ភាពចម្រុះនៃភាសារបស់ជនជាតិដើមដំបូងអូស្រ្តាលី First Nations

អ្នកដែលទើបតែមករស់នៅក្នុងប្រទេស អូស្ត្រាលីថ្មោងថ្មីអាចដឹង ថាតើវាមានសារៈសំខាន់យ៉ាងណា ក្នុងការរក្សាភាសាកំណើតរបស់អ្នកឱ្យនៅគង់វង្ស។ ភាសាគឺមានសារៈសំខាន់សម្រាប់វប្បធម៌របស់អ្នក ហើយភាសារបស់ជនជាតិដើម អូស្ត្រាលីក៏មិនខុសគ្នាដែរ ដោយផ្សារភ្ជាប់ប្រជាជនទៅនឹងទឹកដី និងចំណេះដឹងពីដូនតារបស់ពួកគេ។ បច្ចុប្បន្ននេះ ភាសារបស់ជនជាតិដើមដំបូង-First Nations ជាង 100ភាសា ត្រូវបាននិយាយនៅទូទាំងប្រទេសអូស្ត្រាលី។ ភាសាខ្លះនិយាយដោយមនុស្សតែមួយក្តាប់តូចប៉ុណ្ណោះ ហើយភាគច្រើនប្រឈមនឹងការបាត់បង់ជារៀងរហូត។ ប៉ុន្តែភាសាជាច្រើនកំពុងត្រូវបានគេស្តារឡើងវិញ។ នៅក្នុងបទយកការណ៍ Australia Explained វគ្គនេះ យើងស្វែងយល់ពីភាពចម្រុះ និងការងើបឡើងវិញនៃភាសាដើមដំបូងរបស់អូស្ត្រាលី។