Tau muaj cov neeg tsis muaj vaj tse nyob hauv teb chaws Australia no coob tuaj ntxiv lawm. Tab sis lub teb chaws no yeej tsis muaj tswv yim dab tsi yuav los tsim kom tau tej vaj tse ntau thiab pheej yig rau tej neeg ntiav tau nyob los yog yuav nyob li. Thiab zoo li yeej muaj cov teeb meem neeg tsis muaj vaj tse no haj yam nyuaj zuj zus tuaj ntxiv xwb.
Muaj cov neeg tsis muaj vaj tse nyob hauv Australia coob tshaj , thiab tau muaj cov neeg no coob tuaj ntxiv txog li 14% rau ntau lub xyoo dhau los no lawm.
Muaj ntau cov laj thawj (reasons) ua rau muaj cov tej teeb meem neeg tsis muaj vaj tse nyob ntawm tebchaws no. Cov sawv daws paub zoo ces yog vim tsis muaj tsev txaus los yog tsis muaj tsev pheej yig rau tej neeg ntiav tau nyob los yog yuav nyob.
Dr. Evelyne Tadros uas yog tus coj lub koom haum ntawm xeev New South Wales hais tias "Tej nqe ntiav tsev nyob los kim zujzus tuaj ntxiv, ces thiaj ua rau tej neeg txom nyem uas khwv tau nyiaj tsawg thiaj tsis muaj peev xwm them tau tej nqe ntiav tsev nyob lawm."
Jenny Smith uas yog tus coj lub koom haum thiab ho yog tus tuam thawj tswj ntawm lub koom haum hais tias, teb chaws Australia yeej tsis muaj ib cov tswv yim yuav los daws cov teeb meem tsis muaj vaj tse txaus rau tej neeg nyob, tsis hais cov ntiav tsev nyob los yog yuav tsev nyob li.
A homeless man sits on a street in the Central Business District of Sydney. Source: Getty Images
"Tseem hwv yeej tsis npaj tswv yim dab tsi los nrog xyuas kom muaj vaj tse txaus rau tej neeg khwv tau nyiaj tsawg tau nyob li. Peb xav tias tej lagluam vaj tse los xyuas tej teeb meem no lawm, thiab txawm lub teb chaws no yeej muaj lagluam loj hlob huam vam los tau 30-40 xyoo no lawm los tej lagluam vaj tse yeej tsis muaj peev xwm daws tau tej teeb meem hais no li. Tsoom hwv los yeej tsis kub siab los tsim vaj tse rau tej neeg txom nyem nyob li thiab, tsuas yog txog rau thaum lawv tig los kub siab nrog xyuas thiab daws tej teeb meem no lawm xwb, mas peb thiaj yuav tsis pom muaj tej teeb meem neeg tsis muaj vaj tse nyob no ntxiv lawm xwb, tsis li ntawd ces yeej yuav pom muaj neeg tsis tau vaj tse nyob ntau tuaj ntxiv sai heev xwb."
Nws thiaj xav kom tej neeg to taub tias cov teeb meem kub ntxhov thiab tsis haum xeeb hauv lub cuab yig thiab cov kev tsis muaj vaj tse tsawg no yog cov txuam thawj (factors) tau ua rau muaj cov teeb meem neeg tsis muaj tsev nyob, tsis yog cov kev tsis muaj peev xwm pab tau yus tus kheej ntawm tej neeg ntiag tug.
Nyeem tau zaj xov xwm qhia txog Australia cov neeg tsis muaj vaj tse nyob tau ntxiv ntawm no:
“Kuv xav tias yog tej yam tsis muaj hmoo uas peb tej neeg zej zog thiab peb tej zeem muag ntaus nqe yuam kev rau tej neeg ntiag tug uas tsis muaj peev xwm pab tau lawv tus kheej, li cov neeg tsiv teb tsaws chaw (migrants), cov neeg puas cev uas muaj teeb meem mob hlwb thiab cov neeg quav yeeb quav tshuaj ntawd. Tab sis yeej tsis muaj feem cuam tshuam rau tej neeg no dab tsi. Vim tias yog peb yog ib tug neeg txom nyem nyob hauv peb tej zos, ces peb yeej tsis muaj peev xwm ntiav tau tej vaj tse uas tam sim no tej nqe ntiav tsev kim heev ntawd nyob li, ces thiaj yuav ua rau peb ras los ua cov neeg tsis muaj vaj tse nyob ntau dua lawm xwb. Tsis yog tias tim cov neeg no tsis kub siab ua lawv lub neej, tab sis vim yeej tsis muaj vaj tse txaus rau sawv daws muaj peev xwm ntiav tau nyob los yog yuav tau nyob tiag tiag ces thiaj muaj cov teeb meem neeg tsis muaj vaj tse nyob no."
Source: AAP Image/Ann Marie Calilhanna
Dua ntawm cov kev tsis muaj vaj tse txaus thiab pheej yig rau sawv daws yuav los yog ntiav nyob lawm, ces cov neeg coj ntseeg ntau yam kev cai dab qhuas thiab hais ntau hom lus uas tsis paub lus Askiv zoo yog cov tseem ntsib lwm yam teeb meem nyuaj ntxiv thiab.
Tadros tau hais tias “Lawv tseem muaj kev nyuaj siab ntau yam ntxiv rau txoj kev tuaj pib ua dua lub neej tshiab hauv teb chaws Australia no ntxiv, tsis hais yuav tau kawm lus thiab ntaub ntawv tshiab, yuav tau hloov thiab yoog coj raws tej kab lis kev cai tshiab thiab cov kev kawm txuj ci tshiab ntawm lub teb chaws no. Thiab tej zaum tseem muaj ib txhia tsis paub zoo txog lawv txoj cai tam li yog ib tug neeg ntiav vaj tse nyob tias lawv muaj cai dab tsi, ces thiaj pheej tseem raug tej tswv tsev ua phem los yog yuam siv lawv yam tsis raug cai.”
Yuav nrhiav kev pab cuam li cas?
Yog koj ntseeg tias tej zaum koj yuav ras los ua cov neeg tsis muaj vaj tse nyob los yog koj twb yog cov neeg tsis muaj vaj tse nyob lawm, los yeej tseem muaj ntau txoj hauv kev pab tau koj thiab. Txhua lub xeev ntawm teb chaws Australia no yeej muaj cov koom haum pab cuam los pab. Thiab lawv yuav nrog cov tswv tsev sib khom sev cev rau koj los yog nrhiav chaw so rau koj ib ntus los sis nrhiav zaub mov rau koj noj thiab.
Koj muaj peev xwm txheeb tau ntau lub koom haum ntawm ntau lub xeev no tau. Tsis tas li no los yeej tseem muaj cov xov tooj ntawm ntau lub koom haum ntawm ntau lub xeev hauv teb chaws Australia pab uas koj muaj peev xwm hu thov tau kev pab cuam los sis thov kev pab cuam tau ntawm lub koom haum tau 24 teev 7 hnub yog koj raug .
Thiab yog koj xav nrog lwm tus tham ua koj cov lus vim koj tsis paub lus Askiv zoo, ces yeej muaj neeg txhais lus ntawm lub koom haum , thiab ntau lub koom haum muaj cov neeg paub ntau hom lus txhais lus thiab ntaub ntawv pub rau koj thiab.
Homeless shelter Source: Getty Images
Yuav pab tau cov neeg tsis muaj vaj tse nyob no tau li cas?
Smith hais tias thawj yam ces yog tias koj yog ib tug neeg muaj hmoo uas tau chaw nkaum nag lawm ces xav kom koj yuav tsum ua siab zoo thiab hlub cov neeg no.
“Qhov tseem ceeb tshaj plaws ces yuav tsum hlub cov neeg uas twb muaj teeb meem no lawm, thiab txoj kev siab dawb siab zoo thiab hlub lwm tus no ho nug yus tus kheej seb yus ho puas qee tau yus tej peev txheej me ntsis pab rau lawv. Lwm yam tseem ceeb thiab ces xav kom sawv daws yuav tau nug lawv tus kheej tias pab nom los yog tus nom lawv yuav xaiv los ua nom sawv cev rau lawv tsis hais nom tswv zos, nom txwv xeev los yog nom tswv teb chaws ntawd yuav tsum tau ua zoo xyuas kom muaj cai los pab rau cov neeg tsis muaj vaj tse nyob."
