កម្ពុជាប្រកាសបើកកម្មវិធីទេសចរណ៍វ៉ាក់សាំងដើម្បីទទួល​ភ្ញៀវទេសចរអន្តរជាតិ​

កម្ពុជា បានប្រកាសបើកទទួលទេសចរអន្តរជាតិឡើងវិញ ក្រោមទម្រង់ជា «ទេសចរណ៍វ៉ាក់សាំង» ដោយចាប់ផ្តើមមុនគេ នៅក្រុងព្រះសីហនុ ក្រុងកោះរ៉ុង ក្នុងខេត្តព្រះសីហនុ និងនៅតារាសាគរ នៃខេត្តកោះកុង ចាប់ផ្តើមអនុវត្ត ពីថ្ងៃទី៣០ ខែវិច្ឆិកា ឆ្នាំ២០២១ តទៅ។ បន្ទាប់មក នៅខេត្តសៀមរាប នៅក្នុងខែមករា ឆ្នាំ២០២២ នៅក្នុងក្របខណ្ឌនៃកម្មវិធីទេសចរណ៍វ៉ាក់សាំង ដែលអនុញ្ញាតឲ្យភ្ញៀវទេសចរអន្តរជាតិ ស្នាក់នៅ និងទស្សនាក្នុងតំបន់ ឬគោលដៅទេសចរណ៍សុវត្ថិភាព រយៈពេល ៥ថ្ងៃ ដោយមិនតម្រូវឲ្យធ្វើចត្តាឡីស័ក ក្នុងសណ្ឋាគារទេ។