එළඹෙන පාස්කු නිවාඩුව වැටී ඇති දිගු සති අන්තයේදී ඔස්ට්‍රේලියාවේ පෙට්‍රල් මිල ඉහළ යනු ඇතැයි අපේක්ෂා කරයි.
එනිසා නියමිත වේලාවට පෙර පෙට්‍රල් පුරවා ගැනීමෙන් අමතර මුදලක් පෙට්‍රල් වෙත වැය කිරීමට සිදු නොවන බව මෝටර් රථ හිමියන්ට දැනුම් දෙයි.
LISTEN TO
අධික ජීවන වියදම නිසා ඉදිරි මාස කිහිපයේ ජීවිතය ගැන ඔස්ට්‍රේලියාවේ ලාංකිකයින්ගේ අදහස්: 'විනිවිද' ජනතා මත විමසුම
SBS Sinhala
16:41
පාස්කු සති අන්තයේදී පෙට්‍රල් මිල ඉහළට
පාස්කු නිවාඩුව සහ පාසල් නිවාඩු කාලය තුළ පෙට්‍රල් මිල ගණන් ලීටරයකට ඩොලර් 2 ට වඩා ඉහළ යාමට ඉඩ ඇතැයි වාර්තා වේ.
වෙළඳපල දත්ත සංසන්දනය කිරීමට අනුව, සිඩ්නි කලාපයේ බොහෝ මෝටර් රථ රියදුරන් දැනටමත් පෙට්‍රල් ලීටරයකට ඩොලර් 2 කට වඩා වැඩි මුදලක් ගෙවයි.
———————————————————————————
ඩිජිටල් සහ සමාජ මාධ්‍ය ජාලයන්හි අපගේ SBS සිංහල සේවය හා සම්බන්ධ වීමට:
SBS Audio App: හෝ වෙතින් SBS Radio App නොමිලයේ Download කරගෙන සජීවීව SBS සිංහල වැඩසටහන සහ අපගේ අනෙකුත් podcast වලට සවන් දෙන්න.
———————————————————————————
ඇතැම් සිල්ලර වෙළෙන්දන් පාරිභෝගිකයින් ආකර්ෂණය කර ගැනීම සඳහා මිල අඩු මට්ටමක තබා ගන්නා බව Compare the Market වෙබ් අඩවියේ බලශක්ති විශේෂඥ Chris Ford පැවසුවේය.
"උදාහරණයක් ලෙස, දැනට සිඩ්නි කලාපයේ ලාභම සහ වඩාත්ම මිල අධික මිල ගණන් අතර ශත 47 ක වෙනසක් තිබෙනවා," යනුවෙන් ඔහු පැවසීය.
ඔබ ලීටර් 50 ක ඉන්ධන ටැංකියක් පුරවන්නේ නම් එය ඩොලර් 23.50 ක් පමණ ඉතිරියකි.
ඔස්ට්‍රේලියාවේ අනෙකුත් ප්‍රධාන නගරවල සාමාන්‍ය මිල ගණන් වඩාත් සාධාරණ වන අතර මෙල්බර්න් කලාපයේ සාමාන්‍ය පෙට්‍රල් මිල ලීටරයකට ඩොලර් 1.78 ක් සහ බ්‍රිස්බේන් හි ලීටරයක මිල ඩොලර් 1.79 කි.
පසුගිය දෙසතිය තුළ තොග මිල ලීටරයක් ඩොලර් 1.69 දක්වා ශත හයකින් පහත වැටී ඇත.
There's currently a 47-cent difference between the cheapest and most expensive petrol prices in Sydney. Source: AAP / JULIAN SMITH/AAPIMAGE
පෙට්‍රල් මිල අඩුවෙයිද?
පාස්කු දිගු සති අන්තයෙන් පසු තෙල් මිලට අනුකූලව පෙට්‍රල් මිල පහත වැටීමට ඉඩ ඇති බව Compare the Market වෙබ් අඩවියේ බලශක්ති විශේෂඥ Chris Ford පැවසුවේය.
තෙල් මිල සිල්ලර මිලට බලපෑ නමුත් මිල උච්චාවචනය අනිවාර්යයෙන්ම බවුසරයේ ගෙවන මිලට සෘජුවම පරිවර්තනය නොවන බවත් ඒ ඒ නගරවල ඇති විශේෂිත මිල චක්‍ර ද සිල්ලර මිල තීරණය කිරීමේ ප්‍රධාන සාධකයක් වන බවත් CommSec ප්‍රධාන ආර්ථික විද්‍යාඥ Craig James පැවසුවේය.
LISTEN TO
ඔස්ට්‍රේලියාවේ පොලී අනුපාතික ඉහළ යාමේ පීඩනය මධ්‍යයේ නිවාස ණයක් Refinance කිරීම බුද්ධිමත් තීරණයක්ද?
SBS Sinhala
09:29
ඊට අමතරව, තෙල් මිල පිළිබඳ ඉදිරි දැක්ම අඳුරු බව ද ඔහු පැවසීය.
ඊට සාධක කිහිපයක් ඇති බවත් තෙල් මිල ගමන් කරන්නේ කුමන ආකාරයෙන්ද යන්න හඳුනා ගැනීම දුෂ්කර බවත් ආර්ථික විද්‍යාඥ Craig James සඳහන් කළේය.
එක් පසෙකින්, ආර්ථික අවපාත බිය තෙල් මිල පාලනය කරනවා විය හැකිය, විශේෂයෙන් බැංකු ලෝකයේ මෑත කාලීන කැලඹීම්, සිල්ලර ඉන්ධන මිල ගණන් වැඩි කිරීමට හේතු වූවා විය හැකිය.
අනෙක් පසෙන්, තෙල් සැපයුම කඩාකප්පල් වීමේ අවස්ථා, චීන ආර්ථිකය යථා තත්ත්වයට පත් කිරීම සහ උද්ධමනය සහ පොලී අනුපාත ස්ථාවර කිරීම තෙල් මිල ඉහළ මට්ටමක තබා ගැනීමට හේතු විය හැකිය.
LISTEN TO
ඔබේ විශ්‍රාම වැටුප් අරමුදල ආරක්ෂා කරන්නේ සහ නොලැබුණු Superannuation ලබාගන්නේ කෙසේද? SBS සිංහල වෙතින්
SBS Sinhala
10:32
තෙල් මිණුම් දණ්ඩේ මිල, වසරේ පළමු භාගයේදී බැරලයක් ඇමෙරිකානු ඩොලර් 80 (ඔස්ට්‍රේලියානු ඩොලර් 120) පමණ සිට වසරේ දෙවන භාගය වන විට ඇමෙරිකානු ඩොලර් 90 (ඔස්ට්‍රේලියානු ඩොලර්135) දක්වා ඉහළ යනු ඇති බව CommSec විශ්ලේෂකයින් අනාවැකි පළ කළේය.
මේ හේතුවෙන් ඔස්ට්‍රේලියාවේ ඉන්ධන මිල තරමක් ඉහළ යාමේ ප්‍රවණතාවක් ඇති බවද ඔවුහු පැවසුහ.
එහෙත් පසුගිය වසරේ මාර්තු මාසයේදී යුක්රේනයේ යුද්ධයෙන් මිල ගණන් ඉහළ යාමෙන් පසු ඉන්ධන මිලෙහි දැවැන්ත මධ්‍යස්ථභාවය ආහාර සහ අනෙකුත් භාණ්ඩ සඳහා බෙදා හැරීමේ පිරිවැය අඩු කිරීම මගින් උද්ධමනකාරී බලපෑමක් ඇති කරනු ඇතැයි ඔහු පැවසීය.
එය සිදු වුවහොත්, ඔස්ට්‍රේලියාවේ පොලී අනුපාත විරාම ලබාදීම පිළිබඳ වැඩි කතා බහක් දැකීමට පටන් ගනු ඇතැයිද CommSec විශ්ලේෂකයෝ පැවසුහ.
