Tsoom fwv Gough Whitlam tau tsim los lus 'social cohesion' - 'zej tsoom cov kev koom npoj' xyoo 1972 coj los siv.
Thiab Dr Hass Dellal uas yog tus coj lub koom haum Australian Multicultural Foundation thiab yog tus tswj cov kev txheeb xyuas tsoom fwv teb chaws cov hauj lwm multicultural review tau hais tias tau muaj kev koom npoj rau lub ciaj xyoo 1990s 'vim txhawj xeeb txog tej teeb meem globalisation, tej kev pauv hloov rau tej lagluam thiab cov kev ua tsov rog nrog lub tswv yim terrorism.'
Tab sis lob lus no kuj txhais tau ntau lub ntshiab lus sib txawv thiab.
Yav lig lub caij xyoo 1800s ces txhais tias tsis muaj cov kev sib ntaus sib tua thiab muaj zej tsoom cov kev sib raug zoo sib koom npoj ruaj khov heev.
Ntxiv ntawd los kuj txhais tias tej neeg siv tib co cai coj taug ua zoo tib yam, tsis muaj kev sib tu ncua ntawm tej neeg ua lub neej sib txawv ntau yam thiab tag nrho sawv daws mloog tau tias lawv yog ib feem ntawm tib lub zejzog.
Dr Dellal thiaj hais tias ''lub cim thawm thiab cov kev mloog tau tias yus yog ib feem yog lub hauv paus tseem ceeb ntawm cov kev koom npoj. Uas muaj ntau lub teb chaws thiab peb kuj yog ib lbu uas muaj ntau tsav neeg coj ntseeg ntau yam kab lis kev cai sib txawv, muaj feem koom yog tej yam tseem ceeb uas muaj kev sib fwm thiab pab kom peb haiv neeg vam meej.''
Nrab xyoo 2000s ces lub koom haum Scanlon Foundation Research Institute yeej tau pib ntsuam zej tsoom cov kev koom npoj raws 5 lo lus tseem ceeb li: yus mloog tau tias yus tsim nuj, tau txais kev ncaj ncees, raug lees txais, yog ib feem ntawm zejzog, thiab muaj feem koom. Thiab yeej txheeb ib xyoos ib zaug twg.
Lub chaw teeb txheeb no thawj tsav ntawv cej luam raug coj los qhia xyoo 2007 ces yeej tau cov zauv zej tsoom cov kev koom npoj txwm 100 feem pua. Tab sis xyoo 2023 ces tsuas tau 73 feem puas lawm xwb vim ua rau tej neeg tsis muaj feem koom, tsis tau txais kev ncaj ncees, thiab tsis raug lees txais thiab tsis raug lees paub.
Lub caij tseem muaj kab mob COVID019 ces tau tus zauv koom npoj txog 93 feem pua.
Ms Hancocks uas yog tus coj lub koom haum no thiaj hais tias vim tsoom fwv kub siab nrog tswj kab mob thiab pab tej neeg txom nyem 'piv txwv li pab cov nyiaj Jobseeker thiab Jobkeeper thiab lees paub tej neeg, thiab saib xyuas tej neeg ces thiaj tau tus zauv feem puas no siab, tab sis tom qab ntxeem dhau tus mob no lawm ces rov qab poob qes li thaum ua ntej tsis muaj kab mob kis thoob ntuj lawm.''
Thiab tsoom fwv kuj muaj kev txhawj xeeb txij thaum tau muaj cov xwm txheej sib tua ntawm Middle East tim 7 lub 10 hli ntuj xyoo 2023 uas ua rau muaj xov xwm cej luam tias muaj neeg tsis nyiam tej neeg Jews thiab tsis nyiam tej neeg Musliam ntau tuaj ntxiv hauv tej zejzog.
Txawm li cas los Australia yeej tseem xav tias 'lub tswv yim multiculturalism yeej tseem yog ib lub tswv yim zoo li qub thiab tau cov zauv feem pua txog 85 los ntev heev thiab yeej tsos hloov.'
Dr Dellal thiaj hasi tias 'Tsis muaj peev xwm yuav hais tau tias yus yog ib haiv neeg muaj ntau tsav neeg coj ntseeg ntau yam kab lis kev cai uas ua tau lub neej koom npoj thiab vam meej yog tias yus tsis tsim kom tau tej cai zoo coj los siv. Tsis yog tsim lub tswv yim no siv xwb ces las mees ces txawm yuav ua tau lawm.'
Ces cov kev lees paub tias yeej tseem muaj tej yam tsis zoo ntawm tej zejzog kuj yog tej yam tseem ceeb thiab.
Dr Dellal rov qab hais ntxiv tias ''Yuav tsum xyuas kom qhia qhov tseeb tso tshav lug, thiab xyuas kom muaj txoj kev tso siab ntseeg siab. Peb yeej tsis hais tias Australia yog ib lub teb chaws faib cais ntxub ntxaug tsis nyiam lwm tsav neeg, tab sis yog tej yam tsis muaj hmoo uas yeej tseem muaj ib feem ntawm peb tej zejzog pheej tseem faib cai lwm tus thiab.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
