Ntsiab lus tseem ceeb:
- Yeej ib txwm ua koom txoos Christmas rau hnub tim 25 lub 12 hlis ntuj rau lub li ntawm noj pluas hno sus.
- Lub caij Christmas ces yeej ua rau lub caij tej tub kawm so tsis kawm ntawv, thiab tej neeg yeej nyiam ua si sab nraum zoov vim huab cua sov.
- Yeej muaj neeg Australia coob ci nqaij noj thiab saib cov kev sib tw ntau pob cricket rau hnub Boxing Day Test tom qab hnub Christmas.
Tej zaum neeg Australia kuj yuav siv tej neeg European tej kab lis kev cai ua koom txoos Christmas qee yam tab sis lawv kuj tsim lawv ib co los siv thiab.
Christmas yog ib lub caij so tseem ceeb rau tej neeg Christian uas ua kev zoo siab rau tswv Yesxus (Jesus Christ) hnub yug uas yog hnub tim 25 lub 12 hlis ntuj txhua xyoo.
Txawm tias yeej muaj neeg Australia coob heev ua kab lis kev cai teev hawm rau lub caij so Christmas no, los lwm cov yeej siv lub caij no tam li yog ib lub cib fim los nrog lawv tej neeg hlub tshua nyob ua ke, sib pauv hloov khoom plig thiab koom noj ib plua hno ua ke.
Yeej muaj Australia tej kab lis kev cai uas siv tej paj hmab paj ntoo tawg lub caij no li paj liab coj los kaum ua ib lub vojvoog paj dai kom zoo nkauj thiab koom nqua nkauj lub caij Chrismas ua ke rau lub caij huab cua sov.
Plua su Christmas
Ntawm Australia ces, lub caij ua koom txoos Christmas yeej ib txwm ua rau hnub tim 25 lub 12 hlis ntuj li ntawm yuav txog lub caij noj sus. Uas sawv daws yeej hnav tej khaub ncaws ntau yam rau lub caij no.
Farah Celjo uas yog SBS Food tus managing editor hais tias muaj ntau yam zaub mov noj saum tej rooj rau lub caij noj pluas su Christmas.
Raws li Ms Celjo hais ces "Yeej muaj tej khoom noj li nqaij npuas las ntsev, tej khoom noj txom ncauj, seafood, tej ncuav Christmas, tiramisu, trifle, pavlova. Thiab yeej muaj ntau yam txiv xyoob txiv ntoo tshiab li txiv cherries, txiv nkaus taw, txiv duaj, thiab lawm yam txiv."
Nws hais ntxiv tias Australia yeej yog lub teb chaws muaj ntau tsav neeg coj ntau yam kev ntseeg thiab coj ntau yam kab lis kev cai, yog li ntawd thiaj muaj ntau txoj xub ke ua kev zoo siab rau lub caij Christmas thiab muaj ntau yam zaub mov coj los noj.
Pluas hno Christmas ces noj nqaij ntses Salmon luas tau lawm, noj pliag deg, noj Lobster, noj cws thiab Christmas Cake Credit: GMVozd/Getty Images
Thiab yus yeej pom tias tus tswv cuab yeej hais kom tej qhua uas mus koom lub koom txoos Christmas kom nqa ib yam qav mus koom thiab. Ms Celjo thiaj xav taw qhia kom nqa ib yam dab tsi uas yus muaj peev xwm ua tau coj mus koom.
Txawm thia thaum nws loj hlob tuaj nws tsev neeg yeej tsis ua kev zoo siab rau lub koom txoos Christmas li, los nws yeej ib txwm mus koom nws tej phooj ywg lawv tsev neeg. Ces nws thiaj nqa cov neeg Bosnia cov khoom noj qab sib uas nws nyiam noj heev mus koom lawv.
Ms Celjo hais tias "Kuv yeej ib txwm mus koom lub koom txoos Christmas no nrog kuv tus pheej ywg zoo, lawv tsev, los yog cov tsev neeg Greek thiab Italian thiab, ces thiaj yog tej yam zoo heev vim yeej muaj noj tas mus li xwb. Thiab kuv yeej ib txwm nqa khoom noj qab zib mus koom. Kuv yeej ib txwm ua cov neeg Bisnian cov khoom qab zib. Thiab kuv yeej ib txwm ua cov ncuav qab zib pleev jam rau li scone shortbread, zoo li scone dough uas ntim cov plum jam ces mam muab kauv nrog icing sugar."
Credit: Bec Parsons/Getty Images
Ua si nraum zoov
Nyob rau lub caij ntuj sov ntawm Australia, ces Christmas kuj yog lub caij tej tub kawm so tsis kawm ntawv, ces thej neeg thiaj muaj caij ua kev lom zem rau lub caij huab cua sov rau nraum zoov. Ces thiaj muaj cov kev ua luam dej ntawm tej ntug hiav txwv, noj sus ntawm tej qab vag tsib taug, los yog mus ncig mus xyuas tej park ntawm yus tej zos uas tej no yeej yog tej ib txwm pom tas mus li.
Ms Arriaga hais tias "Kuv nyiam tej tej no heev vim yog lub caij ntuj so, thiab yus yeej so xwb ces txhua leej txhua tus thiaj muaj kev kaj siab heev.''
Tej kev cai hnub Boxing Day
Tom qab uas tau sib pauv khoom plig thiab koom hno pluas su hnub Christmas tim 25 lub 12 hlis ntuj lawm, ces yeej muaj neeg coob heev ntawm Australia ci nqaij noj thiab siiab haiv neeg no cov kev sib tw ntau pob cricket nrog lwm pab coj los ua kev zoo siab rau hnub Boxing Day.
Luke Barbagallo ces yeej yog ib tug neeg yug ntawm nroog Brisbane thiab yeej ib txwm saib cov kev sib tw Boxing Day Test.
Nws hais tias "Thaum kuv tau loj hlob tuaj rau lub caij xyoo 1990s thiab thaum ntxov xyoo 2000 ntawd ces cov kev sib tw ntau pob Cricket yeej yog ib co tseem ceeb heev, Australia yeej muaj ib pab neeg sib tw tshaj lij heev li, yog li ces lub caij Christmas thiaj ib txwm ua rau yus mloog tau tias yog lub caij zoo heev coj los ua kev zoo siab ntawm lub xyoo, thiab ntxiv ntawd ces yus tseem yuav tau sib cov kev sib tw Boxing Day Cricket Test ntxiv thiab. Ces thiaj ib txwm tau ua rau yus mloog tau tias zoo li Australia yeej yuav yog pab yeej cov kev sib tw no xwb, vim yeej muaj ntau yam zoo txog cov kev sib tw no. Ces kuv thiaj nyiam saib cov kev sib tw Boxing Day Test no txhua lub xyoo.''
Ib yim neeg uas muaj neeg India tej tub ki nom pluas hno Christmas nraum zoo ntawm ib lub tsev ntawm teb chaws Australia. Credit: Fly View Productions/Getty Images
Tsim koj cov kab lis kev cai ua koom txoos Christmas
Koj yeej yuav pom tias muaj ntau yam kab lis kev cai cuam tshuam nrog lub koom txoos Christmas no, tsis hais tej teej cim zwj uas suav mus kom txog hnub no thiab cov kev nqua nkauj Christmas thaum ib tag mo los yog cov kev teeb thiab tsa tej ntoo Christmas.
Ces thiaj li muaj ntau txoj xub ke coj los ua kev zoo siab rau lub caij Christmas, tsis hais yuav yog ua koom txoos cuam tshuam txog kev ntseeg los tsis ua li, koj yeej muaj peev xwm xaiv ib co kab lis kev cai uas haum rau koj siv coj mus koom nrog lub koom txoos no.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
