د کرونا له وبا وروسته د هغو آسټرالیایانو شمېر زیات شوی چې بهرنیو هېوادونو ته سفر کوي، مګر د سفر له زیاتوالي سره په بهر کې د مسافرو ستونزې هم زیاتې شوي دي.
د آسټرالیا د بهرنیو چارو او سوداګرۍ وزارت (DFAT) په تېر مالي کال کې د قونسلي خدمتونو او د بحران پرمهال د مالي ملاتړ د خدمتونو په اړه خپل وروستی راپور خپور کړی.
دغه راپور ښيي چې د ۲۰۲۳ له جولای څخه د ۲۰۲۴ کال تر جون میاشتې پورې د دغه وزارت لخوا د قونسلي مرستې ۹ زره او ۶۷ قضیې اداره شوي دي چې د تېر کال په پرتله ۷ سلنه زیاتوالی ښيي.
په کومو هېوادونو کې آسټرالیایان زیات له ستونزو سره مخ شوي؟
تایلنډ هغه هېواد دی چېرې چې تر ټولو زیات آسټرالیایان له ستونزو سره مخ شوي.
د تېر مالي کال پرمهال په دغه هېواد کې د قونسلي مرستې ۸۲۷ قضیې ثبت شوي.
له تایلنډ وروسته، په اندونیزیا او فلپین کې په ترتیب ۵۴۶ او ۵۲۸ قضیې ثبت شوي.
په متحده ایالاتو کې ۴۸۳ داسې پیښې ثبت شوي چې آسټرالیایانو د قونسلي مرستې غوښتنه کړې ده.
په چین کې ۳۰۹، جاپان کې ۲۹۹، هندوستان کې ۲۵۴ او ایټالیا کې ۲۴۰ آسټرالیایانو د قونسلګري مرستې غوښتنه کړې ده.
LISTEN TO
د آسټرالیا د تابعیت آزموینې لپاره څنګه چمتو کېدای شئ؟
SBS Pashto
12/10/202307:02
په بهرنیو هېوادونو کې آسټرالیایان له کومو ستونزو سره مخ کېږي؟
په بهرنیو هېوادونو کې آسټرالیانو تر ټولو زیاته د هوساینې په برخه کې د مرستې غوښتنه کړې د بیلګې په توګه د روانې روغتیا، کورني تاوتریخوالي او بې کورۍ له امله د قونسلي مرستې غوښتنه.
د بهرنیو چارو وزارت د ۱۹۱۹ آسټرالیایانو د مړینې په قضیو کې مرسته کړې چې په بهر کې مړه شوي. دغه شمېرې د تیر کال په پرتله درې سلنه زیاتوالی ښيي.
LISTEN TO
د آسټرالیا د تابعیت له ترلاسه کولو وروسته تاسو کوم حقونه او مسئولیتونه لرئ؟
SBS Pashto
06/06/202404:51
په بهرنیو هېوادونو کې د آسټرالیایانو د ناروغۍ او په روغتون کې د بستر کېدو په پېښو کې ۲۱ سلنه زیاتوالی راغلی دی.
د آسټرالیا د بهرنیو چارو وزارت په بهر کې د ۸۶۵ نیول شویو آسټرالیایانو د قضیو مدیریت کړی دی چې د تېرکال په پرتله ۱۷ سلنه زیاتوالی ښيي. تر ټولو زیات آسټرالیایان په چین، امریکا او سنګاپور کې نیول شوي.
په تېر مالي کال کې ۲۶۷۸ آسټرالیایانو د پاسپورټ د ورکېدو او ۱۹۴۲ کسانو د پاسپورټونو د غلا کېدو راپورونه ورکړي چې د تېر کال په پرتله ۲۸ سلنه زیاتوالی ښيي.
