ក្រសួងទេសចរណ៍ដាក់ឲ្យអនុវត្តវិធានសុវត្ថិភាពទេសចរណ៍ សម្រាប់អាជីវកម្មខារ៉ាអូខេ ក្លឹបកម្សាន្ត

ក្រសួងទេសចរណ៍ បានដាក់ចេញនូវវិធានសុវត្ថិភាព សម្រាប់អាជីវកម្មខារ៉ាអូខេ ដោយភ្ជាប់នូវលក្ខខណ្ឌនៃការអនុវត្តមួយចំនួន ឆ្លើយតបទៅនឹងគន្លងប្រក្រតីភាពថ្មី និងស្ថានភាពនាពេលបច្ចុប្បន្ន។ តាមក្រសួងទេសចរណ៍ ការបើកដំណើរការអាជីវកម្មខារ៉អូខេឡើងវិញនេះ នឹងចូលរួមចំណែកផ្តល់ឱកាសការងារដល់បុគ្គលិកនិយោជិត និងរួមចំណែកទ្រទ្រង់វិស័យទេសចរណ៍ និងសេដ្ឋកិច្ចជាតិ ក្នុងដំណាក់កាលរៀនរស់នៅជាមួយជំងឺកូវីដ១៩ តាមគន្លងថ្មី។ ចំណែកឯ ក្រសួងធម្មការ និងសាសនា ក៏បានសម្រេចបើកដំណើរការឡើងវិញ ពិធីសាសនា ការជួបជុំ និងកម្មវិធីផ្សេងៗ បែបសាសនាផងដែរ។