Times Higher Education дэлхийн их сургуулиудын 2025 оны эрэмбийг тогтоожээ.
Дэлхийн шилдэг 200 их сургуульд Австралийн 10 их сургууль багтсан байна. Өнгөрсөн жил 11, харин 2021 онд 12 их сургууль шилдэг сургуулийн жагсаалтад орж байсантай харьцуулахад энэ онд ухарсан үзүүлэлт юм.
The University of Melbourne Австралид нэгт, харин дэлхийд 39-т эрэмбэлэгдсэн байна. Өнгөрсөн онд тус сургууль 37-д жагсаж байсан бол энэ жил ийнхүү 2 байр ухарсан нь дэлхийн зэрэглэл тодорхойлж буй 21 жилийн түүхэн дэх хамгийн доогуур байрт орсон жил болж байна.
Викториа мужийн Monash University Австралидаа хоёрдугаарт, дэлхийд 58-д бичигдсэн нь өмнөх жилийн 54-р байрнаас ухарсан үзүүлэлт юм.
The University of Sydney 2023 оны 60-р байрнаас энэ жил 61-т, Австралийн Үндэсний Их Сургууль 67-оос 73-т, Күйнсландын Их Сургууль 70-аас 77-р байранд орж ухарсан байна.
Австралийн бусад шилдэг их сургуулиудын хувьд:
- The University of New South Wales дэлхийд 84-р байраас 83-р байр руу ахиж, Австралийн шилдэг их сургуулийн 6-р байранд хэвээр үлдсэн байна.
- The University of Adelaide дэлхийд 111-ээс 128-р байр руу ухарч, Австралийн шилдэг их сургуулийн 7-р байранд хэвээр үлдсэн байна.
- The University of Western Australia дэлхийд 143-аас 149-р байр руу ухарч, Австралийн 8-д хэвээр үлдсэн бол
- ТThe University of Technology Sydney 148-аас 154-р байр руу ухарч, Австралийн 9 дэх байранд хэвээр үлдсэн.
- Macquarie University дэлхийд 180-аас 178-р байр руу ахиж, Австралийн 10 дахь байранд үлдсэн.
- The Queensland University of Technology дэлхийд 199-ээс 201-250-р байр руу ухарсан бөгөөд Австралид 11-р байраас 12-т болжээ.
Эндээс харахад University of New South Wales, Macquarie University, Deakin University болон Federation University Australia ч мөн зэрэглэлээ ахиулсан байна.
Нийт дүнгээр Австралийн 17 их сургууль эрэмбэ доошилж, 7 нь хамгийн муу үзүүлэлттэй байна.
Oxford University Дэлхийн шилдэг сургуулийн жагсаалтыг тэргүүлж, MIT, Harvard, Princeton, Cambridge их сургуулиуд удаалсан байна.
