ការ​បាក់ច្រាំង​ទន្លេមេគង្គ នៅជ្រោយចង្វារ​ រាជធានីភ្នំពេញ

កាលពីពេលថ្មីៗនេះ មានករណីបាក់ច្រាំងទន្លេ នៅខណ្ឌជ្រោយចង្វារ រាជធានីភ្នំពេញ បណ្តាលឱ្យ ប្រជាពលរដ្ឋដែលរស់នៅជាប់កន្លែងបាក់ច្រាំងទន្លេ បានរើជញ្ជូនឥវ៉ាន់ ចេញពីផ្ទះរបស់ខ្លួន ដើម្បីការពារសុវត្ថិភាព។ ប្រជាពលរដ្ឋបានលើកឡើងថា មូលហេតុបណ្តាលឱ្យបាក់ច្រាំងទន្លេគឺបណ្តាលមកពីការបូមខ្សាច់ ខណៈដែលអាជ្ញាធរសមត្ថកិច្ច បានច្រានចោលនូវការលើកឡើងទាំងនោះ ហើយថា ជាកត្តាធម្មជាតិប៉ុណ្ណោះ៕