د افغان فلمونو فيستيوال له تيرو ۵ کلونو راهيسې د اسټراليا بيلابيلو ښارونو کې پر مخ اچول کيږي.
دا په اسټراليا کې د افغان فيلمونو يواځينی فيستيوال دی چې په لويه کچه پر مخ اچول کيږي او ډير شمير افغانان او نور اسټراليايان د يادو فيلمونو ننداره کوي.
روان کال د کرونا ويروس پر داسې ورته لويو غونډو ناوړه اغيز شيندلې ولې اډيليډ ښار کې دا فلمونه داسې حالت کې نندارې ته وراندې کيږي چې تاسې خپلو موټرو کې ناست کولی شئ فيلمونه ننداره کړئ.
د اسټرليا بيلابيلو ښارونو کې داسې سينماوې شته چيرې چې تاسې خپلو موټرو کې کينئ د فلم ننداره کوئ او د فلم غږ خپل موټر راډيو له لارې اوريدلی شئ.
فهيم هاشمي د اسټراليا اډيليډ ښار کې ميشت خبريال او د غان فيلم فيستوال مشري په غاړه لري.
اس بي اس پښتو سره مرکې دوران کې ښاغلي وويل، د غان نړيوال فلم فيستيوال لپاره يې غوره افغاني فلمونه ټاکلي او ډيري له همدو فيلمونو څخه نړيوالې جايزې هم ترلاسه کړي.
د غان فلم فيستيوال د روانې مياشتې (اوکتوبر) په ۲۳ او ۲۶ نيټه اډيليډ ښار کې افغان فيلمونه نندارې ته وړاندې کوي.
ښاغلی هاشمي وايي، له ياد فيستيوال څخه ترلاسه شوې پيسې ټولې افغانستان کې پر بې وزله ماشومانو لګول کيږي.
د ښاغلي فهيم هاشمي بشپړه مرکه واورئ.
