ኣብ ኤርትራ ተጀሚሩ ዝተብሃለ "ተወሳኺ መምርሒታት ክተት" ኣብ ህዝቢ ሻቕሎት ከም ዝፈጠረ ተገሊጹ። (ጸብጻብ)

ልኡኽና ዝሰደደልና ጸብጻብ፡ ሓይልታት ፀጥታ ምስ ነበርቲ ብዝፈጠርዎ ተፃብኦ 17 ሰባት ጉድኣት ከም ዝበጽሐ ዝተነግረሉ ግጭት ንምፍታሕ ዝርርብ ተጀሚሩ። ኣብ ሰሓርቲ ትግራይ ብገለ ኣባላት ሰራዊት ዝተፈጸመ በደል ንኩሉ ሰራዊት ኣይውክልን ክብሉ ነበርቲ ገሊጾም ብካልእ ሓበሬታ ላዕለዋይ ቤት ፍርዲ ትግራይ ንእገዳ ካብኔ ግዝያዊ ምምሕዳር ውዱቕ ግይሩ። ኣብ ትግራይ 4 ሓደሽቲ ሙሩፃ ዓሌት ዝራእቲ ብሓረስቶት ተግራይ ንኽባዝሑ ቁሩብ ከምዝገበረ ኢንስቲትዩት ምርምር ሕርሻ ትግራይ ኣፍሊጡ። ኣብ ንኡስ ዞባ ሰረጀቓ ከባቢ ጉረታት ብልዕሊ ክልተ ሚልዮን ናቕፋ ዝተዳለወ ፕሮጀክት ዝስተ ማይ ተመሪቑ። ኣብ ኤርትራ ተጀሚሩ ዝተብሃለ "ተወሳኺ መምርሒታት" ኣብ ህዝቢ ሻቕሎት ከም ዝፈጠረ ተገሊጹ። ግልጋሎት ኢሚግሬሽንን ዜግነትን ኢትዮጵያ ሓዱሽ ንዝተዘርግሐ ሲስተም ኢ-ፓስፖርት ዕላዊ ገይሩ።