Raws li Nchaiv Khwb Xyooj uas yog ib tug laus neeg Hmoob Australia hais ces tsis hais Hmoob xeem dab tsi li yeej muaj cov kev ntseeg ntau yam rau tej kob (xim) sib txawv ntawm Hmoob tej kab lis kev cai li khawv koob thiab kev ua neeb ua yaig.
Peb theem neej no mas thaum uas niam txiv tu tus me nyuam ntawd es puv hli es lawv mus ua teb ces thawj peb hnoob uas lawv yuav coj mus ua teb ntawd ces Hmoob tsis muaj txuj ci li cas li lawm ces Siv Yis qhia hais tias kom mus xyuas ntiv tes pleev cov hmoov qab yiag uas tus nplaim taws tuaj mus kub ntawm rooj qhov txos khub ntawd ces muab coj los mus pleev rau saum hauv pliaj, ntaus tus cim khaub lig rau (tus me nyuam) ntawd ces mus txog qhov twg dab phem pom ces dab phem yeej ntshai. Dab phem yeej tsis los kov.Nchaiv Khwb Xyooj
Tab sis yog tham txog kev ua neeg yaig lawm ces Nchaiv Khwb Xyooj kuj hais ntxiv tias.
Thaum peb cov txiv neeb ua neeb ib tse neeg hauv (nruab yeeb) tag ces thiaj li hais kom muab hmoov qab yiag coj los mus pleev hauv pliaj txhua tus, qhov no yog ib qho fwj chim ntawm Siv Yis rov mus Siv Yis qhia rau Hmoob, ces qhov no Hmoob yeej khaws los txog rau txog rau tam sim no. Hnoob no kiag los Hmoob yeej tseem siv li ntawd.Nchaiv Khwb Xyooj
Nws kuj hais ntxiv tias 'thaum txiv plig Nyiaj Pov (Ives Bertrais) tuaj rau Nplog teb es nws pom Hmoob pheej siv tus cim khaub lig ntawd ces nws kuj hais tias tus cim no muaj ntsis zoo li tus Vaj Tswv (Tswv Yesxus - Jesus Christ) qhia rau lawv.'
Yog tham txog Hmoob tej khawv koob lawm ces Nchaiv Khwb hasi tias.
Hmoob zaj khawv koob hu ua huj lag tsis sawv uas yog zaj khawv koob txuas txha, kho dej kub hlab thiab kho kub hnyiab. Zaj khawv koob ntawd mas thaud kuv yeej kawm ces tus xib fwb qhia kuv los yeej qhia tias yog yus txawj zaj khawv koob no lawm ces Hmoob zaj taw kev los yog yus txawj ces kom tsis txhob ua (siv) lawm, zaj qeej tu siav txawm yus txawj tshuab los kom tseg tsis txhob tshuab lawm, lwm yam ua tau tab sis mas ob yam no kom tsis txhob siv lawm.
Yog rov qab tham txog kev ua neeb ces nws hais ntxiv tias.
Ua neeb ces peb xuas txoj khaub hlab liab thiab txoj khaub hlab dawb los mus khi rau tus tib neeg ntawd, khi ntawm tes los yog, khi ntawm ko taw los yog, khi ntawm caj dab los tau. Lub caij nyoog thaum peb Hmoob los Tuam tshoj los rau Xov tshoj teb ces peb yeej khi ntawm caj dab, ntaus cim rau ntawm caj dab li ntawd.Nchaiv Khwb Xyooj
Nchaiv Khwb Xyooj kuj tau xaus lus tias 'Kuv ntseeg tau tias Hmoob cov txuj no ces yeej zoo, yog leej twg ntseeg ces khaws ces yeej tsim nuj rau Hmoob no mas.'
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab Downloadthiab caum
