Xov xwm luv tshaj tawm hnub zwj Feej (Wednesday news 29.01.2025):
Tej neeg tua hluav taws ntawm Victoria tseem sam sim kub siab txog ob kob hav zoov kub hnyiab loj ntawm Grampians National Parks uas tiss muaj peev xwm tswj tau thiab txhawj tsam sib sau ua ib kob loj. Tej hav zoov kub hnyiab nyob sab qab teb hnub poob ntawm lub park no twb cais tej tsev thiab tej camp sab qaum teb lawm, thiab kuj muaj ib cov kab hav zoov kub nyiab me tseem sam sim kub ntawm Wallaby Rocks.
Tsoom fwv Albanese yuav nqes peev nyiaj txog li $32 million dollars rau Australia lub tuam txhab Harrison AI cov artificial intelligence technology kom thiaj pab txheeb thiab tshuam thiab txheeb tau tej CT scan thiab X-rays kom paub tias seb ib tug twg mob li cas kom sai thiab raug dua.
Kuj pom tias tau muaj tej kab theem nyiaj poob nqe tsawg dua tej tau kwv yees rau lub 12 hlis ntuj dhau los tom qab tau kho 0.5% lawm. Tab sis kuj tsis paub tias seb lub 2 hlis ntuj no Reserve Bank puas yuav txo se rau tej neeg Australia.
Tsoom fwv Australia tau los qhia txog nws tej tswv yim Targeted Action Plans (TAPs) uas yuav ua tib zoo xyuas kom tsim tau tej kev pab cuam rau tej neeg puas cev rau siv nthuav dav rau haiv neeg no raws li zejzog cov kev xav, kev nyab xeeb, tej cai, kev ncaj ncees thiab kom tej cuab yig thiab tej zej zog muaj peev xwm siv tau cov kev pab cuam no.
Australia tus nom tswj tej dej num vaj tse hais tias kom ceev faj rau cov kev siv Suav tuam tshoj lub AI app hu ua DeepSeek.
Caroline Kennedy uas yog Meskas tus nom ambassador ntawm Australia tau nqua hu kom Meskas tej nom kis xeev siab txhob rawm qhia tseeb tias yuav xaiv nws tus thaj kub thaj tim Robert Kennedy Junior los ua tus nom tswj dej num noj qab haus huv vim nws cov lus tawm tswv yim txog vaccines tej zaum yuav ua rau nws tsis muaj cai ua tus nom no.
Tub ceev xwm kuj tau muab 3 tug hluas nto nkauj nto nraug txhom tom qab tub ceev xwm tau caum lawv uas thaum kawg ua rau ib tug neeg cai tsheb moto tas sim neej. Ces ib tug hluas 14 xyoos thiaj yuav raug tsub 3 lub txim suav lub txim txhob txwm caij tsheb ua kom lwm tus raug kev phoj sij.
Lub caij ua ntej yuav ua koom txoos xyoo tshiab Lunar New Year 2025 thiab tom qab tsoom fwv Suav tuam tshoj tau tshem tej se tsub rau Australia tej khoom xa muag rau nws ces kuj ua rau lub koom haum Australia Wine tau qhia tias tau muag Australia tej cawv txiv txog 83 million literes thiab tau nyiaj tshaj $900 million rau Suav.
Lub koom haum Essential Services Commission tau muab lub tuam txhab Origin Energy nplua nyiaj $1.6 million liam tias nws tsis kub siab pab tej customer raug teeb meem kub ntxhov hauv lub cuab yig txij lub 6 hli ntuj 2021 txog lub 3 hlis ntuj 2024.
Tau muaj ib tug nom District Judge ntawm teb chaws Meskas tau cheem tsis pub tsoom fwv Trump siv nyiaj ua hauj lwm txog ntua hnub tim 3 lub 2 hlis ntuj (2025).
Tau muaj Suav tuam tshoj ib cov kws tshawb fawb tau qhia tias lawv muaj peev xwm tsim tau ib co nas los nrog ob tug txiv nas hauv tej chav labolatory thaum kho cov embryonic stem cell. Ib txhia nas ces kuj ua neej nyob ntev tab sis kuj muaj ib txhia ces muaj qee yam dab tsi txawv txawv thaum lawv nto nas. Tab sis Suav tej kws teeb txheeb hais tias yog ib cov kev muaj peev xwm rau cov hauj lwm genetic engineering.
Lub tsev hais plaub Victorian County Court tau muab ib lub tsev kawm ntawv ntiav ntawm Melbourne Nplua nyiaj txog $140,000 liam tias tej neeg ua hauj lwm uas coj tej tub kawm ncig teb chaws Cob Tsib lub 9 hlis ntuj xyoo 2019 tsis kub siab xyuas kom tej tub kawm tau txais kev noj qab nyob zoo thiab kev noj qab haus huv rau lub caij tseem ntoj ncig teb chaws Nyab Laj.
Bangkok Post tau qhia tias nom tswv Thaib tau tsim tsab cai tshiab los nplua thiab rau txim rau tej tuam txhab nyiaj, social media thiab tej tuam txhab muag xov tooj uas tsis kub siab xyuas kom neeg Thaib tsis txhob raug neeg phem dag poob nyiaj. Thiab tau nce cov kev rau txim kaw 5 xyoos thiab nplua 5 million Baht. Australia los kuj tau pib siv nws tsab cai tib yam li no yuav nplua tej tuam txhab 50 million dollars thiab nplua tej neeg ntiag tug tshaj $ 1 million los yog kaw tsev laj cuj. Tib lub caij no Cob Tsib phau ntawv xov xwm Toiure News kuj tau qhia tias nom tswv tau txhom tau ib cov neeg phem ntawm 30 tawm tus ntawm ib lub xeev qaum teb uas tau dag tej neeg nyiaj yuav laug txog $40 million thiab.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum
los yog lwm cov podcast platforms (, , thiab ).
