ඔස්ට්‍රේලියාවේ වත්මන් පාලනය හොබවන කම්කරු පක්ෂ රජයේ මංගල ෆෙඩරල් අය-වැය ඊයේ (ඔක්තෝබර් 25) පස්වරුවේ ඉදිරිපත් කෙරුණි.
මධ්‍යම රජයේ භාණ්ඩාගාරික අමාත්‍ය Jim Chalmers විසින් මෙම අය-වැය ඉදිරිපත් කරන ලදී.
එහිදී ඔස්ට්‍රේලියානුවාසීන්ට ලැබුණු හිමිවීම් සහ අහිමිවීම් මොනවාදැයි මෙම ලිපියෙන් විමසා බලමු.
හිමිවීම්
රැකියා කරන දෙමාපියන්
2023 ජූලි මාසයේ සිට ඩොලර් 80,000ට අඩු ආදායම් ලබන පවුල් සඳහා childcare subsidy අනුපාතය 85% සිට 90% දක්වා ඉහළ දමනු ඇත.
ඩොලර් 530,000 ක වාර්ෂික ආදායමක් දක්වා එම childcare subsidy අනුපාතය ක්‍රමිකව අඩු වනු ඇත.
පවුල්වලට ඔවුන්ගේ වයස අවුරුදු පහ සහ ඊට අඩු දෙවන සහ ඉන් පසුව සිටින ළමුන්ව childcare සේවාවන් සඳහා යොමු කරන විට එම දරුවන් සඳහා දැනට පවතින ඉහළ සහනාධාර අනුපාතය 95% ක් දක්වා දිගටම ලැබෙනු ඇත.
මීට අමතරව, ගෙවීම් සහිත දෙමාපිය නිවාඩු (Paid Parental Leave (PPL)) යෝජනා ක්‍රමය පුළුල් කිරීම සඳහා මධ්‍යම රජය වසර හතරක් පුරා ඩොලර් මිලියන 531.6ක් ආයෝජනය කරයි.
ගෙවීම් සහිත දෙමාපිය නිවාඩු 2026 ජූලි සිට සති 26 දක්වා වැඩි වනු ඇත.
කාන්තාවන්
කම්කරු පක්ෂ රජය ස්ත්‍රී පුරුෂ සමානාත්මතාවය ඉදිරියට ගෙන යන බවට යළි යළිත් පොරොන්දු වී ඇති අතර, එය සිය අයවැය ලේඛනවල නැවත නැවතත් අවධාරණය කර තිබේ.
ගෙවීම් සහිත මාපිය නිවාඩු සහ childcare සහනාධාර වලට අමතරව ඒ දෙකම කාන්තා ආර්ථික සමානාත්මතාවය ඇති කරන සහ ස්ත්‍රී පුරුෂ සමාජභාවයේ වැටුප් පරතරය අඩු කරන බව මධ්‍යම රජය පවසයි.
කාන්තා ආරක්ෂණය සඳහා මුලපිරීම් වෙනුවෙන් ඩොලර් බිලියන 1.7 ක ප්‍රතිපාදන ද වෙන් කෙරිණි.
මේ අනුව දින 10 ක වැටුප් සහිත පවුල් සහ ගෘහස්ථ හිංසන නිවාඩු ලබා දීම සහ සමාජ සහ දැරිය හැකි නිවාස සඳහා ආයෝජනය කිරීම සඳහා නීති සම්පාදනය කර ඇත.
ගෘහස්ථ හිංසනය අත්විඳින කාන්තාවන්ට සහ දරුවන්ට ඒ හරහා උපකාර කිරීමට අපේක්ෂා කරයි.
———————————————————————————
ඩිජිටල් සහ සමාජ මාධ්‍ය ජාලයන්හි අපගේ SBS සිංහල සේවය හා සම්බන්ධ වීමට:
SBS Radio App: හෝ වෙතින් SBS Radio App නොමිලයේ Download කරගෙන සජීවීව SBS සිංහල වැඩසටහන සහ අපගේ අනෙකුත් podcast වලට සවන් දෙන්න.
———————————————————————————
සිසුන් සහ අධ්‍යාපන අංශය
ප්‍රාන්ත සහ ටෙරිටරි රජයන් සමඟ එක්ව, මධ්‍යම රජය වසරක ජාතික නිපුණතා ගිවිසුම හරහා ගාස්තු රහිත TAFE සහ වෘත්තීය අධ්‍යාපන පාඨමාලා සැපයීම සඳහා ඩොලර් බිලියන 1 ක ආයෝජනයක් කරයි.
2023 දී, ගාස්තු රහිත TAFE සහ ප්‍රජා මූලික කරගත් වෘත්තීය අධ්‍යාපන සැපයුම් අවස්ථා 180,000 ක් පිරිනැමෙන අතර, රජයේ සැලැස්මේ පළමු අදියර යටතේ එවැනි අවස්ථා 480,000 ක් ලබාදීමට අපේක්ෂිතය.
එයින් අවම වශයෙන් අවස්ථා 15,000 ක් aged care අංශයේ රැකියා පුරප්පාඩු පීඩනය සමනය කිරීම සඳහා aged care පාඨමාලා සඳහා කැප කරනු ඇත.
මේ අතර වඩා හොඳ පාසල්, ප්‍රීතිමත් සහ සෞඛ්‍ය සම්පන්න සිසුන් සහ වඩාත් සුදුසුකම් ලත් ගුරුවරුන් සඳහා මෙවර අයවැය ඩොලර් මිලියන 770 කට වඩා වැඩි මුදලක් ආයෝජනය කරයි.
පරිසරය
දේශගුණික විපර්යාස සහ පරිසරය මෙවර අයවැය ලේඛනවල ප්‍රමුඛව දක්නට ලැබුණි.
මහා බාධක කොරල් පරයේ ආරක්ෂාව සහ ප්‍රතිසංස්කරණය වේගවත් කිරීම සඳහා අමතර ඩොලර් මිලියන 204ක් ඇතුළුව පාරිසරික උරුමයන් හා ජාතික උරුමයන් ආරක්‍ෂා කිරීම සඳහා ඩොලර් බිලියන 1.8ක් වෙන් කර ඇත.
දේශීය ශාක හා සත්ත්ව විශේෂ සුරැකීම, නාගරික ජල මාර්ග වැඩිදියුණු කිරීම, පර්යේෂණ මධ්‍යස්ථාන පිහිටුවීම, සාගර සහ සමුද්‍ර උද්‍යාන කළමනාකරණය වැඩිදියුණු කිරීම සහ දේශගුණික විපර්යාස පිළිබඳ ස්වදේශික ඔස්ට්‍රේලියානුවන් සමඟ සම්බන්ධ වීමට ද එය සහාය වේ.
Powering Australia සැලැස්ම හරහා, පුනර්ජනනීය බලශක්තිය සඳහා ආයෝජනය කිරීමට රජය සැලසුම් කර ඇති අතර, එමඟින් රැකියා උත්පාදනය කිරීම මෙන්ම ලාභදායී සහ පිරිසිදු බල ශක්තිය නිපදවීමට ද අපේක්ෂා කෙරේ.
නිවාස 100,000ක් දක්වා සූර්ය බැටරි ගබඩා කිරීම, විදුලි මෝටර් රථ සඳහා බදු අඩු කිරීම, ජාතික විදුලි වාහන ආරෝපණ ජාලයක් සහ අධිවේගී මාර්ගවල හයිඩ්‍රජන් ඉන්ධන පිරවුම්හල් ඉදිකිරීම සඳහා ඩොලර් මිලියන 800 කට වැඩි මුදලක් ආයෝජනය කෙරේ.
LISTEN TO
කැන්ගරු දේසේ සිංහල පොත්: ගුරු දිවියේ රසවත් අත්දැකීම් අළලා මෙල්බර්න් වලින් බිහිවුණු ග්‍රන්ථයක්
SBS Sinhala
22:42
ආරක්ෂාව
ආරක්ෂාව සඳහා වන මුල්‍ය ප්‍රතිපාදන 2022-23 දී 8% කින් වැඩි වන අතර ඉදිරි වසර හතර තුළ දළ දේශීය නිෂ්පාදිතයෙන් 2% කට වඩා වැඩි වනු ඇත.
අග්නිදිග ආසියාවට විශේෂ නියෝජිතයෙකු පත් කිරීම සහ කලාපය පුරා රජයේ මෙහෙයුම් සම්බන්ධීකරණය කිරීම සඳහා අග්නිදිග ආසියාවේ කාර්යාලයක් පිහිටුවීම සඳහා රජය ඩොලර් මිලියන 13ක් ආයෝජනය කරනු ඇත.
සයිබර් ඔරොත්තු දීමේ හැකියාව සහ ආරක්ෂාව වැඩි දියුණු කිරීම සඳහා ඔස්ට්‍රේලියානු රාජ්‍ය සේවා සයිබර් මධ්‍යස්ථානවල සේවා ස්ථාන ව්‍යාප්ත කිරීම සඳහා තවත් ඩොලර් මිලියන 31ක් ලබා දෙනු ඇත.
Childcare, environmental protection, women's safety, closing the gap initiatives and fee-free TAFE will all receive a funding injection. Source: SBS
විශ්‍රාමිකයින්
රැකියා කිරීමට කැමති විශ්‍රාමිකයින්ට ඔවුන්ගේ විශ්‍රාම වැටුප $7,800 වෙනුවට $11,800 දක්වා උපයා ගැනීමට අවසර දෙනු ලැබේ.
වැඩිහිටි ඔස්ට්‍රේලියානුවන් ද ඔවුන්ගේ නිවාසවල ප්‍රමාණය අඩු කිරීමට දිරිමත් කරනු ඇත, රජය විසින් විශ්‍රාම වැටුප් වත්කම් පරීක්ෂාව වෙනස් කිරීමත් සමඟ නිවාස අලෙවියෙන් ලැබෙන ආදායම මාස 12ක් වෙනුවට මාස 24ක් දක්වා නිදහස් කෙරේ.
වයස අවුරුදු 55 ත් 59 ත් අතර පුද්ගලයින් සඳහා සුපිරි වාර්ෂික දායකත්වය සඳහා ප්‍රවේශය පුළුල් කෙරේ.
Treasurer Jim Chalmers has handed down the 2022-2023 Federal Budget. Source: AAP / Lukas Coch
Aged care
2023 ජූලි 1 වන දින සිට Aged care සඳහා ලියාපදිංචි හෙදියන් දවසේ පැය 24 පුරාම ක්‍රියාත්මක වී සිටින බව සහතික කිරීම සඳහා රජය ඩොලර් බිලියන 2.5 ක අරමුදල් සපයා ඇත.
2024 ඔක්තෝබර් 1 සිට රැකවරණය ලබාදෙන දිනකට Aged care මධ්‍යස්ථානවල වාසය කරන වියපත් පුද්ගලයින් 215 දක්වා වැඩි වේ.
COVID-19 පැතිරීම කළමනාකරණය කිරීම සඳහා Aged care මධ්‍යස්ථානවලට සේවා සපයන්නන් සඳහා රජය ඩොලර් මිලියන 810.2 ක් කැප කර ඇති අතර 2022 දෙසැම්බර් 31 දක්වා නේවාසික Aged care මධ්‍යස්ථාන සඳහා කොවිඩ් පරීක්ෂණ දිගටම කරගෙන යාමට ඩොලර් මිලියන 34.9 ක් ලබා දෙයි.
LISTEN TO
ඉහල ගිය නිවාස මිලගණන් වල විය හැකි වෙනස්කම් ගැන, ඕස්ට්‍රේලියාවේ ලාංකිකයින්ගේ අදහස්
SBS Sinhala
24:11
ඔස්ට්‍රේලියාවට පැමිණීමට කැමැත්තෙන් සිටින පුද්ගලයින්
ඔස්ට්‍රේලියාව මුහුණ දෙමින් සිටින බරපතල පුහුණු ශ්‍රමිකයින්ගේ ගැටලුව විසඳීම උදෙසා skilled වීසා කෝටාව 79,600 සිට 142,400 දක්වා ඉහළ දමා තිබේ.
පැසිෆික් දූපත් රටවල සහ ටිමෝර ජාතිකයින් සඳහා ලබන වසරේ සිට වීසා 3,000ක් දක්වා ලබාදීමට නව Pacific Engagement වීසා බලපත්‍රයක් හඳුන්වා දෙනු ඇත.
මෙය ස්ථිර සංක්‍රමණ වැඩසටහනේ වෙන් කර ඇති 195,000 ට අමතරව වෙනත් කොටාවකි.
විදේශගතව සිට ඔස්ට්‍රේලියාවේ වෙසෙන සිය පවුලේ අය සමඟ නැවත එක්වීමට කැමති අයටද මේ හරහා වාසි සැලසේ.
අහිමිවීම්
නිවැසියන්
සාමාන්‍ය ඔස්ට්‍රේලියානු පවුලට නුදුරු අනාගතයේ දී එදිනෙදා පන්දු යැවීමේ සහනයක් දැනේවි
COVID-19 පැතිරීම කළමනාකරණය කිරීම සඳහා aged care සේවා සපයන්නන් සඳහා රජය ඩොලර් මිලියන 810.2 ක් කැප කර ඇති අතර 2022 දෙසැම්බර් 31 දක්වා නේවාසිකව aged care පහසුකම් සඳහා පරීක්ෂණ දිගටම කරගෙන යාමට ඩොලර් මිලියන 34.9 ක් ලබා දෙයි.
සැබෑ වැටුප් 2024 දක්වා නැවත වර්ධනය වීමට බලාපොරොත්තු නොවන බව ඉහළ උද්ධමන අනුපාතිකය, ගෝලීය අභියෝග සහ ඉහළ පොලී අනුපාත සමඟින් අදහස් කෙරේ.
LISTEN TO
ඔක්තෝබර් 31 ට පසු Tax return එක lodge කළොත් ATO එකෙන් දඩ ගසනවාද? ඇත්ත කතාව දැනගමු
SBS Sinhala
09:22
රථගාල් සහ ලිබරල් සන්ධානයේ අනෙකුත් ව්‍යාපෘති
රථගාල් සහ යටිතල පහසුකම් සංවර්ධනය උදෙසා වන ආයෝජන සහ වියදම් සඳහා සහාය වීම පිණිසAlbanese රජය ඩොලර් බිලියන 22ක් වියදම් කප්පාදුවක් සහ වෙනත් අංශවලට යොමු කිරීමක් වාර්තා වේ.
Regional Accelerator වැඩසටහනෙන් ඩොලර් බිලියන 1.7ක අරමුදල් යළි හරවා යවා ඇති අතර බලශක්ති ආරක්ෂාව සහ ප්‍රාදේශීය සංවර්ධන සැලැස්ම අර්ධ වශයෙන් ආපසු හැරවීමෙන් ඩොලර් බිලියන 1.4ක් ඇතුළුව, පැවති ලිබරල් සන්ධාන ව්‍යාපෘති රාශියක් ඇතුළත් වේ.
නාගරික තදබදය සඳහා වන අරමුදලෙන් ඩොලර් මිලියන 671ක් කප්පාදු කර ඇති අතර රිය ගාල්වල ආරක්ෂාව උදෙසා සහ ඩොලර් මිලියන 252ක් Building Better Regions අරමුදලෙන් කපා හරින බවය.
LISTEN TO
ඔස්ට්‍රේලියාවේ සිටින තාවකාලික වීසා අයදුම්කරුවන්ට දැන් Visa Medical අවශ්‍ය නැහැ, සියලු විස්තර මෙන්න
SBS Sinhala
02:36
බදු වංචාකරුවන්
බදු වෘත්තිකයන්ගේ මණ්ඩලය විමර්ශන සඳහා යොමු කිරීම සහ බදු අනුකූලතාව වැඩි දියුණු කිරීම සඳහා ඩොලර් මිලියන 30 ක අරමුදල් සැපයෙනු ඇත.
දුර්වල සහ නීති විරෝධී බදු උපදෙස් සපයන බදු වෘත්තිකයන් ද එහිදී ඉලක්ක කරනු ලැබේ.
Tax Claim එකේදී වියදම් අඩුකිරීම් ඉක්මවා යාම සම්බන්ධයෙන් ඔස්ට්‍රේලියානු බදු කාර්යාලයට සිය වැඩසටහන දිගටම කරගෙන යාමට ඩොලර් මිලියන 80ක් ද ලැබේ.
