ਆਸਟ੍ਰੇਲੀਆ ’ਚ ਬੁਸ਼ਫਾਇਰ ਨਾਲ ਨਜਿੱਠਣ ਲਈ ਵਾਲੰਟੀਅਰ ਫਾਇਰਫਾਈਟਰਜ਼ ਵਜੋਂ ਅੱਗੇ ਆ ਰਹੇ ਨੇ ਪ੍ਰਵਾਸੀ

ਆਸਟ੍ਰੇਲੀਆ ਵਿੱਚ ਅੱਗ ਬੁਝਾਊ ਸਵੈ ਸੇਵਕਾਂ ਜਾਂ ਵਾਲੰਟੀਅਰ ਫਾਇਰਫਾਈਟਰਜ਼ ਦੀ ਗਿਣਤੀ ਹਰ ਸਾਲ ਘੱਟਦੀ ਜਾ ਰਹੀ ਹੈ। ਇੱਕ ਦਹਾਕਾ ਪਹਿਲਾਂ ਵਿਕਟੋਰੀਆ ਸੂਬੇ ਦੇ ਅੱਗ ਬੁਝਾਊ ਦਸਤੇ ਵਿੱਚ ਕਰੀਬ 60,000 ਵਾਲੰਟੀਅਰ ਸਨ ਪਰ ਇਹ ਅੰਕੜਾ ਪਿਛਲੇ ਵਰ੍ਹੇ ਘੱਟ ਕੇ 53,000 ’ਤੇ ਪਹੁੰਚ ਗਿਆ ਹੈ। ਗਰਮ ਅਤੇ ਖੁਸ਼ਕ ਅਲ ਨੀਨੋ ਦੀ ਭਵਿੱਖਬਾਣੀ ਦਰਮਿਆਨ, ਉੱਤਰ ਪੱਛਮੀ ਵਿਕਟੋਰੀਆ ਵਿੱਚ ਪ੍ਰਵਾਸੀਆਂ ਵਲੋਂ ਇਸ ਪਾਸੇ ਕਦਮ ਵਧਾਏ ਜਾ ਰਹੇ ਹਨ। ਸਵੈਨ ਹਿੱਲ ਵਿੱਚ ਆਬਾਦੀ ਦਾ ਚੌਥਾ ਹਿੱਸਾ ਓਹ ਲੋਕ ਹਨ ਜੋ ਹੋਰਨਾਂ ਮੁਲਕਾਂ ਵਿੱਚ ਜੰਮੇ ਹਨ ਅਤੇ ਇਹ ਨਵੇਂ ਆਸਟ੍ਰੇਲੀਅਨ, ਐਮਰਜੈਂਸੀ ਹਾਲਾਤ ਵਿਚ ਮਦਦ ਦੇ ਹੱਥ ਵਧਾਉਣ ਲਈ ਅੱਗੇ ਆ ਰਹੇ ਹਨ।