ប៉ូលិសស្រវឹងបើកឡានបុកមនុស្សស្លាប់ម្នាក់ និងរបួស៣នាក់ ទាំងកណ្តាលថ្ងៃត្រង់

បុរសជាមន្រ្តីនគរបាល នៅស្នងការដ្ឋាននគរបាលរាជធានីភ្នំពេញម្នាក់ បានបើកឡាន LEXUS ក្នុងល្បឿនយ៉ាងលឿន បុករះយានយន្តពេញផ្លូវ បណ្ដាលឲ្យបុរសអ្នកបើកម៉ូតូកង់បីឥណ្ឌា ស្លាប់ម្នាក់ និងអ្នកដំណើរ ៣នាក់ទៀត រងរបួស។ ហេតុការណ៍ប៉ូលិសស្រវឹង បើកឡានបុករះ បណ្តាលឱ្យស្លាប់ និងរបួសអ្នកដំណើរសរុប ៤នាក់នេះ បានកើតឡើង នៅផ្លូវព្រះនរោត្តម មុខក្រសួងមហាផ្ទៃ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីម៉ោងប្រមាណ ២រសៀល ថ្ងៃទី១៥ ខែឧសភា ឆ្នាំ២០២៥ នេះ។ ហេតុការណ៍នេះ ត្រូវបានថតជាប់ដោយកាំម៉ារ៉ា ក្នុងរថយន្តរបស់អ្នកដំណើរម្នាក់។