Ntsiab lus tseem ceeb:
- Tsuas lees paub Australia ntau kob tsov rog tom qab uas tau muaj rooj plaub 'Terra Nullius - Lub teb chaws tsis muaj tsw' uas neeg txum tim tau coj tsoom fwv teb chaws mus hais plaub thiab tau thim tsis siv tsab cai no lawm xwb.
- Australia tej tsov rog no ces yeej tau sib ntaus sib tua ntawm nrim av no txij li thaum thawj fij nkoj tau tuaj txog Australia xyoo 1788, thiab txog ntua rau lub caij nrab xyoo 1930s.
- Yeej tau muaj ntau pab kws tau mus txheeb tau tej ntaub ntawv uas tej neeg txawv teb chaws tuaj niam nias txeeb liaj ia teb chaws thiab yeej muaj tej pov thawj tim khawv qub txheej thaum uas qhia tias tau muaj kev sib ntaus sib tua tsis sib haum xeeb uas txaus ntshai heev.
COV KEV CEEB TOOM RAU ZAJ XOV XWM NO: Nod yog zaj xov xwm sau ua ntawv thiab zaj xov xwm kaw ua suab uas teev txog cov kev kub ntxhov uas tej zaum yuav ua rau ib txhia yuav ntsib kev nyuaj siab.
Thaum uas ntawm tej ntug hiav txwv uas tam sim no paub tias yog lub teb chaws Australia no ces, nws tau muab nrim av loj dav heev no hu ua 'Lub teb chaws tsis muaj tswv - Terra Nullius'. Txawm li cas los nrim av uas yog lub pov txwv no kuj yog ib lub teb chaws rau Australia ntau puas tsav neeg txum tim Aboriginal thiab Torres Strait Islander ntau haiv neeg thiab ntau xeem nyob — ces thiaj ua rau ntau pua txheeb tus neeg txum tim thiaj raug xam tias 'yog ib co pej xeem' rau huab tais Askiv.
Ces tej xwm txheej no thiaj yog tej yam ua rau muaj tej tsov rog , uas yog ib cov kev kub ntxhov uas sib tawm tsam phem kawg nkaus ntawm Australia tej neeg txum tim thiab tej neeg tuaj nyob tshiab ntawm Australia uas yog lub chiv keeb hauv paus pib lub teb chaws Australia. Thiab kuj yog ib zaj keeb kwm uas tsuas nyuam qhuav pib raug lees paub tam sim no xwb.
yog ib tug poj niam neeg txum tim caj ceg neeg Arrernte thiab Kalkadoon thiab caj ceg neeg Europe. Nws tau tsim cov documtentary hu ua “The Australian Wars”, ib yog ib co muaj ntau toom xov xwm qhia ntxaws txog neeg txum tim cov kev nyiaj ntxeem nrog cov kev los tawm tsam pov puag lawv tej liaj ia teb chaws ntawm tej neeg Askiv uas tuaj nyob rau lub teb chaws no.
Tej no yog tej tsov rog uas peb tau sib ntaus sib tua ntawm teb chaws Australia, thiab kuj yog tej tsov rog uas tau tsim tau lub teb chaws Australia vam meej no.Rachel Perkins, Filmmaker.
thoob nrim av no, txij li thaum thawj fij nkoj tau tuaj txog xyoo 1788 txog ntua rau lub caij nrab xyoo 1930, tab sis tej kev sib ntaus sib tua no yeej tsis raug qhia rau hauv tej teej kawm li los sis yog yeej tsis raug lees paub txog rau thaum yav lig tiam 20 no.
kuj yog Australia ib tug kws keeb kwm nto npe thiab yog ib tug kws paub txog sab seem kev ua rog. Thaum uas nws tau pib qhia tej keeb kwm rau xyoo 1966 ntawd ces yeej tsis teev txog Australia tej neeg txum tim Aboriginal rau hauv tej ntawv keeb kwm li.
Nws thiaj hais tias “Tsuas teev lo lus Aborigines ob zaug xwb, thiab yeej tsis teev txog lo lus no rau ntawm tej index uas xub pib li.”
Saib tau cov documentary luv luv txog 'Australia tej tsov rog - The Australian Wars' tau ntawm no:
Prof Reynolds hais tias vim tej tsov rog Frontier Wars no yeej tseem tsis tau raug lees paub rau nrab tim 20 no tias yog ib co tsov rog loj, vim cov kev sib ntaus sib tua no tsuas yog ib cov kev ua tsov rog ntawm ib pawg neeg tsawg tsawg rau ib qho chaw twg xwb.
Nws thiaj hais tias “Txawm tias tseem muaj ib lub tswv yim uas pheej tseem xav tias tej tsov rog no yog ib co me me thiab muaj rau ntau qhov chaw no tsis muaj peev xwm yuav hu tau tias yog ib co tsov rog loj. Vim yeej tsis muab khaub ncaws rau tej tub rog hnav, tsis coj tej tub rog mus taug kev... Yeej tsis tau coj tej tub rog mus sib sau ib pab coob coob kom phim li ua cov kob tsov rog tiag, txawm li cas los yeej paub tseeb tias yog tsov rog.''
, thiab kuj yog ib tug kws paub zoo txog Australia tej tsov rog Frontier Wars los yeej pom zoo thiab. Nws hais tias cov kev totaub yuam kev no yog ib co muaj los ntawm ntiaj teb tej tsov rog ntiaj teb zeeg ib thiab zeeg ob uas tau ua rau tau muaj cov kev xav txog cov kev ua tsov rog lawm.
Txawm li cas los yeej tsis tshua muaj tej tsov rog loj no ntawm tib neeg tej keeb kwm thiab.
Dr Clements thiaj tshab txhais tias “Lub caij ntawd ces lawv yeej paub tias yog tsov rog lawm. Tag nrho tej nom tswv uas tuaj nam nias tswj hwj lub caij ntawd tej ntaub ntawv yeej tau teev tias yog tsov rog, tab sis txog rau tiam 20 thiab tiam 21 no ces zoo li peb thiaj li tsis tshua kub siab txog lawm xwb. Thiab kuv xav tias tos ho zoo li ntawd los yeej vim yog muaj ntau yam laj thawj laj fai kum xeeb tias vim li cas coob leej ntau tus thiaj tsis muaj peev xwm teev tias yog tsov rog.''
Tej laj fai kum xeeb ntawd ces yeej muaj feem cuam tshuam txog ib rooj plaub sib cov nyom ntawm cov kev tuaj lawv teb chaws Australia tias yog lub teb chaws tsis muaj tsw 'Terra Nullius' thiab Askiv tej cai. Thiab kuj tau muaj Australia tej neeg txum tim Aboriginal teev tias yog huab tais Askiv ib co pej xeem, vim li ntawd ces Askiv thiaj tsis muaj peev xwm 'yuav ua tsov rog ...vim yog tseem ua tsov rog thiab ces txhais tias nws yuav rov qab ua tsov rog nrog nws tej pej xeem xwb,'' raws li Rachel Perkins hais.
Nws hais ntxiv tias “Txawm li cas los Askiv yeej siv nws tej tub rog los pab kom nwsthiaj tswj tau nrim av no tiav.''
Yeej muaj cov kev ua tsov roog thoob haiv neeg no. Source: Australian War Memorial Source: Supplied
Mabo thiab cov kev thim tsis lo lus 'Lub teb chaws tsis muaj tsw - Terra Nullius'
Tsuas muaj peev xwm los lees paub Australia tej tsov rog tom qab tau muaj ib rooj plaub los sib cav tsis pom zoo nrog lo lus 'Terra Nullius' raug muab thim rau lub caij thaum ntxov xyoo 1990 uas Australia lub tsev hais plaub High Court tau txiav txim rau Eddie Koiki Mabo uas yog ib tug neeg txum tim Torres Strait Islander ua tus yeej xwb.
“Txog rau lub caij ntawd, ces tej neeg yeej tau xav los ntev lawm tias Australia tej neeg txum tim Aborigines tsis muaj liaj ia teb chaws, yog li ntawd cov kev sib ntaus sib tua thiaj tsis cuam tshuam txog cov kev twj av, vim lawv (neeg txum Aborigines) yeej tsis muaj ntaub ntawv raws cai qhia tau tias lawv yog tswv av. Tom qab xyoo 1992 thiab cov kev txiav txim plaub ntug lawm, ces thiaj mam hloov cov tsov rog no lawm xwb vim yeej ib txwm paub tseeb tias ntau yam teeb meem ua rau muaj tej tsov rog no ces yeej yog: cov kev tswj tej nrim teb chaws xwb,'' raws li Professor Reynolds hais.
Dr Clements hais tias kuj yog ib co keeb kwm txawv uas Askiv tsis lees paub neeg txum tim cov kev ua tswv av ntawm teb chaws Australia.
Nws hais tias “Qhov ntsiab tseeb ntawm Askiv cov kev tuaj nam nias tswj hwm ces Australia yeej yog ib thaj chaw muaj teeb meem. Thiab yeej txawv lwm cov teb chaws uas Askiv tau mus niam nias tswj hwj, uas nws yeej tsis lees paub txog tej neeg txum tim uas yog tus tswv ntawm lub teb chaws Australia no li. Vim li ntawd thiaj tsis tsim cov kev pom zoo, thiab yeej tsis muaj kev sib khom nrog tej neeg txum tim thiab txog niaj hnub no los yog xam raws li tej cai lij choj lawm ces kuj yog tej yam tsis totaub tau yooj yim rau peb tias lawv muaj cai dab tsi ua tswv teb chaws.''
Thiab cov kev tsis kub siab los sib khom nrog tej neeg txum tim no thiaj ua rau muaj tej xwm txheej nqaij ntuag ntshav nrog phem heev.
Raws li tej neeg tuaj nam nias liaj ia teb chaws tswj hwm tej ntaub ntawv teev tseg thiab tej pov thawj tim khawv uas ib pab kws paub zoo txog tej khoom qub txheej thaum ub ces yeej qhia tias tau muaj cov kev sib ntaus sib tua uas txaus ntshai heev.
nkaus xwb twb muaj tej khoom tshaj 400 yam uas tau los ntawm Australia tej neeg txum tim tej poj koob yawm koob, uas yeej muaj ntau cov qhia txog tej pov thawj txog tej neeg no tas sim neej vim raug tua, raug muab lawv lub cev txiav thiab raug muab tua tsheej pab.
Rachel Perkins thiaj hais tias tej xeeb leej xeeb ntxwv ntawm tej neeg txum tim uas ciaj dim yeej ib txwm tseem nco ntsoov tau tej xwm txheej no.
Yeej muaj tej neeg txum tim Aboriginal coob heev yog cov uas khaws thiab qhia lawv tej keeb kwm cia. Neeg Aboriginal yeej tau piav thiab qhia ntau yam dab neeg uas tau tshwm sim rau lawv, rau peb thiab qhia rau peb tej tsev neeg. Ces kuv thiaj tau loj hlob nrog cov kev paub txog tej xwm txheej uas kuv tej neeg raug tua tsheej pab ntawm xeev Queensland, thiab kuv tau paub tias yeej siv cov kev yuam deev los tsim kev kub ntxhov rau kuv pog, nrog rau ntau yam.Rachel Perkins, Filmmaker.
Rachel Perkins - The Australian Wars Credit: Dylan River/Blackfella Films
Kob tsov rog Black War
ces yog ib kob uas muaj kev sib ntaus sib tua muaj ceem tshaj plaws ntawm Australia tej keeb kwm.
Raws li Rachel Perkins tham txog nws cov documentary series txog 'Australia tej tsov rog - Australian Wars' ces nws hais tias “Lub caij uas ua tsov rog Black Wars ces yeej muaj neeg Tasmania raug tua tuag coob tshaj tej neeg Tamanias uas tau tas sim neej vim mus koom tej tsov rog ntawm Korea, Malaysia, Cob Tsib, thiab tej uas tau ua tub rog tswj kev thaj yeeb sib sau ua ke.''
Dr Nicholas Clements hais tias thiaj tau muaj kev kub ntxhov ntawm ob tog muaj ceem kawg nkaus, thiab yeej tau ua rau tej nom tswv ntawm tej neeg tuaj nam nias tswj hwm thiab tej neeg tuaj pib neej tshiab ntawm lub teb chaws no ''ntshai kawg nkaus li''.
Nws hais tias “Tej neeg txum tim Aboriginal yeej tawm tsam muaj ceem heev. Txhua leej txhua tus yeej paub tias muaj ib tug twg uas nyob rau lub ntuj uas raug nam nias tswj hwm no yeej raug tua tuag los yog raug neeg Aboriginal tua raug mob, tej neeg tej liaj teb los kuj raug muab hlawv. Ces thiaj yog tej yam txaus ntshai heev.''
Qhov tseeb tiag ces, yeej muaj tej neeg tau txiav txim siab rau lub caij ntawd tias ntshe yuav tau tso tseg tsis txhob kub siab txog tej nrim av no lawm.Dr Nicholas Clements, Australian Historian.
Tab sis thaum kawg ces tej neeg Europeans kuj yog tus yeej lawm, thiab yeej tau muab Australia tej neeg txum tim ntawm xeev Tasmania tu yuav laug tu noob.
Thiab tau muaj cov kev sib ntaus sib tua no muaj ceem tuaj ntxiv vim cov kev siv kev yuam deev los tsim kev kub ntxhov.
Dr Clements hais ntxiv tias “Cov kev siv kev yuam deev los tsim kev kub ntxhov no thiaj tau ua rau muaj tej xwm txheej kub ntxov loj tuaj ntxiv zoo tib yam li lub ntaiv ntawv zes taws kom cig loj tuaj ntxiv.''
Tej kev pheej yuam deev tej poj niam neeg txum tim thiab nyiag txhom tej poj niam neeg txum tim Aboriginal ces yeej yog ib co xwm txheej pom muaj tas mus li, thiab nws kuj hais tias twb vim yog cov kev yuam deev no thiaj ua rau muaj ib txhia xeem neeg txum tim Aboriginal ciaj dim.
Dr Clements hais tias ''Tshuav ze ze rau qhov uas peb twb yuav laug tsis muaj tej xeeb leej xeeb ntxwv ntawm tej neeg txum tim Aboriginal ntawm xeev Tasmania tam sim no lawm, vim tej xwm txheej kub ntxhov no twb ua rau lawv yuav laug tu noob.''
Eddie Mabo nrog nws pab kws lij choj. Source: SBS Credit: National Museum of Australia
Siv yeeb ncuab lub tswv yim rov qab tawm ntsam nrog yeeb ncuab
Tej neeg uas tuaj nam nias tswj hwm kuj tau tsim ib co tub ceev xwm uas yog cov neeg txum tim coj los siv tawm tsam nrog tej neeg txum tim uas pheej tawm tsam nrog lawv ntawm ntau cheeb tsam ntawm Australia, lawv kuj tau xyaum kom tej tub ceev xwm no paub ua rog me ntsis thiab siv tej tub ceev xwm no tsim xwm txheej kom tej neeg txum tim ntshai.
Professor Reynolds hais tias “Ces lawv thiaj nrhiav tej tub ceev xwm neeg txum tim, thiab siv tej neeg no tam li tej tub rog. Thiab kuj tau siv lawv tam li yog ib co tub rog tseem ceeb mus tawm tsam nrog neeg txum tim cov kev tawm tsam.''
Ces lawv thiaj tau faib tej khaub ncaws, phom thiab nees rau tej tub rog no. Dr Clements ntseeg tias lawv yeej raug tej nom tswv neeg dawb yuam siv, thiab siv lawv tej txuj ci uas paub zoo txog tej neeg txum tim thiab siv lawv ua neeg coj kev tom tej hav zoov.
Nws hais tias “Tej tub ceev xwm uas tau tas sim neej ntawm xeev Queensland nkaus nkaus xwb twb muaj txog ntau caum txheeb tus. Thiab kuv ntseeg tias kwv yees txog li ntawm 60 txog rau 80,000 tus tau tas sim neej, uas yog ib co neeg coob kawg nkaus li, thiab ua rau muaj tej kev xav tias puas tsim nyog yuav ua tej dej num no.''
Ib daim duab tiam 19 kos txog neeg txum tim ntawm ib lub yeej - Marmocchi/Getty. Source: Getty
Nws hais tias “Kuv nrhiav tau ib co lus uas kuv pog kaw cia uas tham txog nws niam tsev neeg raug tua tsheej pab, uas kuv yeej ib txwm tsis tau hnov dua lo li, thiab kuv yeej ib txwm tsis tau mus rau tej chaw uas tau muaj tej xwm txheej ntawd tau tshwm sim li, thiab kuv yeej ib txwm tsis apbu li tias xyov yog tej xwm txheej ntawd tau tshwm sim rau qhov twg txog rau thaum uas kuv ua tej documentary muaj ntau toom no xwb.''
Dr Clements, uas yog ib tug neeg ntawm tej poj koob yawm koob dhau los uas tau tuaj pib neej tshiab ntawm Australia ntseeg tias tag nrho txhua tus neeg Australia yuav tsum ua ntsej muag tuab thiab yuav tau qhia txog tej kev ua tsis ncaj yav tag los.
Nws hais tias “Tsis hais ib tug twg tej poj koob yawm koob yuav muaj feem xyuam los tsis muaj li, tag nrho peb sawv daws yeej yog cov tau neeg txum tim Aboriginal tej liaj ia teb chaws, uas yog ib co av uas raug nyiag. Yam tsawg, ces tag nrho peb sawv daws muaj lub luag hauj lwm los nrog qhia tej keeb kwm no, thiab yuav tsum tau kawm kom peb totaub thiab lees paub txog tej keeb kwm no thiab muaj lub luag hauj lwm yuav los nrog xyuas kom tsim tau lub neej pem suab zoo.''
Yeej tsis muaj tej neeg txum tim Aboriginal cov kev tawm tsam twg yuav muaj ceem npaum li cov kev tawm tsam nrog tej neeg dawb uas tuaj nam nias tswj hwm ntawm xeev Tasmania, tab sis nyob rau ib tiam neej xwb ces tsuas tshuav ib co neeg txum tim tsawg tsawg uas thiaj ciaj dim ntawm kob tsov rog Black War xwb. Source: The Conversation / Robert Dowling/National Gallery of Victoria via The Conversation Source: The Conversation / Robert Dowling/National Gallery of Victoria via The Conversation
Vim li cas thiaj tsis ua kev zoo siab nco txog tej keeb kwm no?
Professor Reynolds ntseeg tias Australia, tam li yog ib haiv neeg yeej muaj cov kev nco txog lub meej mom ntawm tej tub rog tau nruam sim ntawm nws tej pej nuam tub rog, thiab yuav tsum tau muaj cov kev lees paub txog qhov tseeb ntawm Australia tej tsov rog Frontier Wars yam tso tshav lug tias tau tshwm sim thiab yeej cuam tshuam nrog tej kev ua txhaum cai ntau yam tawm tsam nrog leej tib neeg.
Nws thiaj nug tias “Vim li cas tiag es peb thiaj tsis los kawm kom paub thiab tsis lees paub txog Australia tej tsov rog no?''
“Vim ntawm teb chaws Meskas ces yeej txawv, thiab lawv yeej lees paub tag nrho txhua cov kev tsis sib haum xeeb nrog [tej neeg txum tim] tias yog cov kev ua tsov rog. New Zealand los yeej txawv thiab, vim tej tsov rog Maori wars los yeej ib txwm yog ib co keeb kwm tseem ceeb thiab.''
Rachel Perkins thiaj hais tias muaj ib qho laj thawj yooj yim uas ua rau muaj cov kev sib txawv no.
Nws hais tias “Australia thiaj tsuas yog tib qho chaw txawv ntawm ntau qhov chaw hauv ntiaj teb no uas tej neeg tuaj niam nias liaj ia teb chaws tswj hwm yeej tsis rov qab mus tsev li.''
Tej neeg tuaj nam nias liaj ia teb chaws tswj hwm thiab tej neeg tuaj pib neej tshiab ntawm lub teb chaws no tseem yog tej neeg muaj fwj chim, ces kuv thiaj xav tias yog tej yam ib nyuag nyuaj me ntsis rau haiv neeg no yuav los lees paub thiab ua kev zoo siab rau tej neeg uas tau los tiv thaiv lub teb chaws no vim tej tub rog uas tuaj niam nias tswj hwm yeej tseem tsis tau rov qab mus tsev!Rachel Perkins, Filmmaker.
Dr Clements ntseeg tias sob lus 'lest we forget - peb yeej tseem nco ntsoov tsis ploj' no yog ib zog lus uas yeej ib txwm siv coj los nco txog Australia tej tub rog uas tau nruam sim lawv lub meej mom, thiaj tsim nyog peb yuav tau siv lo lus no rau tej tub rog uas tau los tawm tsam thiab tiv thaiv tej neeg Askiv cov kev tuaj nam nias tswj hwm lub teb chaws no thiab.
Nws hais tias “Yuav ua rau kuv zoo siab tshaj no yog tias kuv lub teb chaws muaj peev xwm los lees paub txog nws tej keeb kwm dhau los, lees paub txog tej kev txhaum txheej uas nws ntau phaum neeg dhau los tau ua tseg, thiab kub siab tiag tiag los kho thiab daws cov kev ua txhaum ntawd kom zoo tshaj plaws raws li qhov nws muaj peev xwm ua tau rau yav pem suab ... Kuv xav kom kuv tej me nyuam tau loj hlob rau thaj chaw uas yeej ua tej koom txoos nco txog los yog tej chaw uas siv ob lub npe sib koom, muaj cov kev sawv cev rau neeg txum tim, thiab muaj cov kev lees paub lawv.''
is available to stream on SBS On Demand in five languages: Simplified Chinese, Arabic, Traditional Chinese, Vietnamese, and Korean. The series is also available with audio descriptions/subtitles for blind or vision-impaired audiences.
Zaj xov xwm no yeej tau xub raug coj los nthuav tawm rau lub 9 hli ntuj xyoo 2022 lawm.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
