Ntawm teb chaws Australia ces cov kev kawm ua luam dej yeej yog ib co txuj tseem ceeb yuav pab cawm tau ib tug twg txoj sia.
Cov kev kawm kom paub ua luam dej tsis hais koj yuav muaj hnoob nyoog li cas li tsis yog tias tej txuj no yuav muaj peev xwm pab tiv thaiv kom yus tsis txhob poob deg xwb tab sis kuj tseem muaj peev xwm pov puag yus tsev neeg thiab pab kom yus muaj txoj kev ntseeg siab rau cov kev koom ua tau ib tug neeg Australia lub neej.
Tej zaum zoo li cov kev ua luam dej tsis yog ib co yuav xub tau ua thaum pib neej tshiab ntawm teb chaws Australia no. Tab sis qhov tseeb tiag ces Australia tej neeg zej zog coj ntseeg ntau yam kab lis kev cai thiab hais ntau hom lus yeej yog cov neeg uas poob deg ntau heev yam txaus txhawj xeeb heev, thiab zoo li lawv yeej tsis tshua paub txog tej txuj ci yuav pab kom lawv tau txhais kev nyab xeeb ntawm tej dej li.
Tej no yog tej uas tsab ntawv cej luam National Drowning Report uas lub koom haum Royal Life Saving Society Australia txheeb tau ntawm nws cov kev teeb txheeb ib xyoos ib zaug uas tau tshawb fawb tau.
Michael Masseni ces yog tus Manager uas tswj cov hauj lwm rau ntau cov neeg sib txawv thiab cov kev muaj feem koom (Diversity and Inclusion) ntawm lub koom haum Life Saving Victoria (LSV), thiab yog tus tswj cov program qhia ua luam dej rau ntau pawg neeg coj ntseeg ntau yam kab lis kev cai thiab hais ntau hom lus.
Yog xam raws cov feem pua neeg poob deg theem nrab rau lub caij 10 xyoo dhau los no ces twb muaj tej neeg coj ntseeg ntau yam kab lis kev cai thiab hais ntau hom lus txog li 35 feem pua yog cov neeg poob deg, tej neeg no ces yog tej neeg nyuam qhuav tau tuaj nyob tsis ntev ntawm teb chaws Australia no, los sis yog tej neeg uas lawv niam lawv txiv yog cov neeg yug txawv teb chaws uas nyob ntawm teb chaws Australia no.Michael Masseni, Manager of Diversity and Inclusion, Life Saving Victoria (LSV).
Mr Masseni hais tias 80 feem pua ntawm tej neeg poob deg no ces yog tej txiv neej, vim rau qhov tias lawv pheej yog cov neeg uas coj tej cwj pwm yuav ua rau lawv raug kev phom sij dua.
Tej txiv neej pheej xav tias lawv yog cov neeg muaj peev xwm ua luam dej hauv tej dej dua. Tsis tas li ntawd los tej poj niam kuj yog tej uas tuaj ntawm cov teb chaws uas tsis pom tias cov kev sib tw thiab cov kev ua luam dej yog ib co tseem ceeb uas yuav tau xub kub siab txog ua ntej.
Cov kev txawj ua luam dej yuav qhib tau ntau yam cib fim kom yus muaj peev xwm koom tau ua ib ib tug neeg Australia lub neej. Source: Getty / Getty Images/Attila Csaszar
Vim li cas tej neeg zej zog coj ntseeg ntau yam kab lis kev cai thiaj yog cov uas pheej yuav poob deg ntau dua?
Tej me yuam yaus yug ntawm teb chaws Australia no ces yeej ib txwm tau koom tej teej kawm cov program qhia ua luam dej. Tej neeg Australia feem coob uas nyob raws tej ntug hiav txwv ces yog tej uas muaj tej pas da dej los yog muaj peev xwm siv tau tej pa da dej, thiab pom tau tias dej yog ib yam pab kom yus tau txais kev noj qab nyob zoo thiab noj qab haus huv thiab yog tej yam pab kom tau txais kev lom zem. Ces cov kev ua luam dej thiaj yog Australia ib co cim thawj kab lis kev cai.
Tab sis yog li qhov hais ntawd yog thaum peb tham txog tej neeg zej zog coj ntseeg ntau yam kab lis kev cai.
Sophia yeej tau loj hlob ntawm teb chaws Eritrea thiab tau tsiv mus rau teb chaws Kenya tam li yog ib tug neeg thoj nam. Nws yeej tsis paub ua luam dej los sis yeej tsis paub ib yam txuj dab tsi uas yuav pab kom nws tau txais kev nyab xeev hauv tej dej li thaum nws tau tuaj txog ntawm teb chaws Australia.
Raws li kuv nco tau ntawm kuv lub neej ces kuv tsuas tau ua luam dej ntawm tej pa da dej li ob los yog peb zaug xwb ua ntej kuv tau tuaj rau teb chaws Australia no. Yog li ntawd ces kuv thiaj tsis muaj cib fim yuav tau kawm ua luam dej li txawm tias kuv xav ua luam dej heev.Sophia
Tab sis vim nws tau txais kev txhawb nqa ntawm zejzog ib co program qhia kawm ua luam dej ntawm lub koom haum Life Saving Victoria (LSV), Spectrum thiab tsev kawm qib siab Victoria University, ces Sophie kuj tau kawm ua luam dej tam li yog ib tug hluas thiab tam sim no nws kuj qhia tej me nyuam yaus ua luam dej lawm.
Nws hais tias “Kuv yeej tau hnov ntau yam dab neeg txog coob leej ntau tus neeg Eritrea li kuv uas tau tas sim neej ntawm tej hiav txwv tom qab tsiv teb tsaws chaws. Kuv yeej tsis paub pab kom kuv ntab hauv dej. Kuv yeej tsis paub ib co txuj twg uas yuav pab kom kuv tsis txhob poob deg li. Tab sis thaum kuv tau kawm ua luam dej lawm, ces kuj pab kom kuv tsis txhob txhawj dab tsi li lawm thaum kuv ua luam dej ntawm ib lub pas dej twg.''
Tej dej ces yeej nyob rau ntawm tej chaw nyob deb heev thiab yog tej chaw uas tsis muaj tej neeg pab cawm neeg poob deg saib xyuas. Source: Getty / Source: Mark Kolbe/Getty Images
Tej neeg poob deg qhov twg?
Tej neeg yeej tsis ras txog tej chaws uas pheej muaj cov dej muab lawv rub mus rau qhov chaw tob ntawm hiav txwv li cov 'rip currents' li.
Credit: Public domain
Rip currents Credit: beachsafe.org
Jade Hanson uas yog tus Marketing Manager ntawm lub koom haum AUSTSWIM hais tias:
''Yeej muaj tej neeg coob heev tau mus rau tej chaw nyob deb ib co chaw twg uas lawv yeej tsis paub tias tej dej ntawd tob npaum li cas li. Tsis tas li ntawd los yeej tsis muaj tej neeg pab cawm tej neeg poob deg saib xyuas rau ntawm tej dej uas nyob ntawm tej chaw nyob deb ntawd thiab, ces thiaj ua rau peb pom tias muaj cov feem pua poob deg siab heev.''
Cov kev paub ua luam dej yog ib co txuj tseem ceeb pab cawm siav
Ces ob cov txuj paub ua luam dej thiab paub pab kom yus tau txais kev nyab xeeb hauv dej thiaj yog tej txuj pab kom yus tau txais kev nyab xeeb thaum ua luam dej, pab yus thaum yus mus nuv ntses, mus caij nkoj los yog ua ib yam dab tsi cuam tshuam txog dej.
Yog tias yus ntseeg tias yus tus kheej muaj peev xwm ua tau luam dej ces yuav pab kom yus muaj kev tso siab dua rau cov kev saib xyuas yus tsev neeg thaum nyob ib puag ncig tej dej.
Yog li ntawd Michael Masseni thiaj hais tias cov kev xyuas kom yus muaj tej txuj paub ua luam dej tsis yog tias yuav qhib ''ntau yam cib fim kom yus yog ib feem ntawm tej zejzog xwb tab sis tseem pab kom yus ua tau lub neej ntau yam uas ib txwm ua ntawm teb chaws Australia no thiab.''
Nrhiav thiab koom tej sob kawm xyaum ua luam dej
Qhov chaw zoo tshaj plaws rau yus xyaum kawm ua luam dej ces yog tej pa da dej (swimming pool). Jade Hanson hais tias lub koom haum AUSTSWIM lub vas sab yeej ib cov chaw uas luam dej uas sawv daws paub zoo qhia tias nyob rau qhov twg rau tej neeg siv.
Lawv yeej muaj tej sob kawm qhia ua luam dej rau tej me nyuam txij hnoob nyoog 6 hli thiab tej neeg hnoob nyoog sib txawv ntau yam. Muaj ib txhia chaw qhia ua luam dej no yeej tsim ib co program qhia ua luam dej tsi ntsees coj los qhia rau ib tug neeg twg tim ntsej tim muag los sis yog coj los qhia rau ib pab neeg twg.
Tus nqe kawm theem nrab ces raug txij li ntawm $19 – $26 rau ib sob kawm twg, tsuas nyob rau ntawm seb tej pas da dej ntawd zoo li cas thiab ho muaj neeg coob npaum li cas kawm xwb. Tsis tas li ntawd los kuj yeej muaj peev xwm nrhiav tau ib cov program qhia ua luam dej pub dawb los yog nom tswv pab them, yog li thiaj xav kom nug lub koom haum migrant resource centre ntawm koj zos, nug nom tswv zos los yog nug ib lub tsev kawm qib siab twg.
Tsis tas li ntawd los lub koom haum Royal Life Saving Society Australia yeej muaj ntau yam xov xwm ua ntau yam ntawv, athiab ho yuav hnav tej khaub ncaws li cas thaum mus ua luam dej ntawm tej pas dej.
Lawv kuj tshwm nyiaj coj los tsim ib cov program qhia luam dej rau tej zejzog 'uas yuav muaj cib fim poob deg dua' rau tej neeg muaj hnoob nyoog ntawm tej neeg zejzog coj ntseeg ntau yam kab lis kev cai sib txawv thiab.
ces kuj yog lwm cov program uas tsim coj los qhia qhia ntawv Askiv nrog cov kev qhia tej neeg neeg thoj nam thiab tsiv teb tsaws chaw kom paub ua luam dej uas qhia rau tej neeg muaj hnoob nyoog. Lub koom haum Navitas Skilled Futures ntawm lub zos Bankstown ntawm Sydney yog tus xub tau koom tes nrog lub koom haum Different Strokes Swimming los tsim cov program no siv, thiab yog ib cov program qhia tej neeg muaj hnoob nyoog tsi ntsees kom paub ua luam dej ntawm Sydney, uas tam sim no ces cov program no twb tau pab coob tus neeg thoj nam thiab tawg tsov tawg rog kom kawm tau ib tau cov txuj tshiab no, thiab pab kom lawv muaj kev ntseeg siab rau lawv tus kheej thiab yog ib cov kev txhawb siab rau lawv.
Yog li ntawd thawj kauj ruam uas yuav pab kom koj tau mus xyaum kawm ua luam dej ces yog cov kev mus txheeb cov koom haum los yog .
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
