Холбооны засгийн газрын 21 төрийн байгууллага сүүлийн хоёр жилийн хугацаанд ойролцоогоор 450,000 долларыг зарцуулсан нь Сөрөг хүчний эвслээс гаргасан Мэдээллийн эрх чөлөөний хүсэлт (FOI Request)-ийн дагуу ил болжээ.
Энэхүү зарцуулалтыг Уугуул иргэдийн асуудал болон Засгийн газрын үр ашигтай байдлын Сөрөг хүчний сайд Jacinta Nampijinpa Price эрс хүчтэй шүүмжилэв.
"Засгийн газрын агентлагууд 'Welcome to Country' болон 'Smoking Ceremonies'-д хагас сая гаруй доллар зарцуулсан нь татвар төлөгчдийн мөнгийг зохисгүй зарцуулсан хэрэг. Энэ нь нийгмийн гадна орхигдсон уугуул австраличуудад ямар ч ашиг тус авчрахгүй байна," гэж тэрээр SBS Examines-д ярьсан юм.
Сөрөг хүчний эвсэл сонгуулийн амлалтдаа "засгийн газрын үр дүнгүй зарцуулалтыг зогсоож, үр ашиггүй зардлыг бууруулах" тухай тууштай байр суурьтай байсаар ирсэн гэж мэдэгдээд "Уугуул австраличуудын амьдралыг сайжруулах бодитой арга хэмжээнд анхаарч ажиллана" гэж Сүүдрийн сайд хэллээ.
"Засгийн газрын зарцуулалт өндөр инфляц болон амьжиргааны өртгийн хямралыг улам хүндрүүлж байгаа нөхцөлд, австраличууд татварын мөнгөө засгийн газраас хариуцлагатай, үр дүнтэй зарцуулахыг шаардах эрхтэй" гэлээ.
Мөн тэрээр засгийн газрыг "үзэл суртал, хэлбэрдэлтэд автаж”, анхаарлаа сарниулж байна" хэмээн буруутгажээ.
Уугуул Австраличуудын асуудал хариуцсан сайд Malarndirri McCarthy Сенаторын мэдэгдэлд хариу өгчээ.
"Албанезийн засгийн газар уугуул болон уугуул бус австраличуудын хоорондын ялгааг арилгах, Анхны үндэстнүүдийн иргэдийн эдийн засгийн эрх мэдлийг нэмэгдүүлэхэд анхаарч ажиллаж байхад, сөрөг хүчин 'Welcome to Country'-той холбоотой соёлын маргаанд төвлөрч байна" гэж тэр хэлсэн байна.
"Хэрэв Peter Dutton болон Эвслийн сөрөг хүчин соёлын маргаан өрнүүлэх нь Либерал намын өрийг дарахад тусална гэж бодож байгаа бол тэд бодит байдлыг ойлгоогүй байна" гэж тэрээр онцолжээ.
READ MORE
What does Welcome to Country mean?
Эрдэмтэн, зохиолч Marcia Langton профессор "Welcome to Country"-г тойрсон хэлэлцүүлэг нь "бохир соёлын маргаан" өдөөж байна гэж үзэж байна.
"Энийг яагаад нэг төрлийн дуулиан болгон мэдээллэж байгааг би ойлгохгүй байна. . . . Энд ялгаварлан гадуурхалт мэдрэгдэж байна. Австраличууд ANZAC Day-ийн арга хэмжээнд оролцоход хэвийн зүйл хэрнээ 'Welcome to Country' ёслолд оролцох нь буруу гэж үү" гэж тэр хэлжээ.
"Үнэндээ, FOI-ийн мэдээллийг тойрсон энэ бүх дуулиан, хэвлэл мэдээллийн шуугиан нь бохир соёлын маргааны халхавчин дор зориудаар өдөөсөн асуудал гэж би харж байна."
Уугуул иргэдийн асуудал судлаач, доктор Anthony Dillon "Welcome to Country" нь "улс төрийн тоглоомын хэрэгсэл" болж байна гэж үзжээ.
"Зарим улс төрчид аливаа зүйлийг шүүрч аваад, халуун сэдэв болгож, улс төрийн тоглоом болгон ашигладаг. Энэ тохиолдолд 'Welcome to Country' нь уугуул иргэдийн улс төр, асуудлаас залхсан хүмүүст хялбархан шүүмжлэх зүйл болж байна." гэж тэр хэлсэн байна.
Хэрэв энэ мэдээлэл танд сэтгэл санааны дарамт учруулсан бол National Aboriginal and Torres Strait Islander Crisis Hotline 13YARN-тай 13 92 76 дугаараар холбогдоно уу.
LISTEN TO
SBS Examines: Цуурхал, Гадуурхалт, Бүх нийтийн санал асуулга
SBS Mongolian
16/10/202410:01
Та илүү олон подкаст Монгол хэлээр сонсмоор байна уу?
SBS Mongolian зочилж эсвэл манай дагаарай. Мөн , , -д бидэнтэй нэгдээрэй.
Долоо хоног бүрийн Мягмар гарагт 2-3 цагийн хооронд SBS 3-р сувгаар Монгол хэл дээрх хөтөлбөрөө хүлээн авч сонсоорой.
