Сонгуулийн тухай хуульд нэгэн цоорхой заалт байдаг. Энэ нь албан ёсны сонгуулийн кампанит хугацаанаас гадуур төөрөгдүүлсэн зар сурталчилгаа тараах боломжийг олгодог.
Шинжээчдийн үзэж байгаагаар энэ нь зөвхөн улс төрийн нэр дэвшигчийн нэр хүндэд хохирол учруулаад зогсохгүй, сонгуулийн үйл явцад ч сөргөөр нөлөөлдөг.
2022 онд, ACT-гийн бие даагч сенатор David Pocock өөрийнх нь дүрсийг дижитал аргаар өөрчилсөн зураг нийтэд түгсэнтэй холбоотойгоор Australian Electoral Commission (AEC)–д албан ёсны гомдол гаргажээ. Уг зураг сонгуулийн тов зарлагдсанаас хойш нэг сарын дараа гарч ирсэн байв.
Зураг дээр David Pocock цамцаа урж, дотроос нь The Greens намын албан ёсны логотой футболк гарч ирж буйгаар дүрслэгдсэн байсан юм. Энэ зургийг замын хажуугийн сурталчилгааны хуудас болон санал өгөх төвүүдийн ойролцоо зогссон ачааны машинууд дээр байрлуулсан байсан юм.
Энэ ажлыг сонсерватив улс төрийн лобби бүлэг болох Advance Australia-гаас зохион байгуулсан байна.
AEC уг зургийг төөрөгдүүлсэн бөгөөд сонгуулийн кампанит ажлын үеэр нийтэд үзүүлэх ёсгүй гэж дүгнэсэн. Харин Advance Australia энэ дүгнэлттэй санал нийлэхгүй байсан ч зургийг дахин олон нийтэд гаргахгүй гэж зөвшөөрсөн юм.
Advance Australia-аас зөвшөөрөгдсөн, дижитал аргаар өөрчилсөн Alex Dyson-ы зурагт хуудаснуудыг Wannon тойргийн сонгогчдын шуудангийн хайрцганд тараасан байна. Credit: Supplied
Тэгвэл Advance Australia энэ оны 2-р сард бас нэг өөр хүний зургийг дижитал аргаар өөрчилж өмнөх шиг зураг болгон тараахаар шийдсэн нь хууль зөрчөөгүйд тооцогдов.
Тэд Wannon тойрогт, бие даагч нэр дэвшигч Alex Dyson-ы цамцаа ярж, дотроос нь The Greens намын логотой футболк гарч буйгаар дүрслэгдсэн дижитал аргаар өөрчилсөн зурагтай хуудсыг тараасан байна.
Mr Dyson уг зураг өөр өөр сэтгэгдэл дагуулсан гэлээ.
“Зарим хүмүүс жижиг үсгээр бичсэн хэсгийг хараад энэ нь Advance Australia-аас гарсан гэдгийг мэдээд цочирдсон. Харин зарим нь нүдний хараа муутай эсвэл жижиг үсгийг уншаагүй учраас өөр шалтгаанаар гайхсан.”
It’s pretty wild.
Monash Law School-ийн дэд профессор Yee-Fui Ng хэлэхдээ, Advance Australia-д “ийм үйлдэл хийхийг зөвшөөрөхгүй” гэдгийг аль хэдийн мэдсэн. тэгэхээр тэд дүрмийн нэг цоорхойг олж, ашигласан гэлээ.
Advance Australia-ийн төлөөлөгч SBS Examines-т өгсөн ярилцлагадаа, AEC (Australian Electoral Commission) тэдэнд Mr Dyson-ы зурагт хуудсын адил агуулга бүхий материал нь “сонгуулийн хуулийг зөрчөөгүй” гэж зөвлөсөн хэмээн мэдэгдсэн юм.
Сонгуулийн тухай хуулийн 329-р зүйл нь санал өгч буй сонгогчийг төөрөгдүүлж, хуурч болзошгүй мэдээллийг нийтлэхийг хориглодог ч, энэ заалт нь зөвхөн сонгуулийн албан тов зарласны дараа үйлчилдэг.
Australia Institute-ийн Ардчилал ба Хариуцлагын хөтөлбөрийн захирал Bill Browne хэлэхдээ, улс төрийн зар сурталчилгааны хувьд ямар мэдээлэл төөрөгдүүлж байна вэ гэдгийг үзэгч өөрөө шүүн тунгаах шаардлагатай болдог гэжээ.
“Зар сурталчилгааг үнэлэхдээ тодорхой хэмжээний эргэлзээтэй хандах нь үргэлж хэрэгтэй. Энэ улс төрийн зар сурталчилгаанд бол бүр илүү хамааралтай.”
Та Монгол хэлээр илүү олон подкаст сонсмоор байна уу?
SBS Mongolian зочилж эсвэл манай дагаарай. Мөн , , - сувагт бидэнтэй нэгдээрэй. Мөн долоо хоног бүрийн Мягмар гарагт 2-3 цагийн хооронд SBS 3-р сувгаар хүлээн авч сонсоорой.
