Xov xwm luv tshaj tawm hnub zwj Quag (Tuesday news 26.11.2024):
Tub ceev xwm Queensland qhia tias lawv txheeb tau ib tug me nyuam hnoob nyoog ob xyoos tsis nti li lawm hauv ib lub tsheb ntawm ib lub tsev ntawm lub zos Innisfail thaum 1 pm tav su dua hnub Monday tom qab lawv txheeb tau tias tus me nyuam ntxhais ntawd tau nyob ntau teev hauv lub tsheb lawm. Tshav ntuj kub txog 30 degree hnub ntawd ces thiaj ua rau tus me nyuam ntawd tas sim neej lawm tom qab coj mus txog ntawm tsev kho mob.
Xiao Qian uas yog Suav tus nom ambassador ntawm Australia qhia tias nws lub teb chaws rov qab muaj kev sib raug zoo nrog Australia li qub lawm tom qab ntau xyoo tsis ntev los no tau muaj teeb meem rau Australia thiab Suav cov kev sib raug zoo. Ua ke no los Suav lub embassy kuj qhia tias txij hnub tim 30 lub 11 hli ntuj mus ces neeg Australia yuav muaj peev xwm mus ncig tau teb chaws Suav tau 30 hnub yam tsis tas thov visa siv.
Donald Trump uas yog Meskas tus president raug xaiv tsa tshiab qhia tias yuav nce se 25 feem pua rau tej xa ntawm Mexico thiab Canada muag rau Meskas, thiab yuav nce se ntxiv 10 feem puas ntxiv rau tus se no rau tej khoom xav ntawm Suav mus muag rau Meskas. Trump tau qhia rau hauv nws lub tuam txhab Truth Social tias tej no yog ib yam ntawm ntau yam nws yuav ua rau thawj hnub uas nws ua president thiab yuav raug txim rau ob lub teb chaws no txog rau thaum nkawv daws tej teeb meem yaj yeeb txhaum cai thiab txwv txiav tsis pub neeg tsiv teb tsaws chaw mus rau Meskas tso. Ua ke no los Trump kuj yuav tsis pab Suav thiab yuav tsub se 60 feem pua rau Suav tej khoom xa muag rau Meskas.
Matt Canavan uas yog ib tug nom kis xeev siab ntawm pab nom Nationals hais tias tsoom fwv teb chaws cov kev xav thov tsim kom tau tsab cai tshiab los txwv tsis pub tej me nyuam hnoob nyoog qes dua 16 xyoo siv social media uas yuav tawm suab ua ntej yuav tsis ua hauj lwm hauv tsev tsoom fwv hmo zwj Teeb (Thursday) yog ib cov kev maj ntug maj teb hauv tsev kis xeev siab. Thiaj ua rau tej social media li TikTok, Snapchat thiab Meta maj zoj zeeg los sab laj tias seb yuav txwv li cas.
Tub ceev xwm teb chaws Australia tau qhia tias nws yuav pab nom tswv Nplog tshuaj ntsuam xyuas tej xwm txheej 6 tus neeg ntoj ncig txawv teb chaws tas sim neej uas tej zaum cuam tshuam txog cov taug methanol hauv Nplog teb.
Pab nom Greens tau qhia tias nws yuav tawm suab pom zoo pab tus tsoom fwv Labor tej cai Help to Buy and Build to Rent, kom pab tau tej neeg Australia txog li 40,000 tus neeg muaj peev xwm siv tau tej nyiaj 2 feem pua mus zoj yuav tsev nyob. Ua ke no los kuj yog cov kev txhawb nqa kom muaj cov kev tsim vaj tse ntau tuaj ntxiv.
Bangkok Post tau tshaj tawm tias Thaib tus thawj pwm tsav Paetongtarn Shinawatra qhia tias nws yuav tshab txhais txog tej txiaj ntsim ntawm cov MoU 2001 tau pom zoo nrog Cambodia rau lub caij muaj ib tug neeg tseem ceeb hais tias kom ua rau li cov MoU xyoo 1982.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau los yog caum
