Анх удаа, хиймэл оюун ухаанаар бүтээсэн текст, видео, зураг, аудио улс төрийн кампанит ажилд ашиглагдаж эхэллээ.
Энэтхэгт, Болливудын жүжигчид тодорхой улс төрийн намыг дэмжиж буй мэт дүрслэгдсэн дипфэйкүүд сонгогчдын сошиал медиа хуудсанд гарч ирэв.
Deepfakes Analysis Unit (DAU) тэргүүн Pamposh Raina хэлэхдээ "Тэдний аудиог засварлаж, зарим тохиолдолд эх бичлэг дээр хэлсэн зүйлийг нь бүрэн өөрчилж, тэд тодорхой улс төрийн намыг дэмжиж буй мэт харагдуулсан. Гэхдээ бодит байдал дээр огт тийм зүйл болоогүй байсан юм." гэлээ.
Үүний зэрэгцээ, АНУ-д Камала Харрисыг Зөвлөлтийн офицерийн дүрээр хиймэл оюун ухаанаар бүтээсэн зураг түгэж, ялангуяа латин гаралтай сонгогчдын дунд өргөн тархжээ.
Factchequeado байгууллагын Ерөнхий редактор Ana Marìa Carrano "Испани хэлтэй нийгэмлэгийн хувьд Латин Америкийн олон хүмүүс авторитар дэглэмтэй өөр төрлийн харилцаатай байдаг. Тиймээс ийм төрлийн холбоог тэд өөрөөр хүлээн авч, эсэргүүцэх хандлагатай байдаг." гэж онцолжээ.
Энэ дугаарт, SBS Examines хиймэл оюун ухаанаар үүсгэсэн худал мэдээлэл Энэтхэг болон АНУ-ын сонгуульд хэрхэн нөлөөлсөн тухай ярилцлаа.
