ប្រតិកម្មចម្រុះ ជុំវិញវិធានការរបស់លោក ត្រាំ ដែលបានដំឡើងពន្ធ ៤៩ភាគរយ លើទំនិញនាំចូលពីកម្ពុជា

លោកដូណាល់ ត្រាំ ប្រកាសការយកពន្ធសងសឹក កាលពីថ្ងៃទី២ មេសា ឆ្នាំ២០២៥។ Source: SIPA USA / Michael Brochstein/Sipa USA/AAP Image
ប្រធានាធិបតីអាម៉េរិក លោក ដូណាល់ ត្រាំ កាលពីថ្ងៃទី២ ខែមេសា ឆ្នាំ២០២៥ នេះ បានប្រកាសដាក់ពន្ធលើទំនិញ នាំចូលពីកម្ពុជា រហូតដល់ ៤៩ភាគរយ។ នេះជាវិធានការ ដែលលោកត្រាំ អះអាងថា ដើម្បីឆ្លើយតបនឹងពន្ធរបស់កម្ពុជា លើទំនិញអាម៉េរិក ដែលមានចំនួន ៩៧ភាគរយ។ វិធានការរបស់លោកត្រាំ នាំឱ្យកម្ពុជា ក្លាយជាប្រទេសរងនូវការដាក់ពន្ធខ្ពស់ជាងគេបំផុត នៅក្នុងតំបន់អាស៊ាន។ ឡាវ ជាប់ពន្ធ ៤៨% វៀតណាមជាប់ពន្ធ ៤៦% មីយ៉ាន់ម៉ាជាប់ពន្ធ ៤៤% ខណៈដែលប្រទេសសិង្ហបុរី ជាប់ពន្ធតិចជាងគេ ក្នុងអាស៊ាន គឺចំនួន ១០% ប៉ុណ្ណោះ។
Share