Ntsiab lus tseem ceeb:
- Cov program tsim los pab hloov txiv neej tej cwj pwm (Men's Bahaviour Changes Programs) yog tsim coj los pab tej txiv neej uas tau siv kev kub ntxov rau tej teeb meem kub ntxhov ua rau tsis muaj kev sib raug zoo hauv lub cuab yig kom hloov tau los ua tej yam zoo.
- Yeej tau tsim ib cov program uas siv haum raws li tej neeg zej zog coj ntseeg ntau yam kab lis kev cai xav tau.
- Ib qho tseem ceeb uas yuav pab kom muaj txoj kev sib raug zoo rau cuab yig ces yog cov kev lees paub tias muaj qee zaus yuav tau hloov lub luag hauj lwm ntawm ib yig neeg twg kom haum raws li teb chaws Australia thiab.
Cov kev ua kom tau lub zoo neej ntawm Australia no yeej yog ib txoj kev npau suav ntawm coob leej ntau tus uas tau tuaj rau lub teb chaws no.
Tab sis tej zaum kuj yuav ntsib teeb meem nyuaj ntau yam rau txoj kev npau suav no thiab thaum kawg kuj yuav ua rau muaj teeb meem rau txoj kev sib raug zoo thiab.
Lub koom haum yeej tau koom tes nrog lub koom haum los tsim cov program pab rau tej txiv neej uas pheej siv kev kub ntxhov thiab coj tej cwj pwm yuam thiab tsim teeb meem rau lwm tus hauv tsev neeg uas ua rau tsis muaj txoj kev sib raug zoo rau lub cuab yig.
yeej yog ib co program uas tsim coj los siv ntawm Australia tau ntev tshaj 10 xyoo lawm. Thiab vim tsis xav kom muaj ib tug twg raug tej teeb meem no ces thiaj tau tsim ib co program uas siv tau haum raws li tej neeg coj ntseeg ntau yam kab lis kev cai muaj peev xwm siv tau coj los pab rau tej txiv neej kom thiaj muaj peev xwm hloov tau rau ntawm lub teb chaws tshiab.
Tsis tas muab koj cov kev xav uas ua tsis tau lub neej raws li koj txoj kev npau suav tig los ua ib cov kev kub ntxhov.
Ghassan Noujaim yog ib tug neeg Australia caj ceg neeg Lebanese thiab kuj yog tus Building Stronger Families program facilitator dhau los hais tias, muaj ib txhia kab lis kev cai mas tej txiv neej yeej raug xam tias yog tus txiv tsev. Thiab nws hais ntxiv tias yeej muaj kev cia siab tias tus txiv neej ntawd yuav yog tus khwv nyiaj los tab lub cuab yig, yog li thiaj tsim nyog mloog nws hais thiab ua raws nws.
Mr Noujiam tshab txhais tias ntxiv ntawd los kuj tseem muaj lwm yam kev nyuaj siab ntxhov plawv rau cov kev tuaj pib neeg tshiab uas yeej ib txwm tsis tau txais kev pab cuam rau tej neeg uas yeej paub ua hauj lwm dhau los uas muaj ntau yam laj thawj tau ua rau lawv ras los ua cov neeg poob hauj lwm ntawm Australia.
Yog kuv quaj ces kuv ua tsis taus txiv. Yog kuv thov kev pab ces kuv yog ib tug neeg tsis muaj peev xwm, thiab kuv tsis yog ib tug txiv neej yawg.Ghassan Noujaim
Nws hais ntxiv tias txiv neej yeej mloog tau tias lawv ntsib teeb meem nyuaj ntau yam cuam tshuam txog tej kev coj taug ua zoo ntawm tej kab lis kev cai, kev ntseeg, tej kev vam kev cia siab, thiab tej kev xav ntawm txiv neej.
Tab sis tsis tas muab cov kev tsis muaj peev xwm ua tau lub neej raws li txoj kev npau suav tig ua ib cov teeb meem kub ntxhov thiab.
Raws li Dr Sumbo Ndi uas yog ib tug life coach thiab kuj yog tus coj sab laj daws kev nyuaj siab ntawm lub koom haum Relationships Australia ntawm xeev South Australia hais tias cov kev lees paub thiab los daws qee yam teeb meem uas pheej ua rau tsis muaj peev xwm ua tau lub zoo neej yog thawj kauj ruam uas yuav pab kom muaj cov kev pauv hloov zoo, txawm li cas los kuj yog tej yam nyuaj kawg nkaus thiab.
Dr Ndi hais tias lub luag hauj lwm ntawm ib tug neeg twg yeej cuam tshuam txog tej neeg cov cim thawj thiab muaj qee zaus ces ua rau lawv mloog tau tias lawv tsis pom qab yuav ua li cas rau ntawm ib thaj chaw tshiab.
Yeej ib txwm muaj cov kev hloov poj niam thiab txiv neej lub luag hauj lwm ib txwm ntawm tej cuab yig thaum ib tug poj niam twg yog tus khwv nyiaj los tab lub cuab yig thiab tus txiv neej yog tus los tu saib xyuas tsev neeg lawm.
Txawm tias tau muaj cov kev pauv hloov rau yus lub luag hauj lwm lawm los yeej tsis ua rau yus tsis tshua muaj nqes dab tsi los yog ua rau yus pab tau tsawg dua, tab sis xav kom peb lees peb qhov tseeb tias yog peb ua lub neej txawv lawm ces kuj yuav tau muaj cov kev pauv hloov raws li qhov tsim nyog thiab.Dr Sumbo Ndi
yeej tsim cov coj los qhia rau tej txiv neej, poj niam thiab tej hluas neeg Africa ntawm nroog Adelaide kom totaub zoo txog tej teeb meem kub ntxhov hauv lub cuab yig.
Dr Ndi hais tias txawm tias yeej ib txwm txwv tsis pub tham txog tej teeb meem kub ntxhov hauv lub cuab yig, los yog thaum tej neeg tham txog tej teeb meem no xwb mas thiaj yuav muaj peev xwm pauv hloov tau yog tias lawv muaj peev xwm tham yam qib siab lug thiab tham yam tau txais kev nyab xeeb thiab tau txais kev pab cuam txhawb nqa.
"Lawv yeej nkag siab txog tias yog cov kev ntaus ib tug twg lub cev ntaj ntsug, tab sis cov kev nkag siab thiab muaj peev xwm sib tham txog cov kev pheej hais lus ua rau lwm tus tu siab, cov kev pheej yuam deev lwm tus los yog cov kev pheej siv nyiaj txiaj yuam lwm tus kuj yog ib cov teeb meem kub ntxhov hauv lub cuab yig thiab."
Dr Ndi thiaj xav txhawb nqa kom tej tub koom siab kawm kom paub txog ib tug twg txoj kev xav thiab tej kev paub kev pom tau ua dua los kom thiaj hloov ua tau lub neej tam li yog ib tug neeg Australia thiab ua tau lub zoo neej thiab tswj tau yim neeg ruaj khov.
Thiab yeej muaj qee zaus, ib co kev pauv hloov lub luag hauj lwm ntawm poj niam thiab txiv neej yeej ua rau muaj txoj kev sib cuag nrog lwm tus txawv lawm thiab.
Txiv neej txoj kev kaj siab yog tej yam tseem ceeb, vim lawv cov kev tau txais kev kaj siab thiab tau txais kev noj qab nyob zoo yog ib yam tseem ceeb ntawm cov kev yuav pab kom tej zejzog tau txais kev noj qab nyob zoo.
Mr King hais tias "Seb yus xav kom lawv hais dab tsi txog yus xwb? Yus puas xav kom lawv hais tias, ua tsaug os txiv, kuv ris txiaj heev rau tej koj ua...seb yus puas xav kom lawv hais tej sob lus no?''
Raws li Mr King hais ces tej txiv neej yeej ib txwm kawm siv tej lus tsis tsim nyog siv raws li tej txiv neej txoj kev xaiv rau lb caij lawv raug cob qhia thaum lawv loj hlob.
Nws hais tias, yog tej yam tsis muaj hmoo uas tej txiv neej tseem tau kawm zais tsis qhia txog lawv tej kev xav rau lub caij lawv muaj hnoob nyoog tuaj ntxiv los yog muaj kev sib raug zoo nrog lwm tus thiab.
Mr King thiaj txhawb nqa kom tej neeg tsis txhob siv tej tswv yim qub thiab qhia txog yus txoj kev xav rau tej neeg tseem ceeb los yog nrhiav kev pab cuam coj los pab rau yus ua ntej yuav ras los ua ib cov teeb meem loj tuaj uas daws tsis tau lawm.
Nws hais tias cov kev pheej khaws yus tej kev xav cia rau yus xwb tej zaum kuj muaj peev xwm muaj teeb meem loj li roob hluav taws tawg tau thiab, uas yuav ua rau yus coj tej cwj pwm ua phem rau lwm tus.
Nws thiaj taw qhia kom siv tej tswv yim hauv qab no kom muaj peev xwm sib txuas lus nrog lwm tus ua ntej yuav sab laj ib yam dab tsi:
- Tsis txhob maj thiab mloog lwm tus hais seb lawv xav li cas
- Cam hwm tus neeg ntawm tej tswv yim yam tsis tas xav tias lawv yuav hwm yus cov kev tawm tswv yim thiab.
- Lees paub txog yus tej kev xav.
- Kom yus zaum tsawg tham.
- Tswj yus tus kheej kom tus ua ntej yuav tham txog ib yam dab tsi.
- Tsis txhob qaug dej caw ua ntej yus yuav sab laj ib yam dab tsi.
Tej txiv neej mas yeej ib txwm yog tej leej txi, tej kwv tij, los yog yus tus txiv los yog tus txij nkawm, thiab cov teeb meem nyuaj siab yeej yuav ua rau muaj teeb meem ncaj qha rau lawv tsev neeg. Thiab ib tug txiv neej txoj kev noj qab nyob zoo kuj yuav ua rau muaj feem cuam tshuam txog tej neeg lawv hlub tshua txoj kev xav thiab.
Yeej tsis ua li cas yog tias muaj qee zaus yus pab tsis tau yus tus kheej. Thiab yog yus tham qia lwm tus los yeej tsis ua li cas, thiab kuj tsis ua li cas yog yus thov kev pab.Dr Sumbo Ndi
Koj muaj peev xwm txheeb tau ib cov program muaj ntsis zoo sib xws li ntawm ntawm lub koom haum Relationships Australia uas siv tau thoob teb chaws , los yog hu rau tus xov tooj 1300 364 277.
Tej txiv neej uas muaj teeb meem nyuaj siab ntxhov plawv los yog muaj teeb meem rau txoj kev sib raug zoo muaj peev xwm hu tau rau Australia raws tus xov tooj 1300 78 99 78 uas yeej tau txais kev pab cuam sab laj daws kev nyuaj siab uas siv tau 24 teev rau ib hnub twg.
Hu rau lub koom haum txhais lus thiab txhais ntawv ( raws tus xov tooj 13 14 50 thiab hais kom lawv hu rau lub koom haum kom xav tham ntawd yog tias koj xav tau neeg txhais lus.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab Downloadthiab caum
