លោកហ៊ុន ម៉ាណែត អំពាវនាវ​ឱ្យ​ពលរដ្ឋ​ខ្មែរ​ ប្រែក្លាយ​ការ​ភ័យខ្លាច​បាត់បង់​ទឹកដី ទៅជា​សាមគ្គីភាព​ផ្ទៃក្នុង

ឆ្លើយតបទៅនឹងក្តីព្រួយបារម្ភមួយចំនួនរបស់ប្រជាពលរដ្ឋខ្មែរ ពាក់ព័ន្ធនឹងបញ្ហាអធិបតេយ្យភាព បូរណភាពទឹកដី ពិសេសខ្លាចបាត់បង់ទឹកដី លោកនាយករដ្ឋមន្ត្រី ហ៊ុន ម៉ាណែត បានប្រកាសអំពាវនាវឲ្យប្រជាពលរដ្ឋខ្មែរ ជាពិសេសយុវជន ត្រូវប្រែក្លាយភាពភ័យខ្លាច និងការព្រួយបារម្ភទាំងនោះ ទៅជាសាមគ្គីភាពផ្ទៃក្នុង ឱ្យកាន់តែរឹងមាំ និងត្រូវខំប្រឹងរៀនសូត្រ ពង្រឹងសមត្ថភាព ដើម្បីពង្រឹងម្ចាស់ការខ្លួនឯង ក្នុងការអភិវឌ្ឍប្រទេស។