawm ntev lawm.
Nws hais tias ''Thaum dhau ib tag hmo hnub tim 28 lub 10 hli ntuj (2024) no mus li 1 ntiag tiav (Minute) lawm ces peb yuav block txhua lub xov tooj uas siv cov 3G network lawm, ces yuav siv hu tsis tau Triple Zero (000) ntawm VOLTI lawm, thiaj xav kom tej neeg hloov raws peb tej cai tshiab. Vim txij lub caij ntawd mus ces peb yuav kaw tsis siv peb tej 3G network ntxiv lawm. Thiaj tseem ceeb heev uas xav kom nej npaj kom txhij ua ntej hnub tim 28.10.2024 kom thiaj siv tau tej services ntawd txuas ntxiv.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
