កម្ពុជាបន្តទទួលជំនួយវ៉ាក់សាំងកូវីដ ខណៈដែលប្រទេសនេះបើកព្រំដែនទទួល​ភ្ញៀវបរទេស​ដោយ​មិនចាំបាច់​ធ្វើ​ចត្តាឡីស័ក

ក្នុងពេលទទួលវ៉ាក់សាំងប្រឆាំងកូវីដ-១៩ Astrazeneca ចំនួន ៣២៤ ០០០ដូសបន្ថែមទៀត ពីអង្គការសុខភាពពិភពលោក ដែលផ្ដល់ជូនកម្ពុជា តាមរយៈយន្តការកូវ៉ាក់ ជាលើកទី៣ កាលពីល្ងាចថ្ងៃទី១៥ ខែវិច្ឆិកា ឆ្នាំ២០២១ លោកស្រី យក់ សម្បត្តិ រដ្ឋលេខាធិការក្រសួងសុខាភិបាល លើកឡើងថា មកដល់ពេលនេះ កម្ពុជា ទទួលបានវ៉ាក់សាំងសរុបជាង ៣៨លានដូសហើយ។ ស្របពេលជាមួយគ្នានេះកម្ពុជាក៏បានសម្រេចជាថ្មីថា អ្នកចាក់វ៉ាក់សាំងកូវីដ១៩ រួចហើយ ទាំងខ្មែរ និងទាំងបរទេស ពេលចូលមកកម្ពុជា មិនចាំបាច់ធ្វើចត្តាឡីស័កទៀតឡើយ បើសិនជាពិនិត្យ ធ្វើតេស្តមិនឃើញមានផ្ទុកកូវីដ១៩ ទេនោះ។