"Discovery Early Career Researcher Award 2022” шагналын эзэн Б.Мөнхбаяр: Бидэнд боломж бүрэн бий

Австралийн Засгийн газар, Австралийн эрдэм шинжилгээ, судалгааны консулаас олгодог “Discovery Early Career Researcher Award 2022” шагналыг хүртсэн Б.Мөнхбаятай ярилцлаа. Тэрээр STEM салбарт энэ шагналыг авч байгаа анхны монгол хүн болж байна.

Б.Мөнхбаяр сэргээгдэх эрчим хүчний чиглэлээр 10 аад жил судалгаа хийж, салбарынхаа топ сэтгүүл буюу 10-аас дээш фактортой сэтгүүлүүдэд 1 редакцын нийтлэл, номын 2 бүлэг, 90 орчим эрдэм шинжилгээний өгүүлэл нийтлүүлжээ.

Source: Б.Мөнхбаярын хувийн архиваас

Энэ удаагийн шагналыг нарны эрчим хүчний ухаалаг панел буюу цонхны шилэн дээр тусдаг нарны гэрлийг эрчим хүч болгон ашиглах төслөөрөө хүртсэн бөгөөд хагас сая гаруй австрали долларын санхүүжилт авахаар болсон байна. Ингээд түүний хувьд судлаачаар ажиллаж байгаа хугацаандаа нийт нэг сая гаруй долларын санхүүжилтыг авчээ.