កម្ពុជាបើកប្រទេសបណ្តើរៗឡើងវិញ ដោយបន្ធូរបន្ថយរយៈពេលធ្វើចត្តាឡីស័កចំពោះអ្នកចាក់វ៉ាក់សាំងរួច

រាជរដ្ឋាភិបាលបានសម្រេចបើកប្រទេសឡើងវិញជាបណ្តើរៗ និងតាមដំណាក់កាល ជាមួយនឹងភាពប្រយ័ត្នប្រយែង និងការទទួលខុសត្រូវខ្ពស់តាមគន្លងប្រក្រតីភាពថ្មី ដោយមានការសម្រួលរបបនៃការធ្វើចត្តាឡីស័កសម្រាប់អ្នកដំណើរមកកម្ពុជាតាមគ្រប់ច្រកចូល ដែលទទួលបានការចាក់វ៉ាក់សាំងដូសមូលដ្ឋានបានពេញលេញ។ សេចក្តីសម្រេចថ្មី ក្នុងការបន្ធូរបន្ថយរយៈពេលធ្វើចត្តាឡីស័ក ក្នុងរយៈពេលពី ៣ថ្ងៃ ទៅ ៧ថ្ងៃ សម្រាប់អ្នកចាក់វ៉ាក់សាំងរួចរាល់ ដែលជាអ្នកដំណើរចូលកម្ពុជា មិនថា ខ្មែរឬជនបរទេសនោះទេ។ សេចក្តីសម្រេចនេះ បានអនុវត្ត ចាប់ពីថ្ងៃទី១៨ ខែតុលា ដោយរាប់បញ្ចូលទាំងអ្នកទេសចរ ដែលបានចាក់វ៉ាក់សាំងផងដែរ។