Xov xwm luv tshaj tawm hnub zwj Feej (Wednesday news 30.10.2024):
Marcus Wicher uas yog tus coj Melbourne lub teej kawm Auburn South Primary school tau tawm los hasi lus thawj zaug rau lub caij uas muaj tej xwm txheej tsheb nrau tej me nyuam tub kawm thaum muaj ib tug poj niam caij tsheb tsoo me nyuam thiab ua rau ib tug me nyuam tub tas sim neej thiab plaub tug tub kawm raug mob sab heev.
Australia lub koom haum National Anti-Corruption Commission (NACC) tau qhia tias nws tau teeb tsa ib tug neeg tuaj nruab nrab tseem yuav los txiav txim tias seb puas yuav mus tshuaj ntsuam xyuas tej xwm txheej cuam tshuam txog Robodebt Royal Commission uas tau tshuaj ntsuam 6 tus neeg ua hauj lwm cuam tshuam txog cov robodebt.
Australia lub koom haum Commonwealth Sicentifica and Industry Research Organisation (CSIRO) qhia tias nws tau qhib dua lub chaw teeb txheeb tshiab rau sab flexible solar technology kom thiaj muaj peev xwm tsim tau cov solar cells thiab coj tej technology no coj mus siv rau ntau cov lagluam ntxiv.
Tsoom fwv teb chaws hais tias cov kev tsim lub koom haum hu ua PLACE no yog yuav koom tes nrog 5 lub koom haum los tsim cov kev pab cuam uas mus siv tau ntawm tib qho chaw rau cov kev pab cuam rau tej hluas cov kev txhim kho, kev noj qab haus huv, kev kawm, nrhiav hauj lwm ua thiab pab cuam cai lij choj los pab rau tej zej zog uas tseem txom nyem raws li Amanda Rishworth uas yog tus noj tswj dej num pab zej tsoom qhia.
Kuj tau muaj ib cov kev teeb txheeb tshiab txog cov genetic make up ntawm Australia tej neeg txum tim Aboriginal and Torres Strait Islander txog ib co gene uas tej zaum yuav pab pov puag lawv cov immune ces kuj txheeb tau tias muaj cov caj ceg gene neeg Papuans txog 28 feem pua thiab 6 feem pua yog Australia tej neeg txum tim ntawm qaum teb Australia thaum tau muaj cov kev teeb txheeb txog tej kab mob cuam tshuam txog cov kev ua pa li khaub thuas thiab COVID-19 uas neeg txum tim mob ntau dua.
Alex de Minaur kuj tau pib mus sib tw Paris Master zum ob tom qab sib tw yeej Argentina tus neeg Mariano Novane ua ntej yuav mus sib tw ATP finals ntawm Turin lub hli tom ntej no.
Steve Bannon uas yog ib tug neeg txhawb nqa Trump dhau los kuj raug muab tso ntawm tsev laj cuj tom qab raug kaw 4 hlis vim tsis kam mus koom thiab qhia pov thawj txog tej xwm txheej kub ntxhov ntawm tsev dawb tim 6 lub 1 hlis ntuj xyoo 2021. Tab sis tom qab nws raug tso ces nws kuj tau nqua hu kom tej neeg txhawb nqa Mr Trump kom thiaj yeej kev sib tw President nrog pab nom Democrat tim 5 lub 11 hlis ntuj 2024 no.
Tus tswv lub pov txwv White Island ntawm teb chaws New Zealand tseem yuav mus hais rooj plaub uas liam txim txhaum rau nws tias tsis kub siab txog kev nyab xeeb thiaj ua rau muaj neeg 22 leeg tas sim neej rau lub caij roob hluas taws tawg us 14 tug neeg ntawm tej neeg no yog neeg Australia.
Tsoom fwv xeev Victoria yuav los xyuas kom tswj tej cai ntiav tsev kom nruj tuaj ntxiv li Gabrielle Williams uas yog tus nom tswj tej hauj lwm Consumer Affairs qhia tias yuav tsis pub tej tswv tsev ntiab tej neeg ntiav tsev tawm thiab yuav yog ib cov kev ua txhaum cai, yuav teev tias pub tus nqe ntiav tsev li cas, thiab yuav tsis pub tej tswv tsev claim tej bond uas tsis tsim nyob claim.
Tej neeg Sudanese uas nyob ntawm Australia hais tias lawv txhawj tsam tsis tau txais kev nyab xeeb rau lawv tej txheeb ze ntawm Sudan rau lub caij uas nws tus nom tswj dej num noj qab haus huv qhia tias twb muaj neeg 124 leeg tas sim neej rau lub caij cov tub rog Rapid Support Forces tawm tsam al-Sriha ntawm al-Jazira.
Suav tuam tshoj tau ncua tsis ua kev zoo siab rau cov kev yuav xa tej neeg astronauts tshiab mus hloov 3 tug uas twb tau mus ua hauj lwm ntawm lub chaw teeb txheeb nruab ntug Tiangong Space Station 6 hli dhau los lawm.
Vientiane Times tshaj tawm tias Australia tau pab nyiaj tshaj li 224,000 dollars pab Nplog cov xwm txheej dej nyab zum ob thiab pab tej tswv yim kom Nplog muaj peev xwm ntxeem dhau tej xwm txheej ti tes ti taw uas yuav muaj rau yav pem suab ntxiv.
Bangkok Post tau qhia tias Thaib tus thawj pwm tsav Paetongtarn tau qhia tias yeej yuav xub kub siab ua ntej mus tshuaj ntsuam xyuas cov xwm txheej uas lub tuam txhab lagluam iCon Group ua luam poob peeb nyiaj Thaib tshaj 100 million Baht.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
