ក្រោយពីគេយកទៅសម្លាប់តែមិនស្លាប់ លោក ហ៊ីម សុរក្សាប្រាថ្នាសុំត្រឹមតែបាយមួយដុំ

ចាស កាលពីវគ្គមុន លោកអ្នកបានស្តាប់រួចមកហើយពីប្រវត្តិដ៏តក់ស្លុតរបស់លោក ហ៊ីម សុរក្សា ដែលត្រូវកងឈ្លបយកទៅសំលាប់ទាំងគ្រួសារ។ ប៉ុន្តែហាក់ដូចជាមានអភូតហេតុដ៏អស្ចារ្យ ឬដោយសារបុណ្យមិនទាន់អស់ លោកក៏បានវារចេញពីរណ្តៅសព ហើយគេចខ្លួនមកបាន។ ក្រោយពីគេយកទៅសម្លាប់ តែមិនស្លាប់ លោក ហ៊ីម សុរក្សា មានរបួសជាប់ខ្លួនជាដំណំ និងហេវហត់ជាខ្លាំង ព្រោះដាច់បាយដាច់ទឹក៣ថ្ងៃមកហើយ លោកក៏សម្រេចចិត្តវិលត្រឡប់ចូលភូមិវិញ បើទោះជាត្រូវគេចាប់យកទៅសំលាប់ម្តងទៀតក៏មិនដឹងធ្វើយ៉ាងម៉េចដែរ តែលោកសុំឱ្យតែបានបាយមួយដុំ ទទួលទាននៅមុនពេលស្លាប់តែប៉ុណ្ណោះ។

បទសម្ភាសន៍វគ្គ១ និង​វគ្គបញ្ចប់៖

បទសម្ភាសន៍ជាមួយអ្នកដែលរួចផុតពីការស្លាប់ក្នុងសម័យប៉ុលពល ក្រោយគេវាយទម្លាក់រណ្តៅសពរួម

"ការអត់ទោស មិនមែនខ្ញុំរំដោះគេឱ្យមានសេរីភាពទេ គឺខ្ញុំខ្លួនឯងទេដែលរំដោះខ្លួនឯងឱ្យមានសេរីភាព"

យើងសូមព្រមានជាមុនថា នឹងមានការប្រើប្រាស់ពាក្យពេចន៍ភ័យរន្ធត់មួយចំនួន នៅក្នុងប្រវត្តិដ៏តក់ស្លុតរបស់លោក ហ៊ិម សុរក្សានេះ។

ប្រសិនបើលោកអ្នកត្រូវការជំនួយផ្លូវចិត្ត សូមទាក់ទងទៅកាន់ Lifeline តាមរយៈលេខ៖ 13 14 11 ឬ Beyond Blue លេខ1300 22 4636។