Nyiaj Pov Vwj ces yog tus courses coordinator uas npaj tej chav kawm ntau yam li ''kawm qeej, kawm zaj tshoob txiv xaiv, los yog kawm txog Hmoob kab lis kev cai,'' ntawm lub koom haum Hmoob Culture Brisbane Inc.
Nws hais tias ''tam sim no ces peb twb muaj tej chav kawm uas kawm qeej thiab kawm zaj tshoob lawm hos tseem tsis tau muaj chav kawm qhia txog txiv xaiv ces muaj xibfwb lawm tab sis tseem npaj tsis tau tub kawm mus kawm, yuav yog leej twg nyiaj kawm thiab teev npe ces mam li muaj chav qhia rau sawv daws kawm, tiam si xib fwb thiab chav qhia ces yeej npaj tau lawm.''
Nyiaj Pov kuj qhia ntxiv tias 'yeej tau muaj ob cov kev ua yeeb yam ntawm Hmoob Brisbane tej me nyuam uas dhia qeej thiab ua yeeb yam lawm. Thawj yam ces yog coj tej me nyuam Hmoob kawm qeej mus dhia qeej ua kev lom zem rau hauv Hmoob Brisbane ob lub ntees lawm, ntxiv ntawd ces kuj muaj Hmoob tej me nyuam kawm qeej mus dhia qeej ua yeeb yam, thiab tej ntxhais mus seev cev ua yeeb yam rau nom tswv zos ntawm Brisbane saib lawm thiab'.
Nws kuj qhia ntxiv tias yav pem suab ces yeej xav kom muaj Hmoob tej ntxhais tej tub mus kawm tshuab qeej los yog kawm Hmoob tej kab lis kev cai thiab Hmoob ntau yam txuj li zaj tshoob txiv xaiv, qeej, raj los yog lwm yam txuj ntawm lub koom haum Hmong Culture Brisbane Inc uas nug tau nrog nws tau. Tsis tas li ntawd los kuj muaj lub koom haum no lub Facebook page qhia tso tej xov xwm txog tej sob kawm no rau thiab cia siab tias yav tom ntej yuav tsim kom tau ib lub vas sab (website) coj los siv thiab.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download thiab kom koj mloog tau SBS Hmong.
