آسٹریلیا کے شعبہ شماریات نے ۲۰۱۶ کی مردم شماری کے اعداد و شمار جاری کر دئے ہیں جس کے مطابق سرکاری طور پر آسٹریلیا میں اردو کو اپنی زبان قرار دینے والوں کی تعداد ۲۰۱۱ کی مردم شماری کے مقابلے میں دگنی ہو گئی ہے
ان افراد کی اکثریت کا تعلق پاکستان سے ہے۔ ان افراد کی اکثریت کی جائے پیدائیش بالترتیب پاکستان، آسٹریلیا اور ھندوستان ہے
Source: SBS Census Explorer
اردو بولنے والوں کی سب سے بڑی تعداد نیو سا وتھ ویلز میں آباد ہے۔ سب سے کثیر آبادی سڈنی کے سبرب آبرن میں رہتی ہے۔ اردو مائگرینٹ کی سب سے بڑی تعداد ۲۰۱۵ میں آسٹریلیا آئی ہے۔ کمونیٹی میں سب سے ذیادہ تعداد تیس اور چونتیس سال کی عمرکے افراد کی ہے
ہماری انگریزی کی صلاحیت اچھی ہے مگر آمدنی کی شرح کم ہے۔
ہم تعلیمی میدان میں اوسط آسٹریلین سے بہتر ہیں
Source: SBS Census Explorer
Source: SBS Census Explorer
ھماری کمونیٹی میں تعلیم کے باوجود بیروزگاری کی شرح کیوں ذیادہ معلوم ہوتی ہے - اعداد و شمار، آبادی اور مردم شماری کے ماہر پروفیسر فرحت یوسف کا خیال ہے کہ کمونیٹی کی خواتین میں کام نہ کرنے کا رحجان بیروزگاری کی شرح ذیادہ ہونے کی وجہ ہو سکتی ہے۔ ہے ورنہ پاکستانی مردوں میں ملازمت کی شرح ذیادہ ہے ۔ پروفیسر فرحت یوسف مانتے ہیں کہ ایسا پہلی بار ہوا ہے کہ اب آسٹریلیا میں سب سے ذیادہ مسلمانوں کا تعلق پاکستان سے ہے جب کہ ماضی میں آسٹریلیا کی مسلم آبادی کا تعلق مشرق وسطِیِ اور عرب ممالک سے رہا ہے۔ پروفیسر فرحت کہتے ہیں کہ پاکستانی عام طور پر پروفیشنلز اور تعلیم یافتہ ہونے کے باعث آسٹریلیامیں مسلمانوں کی اچھی شناخت بنانے میں مددگار ہو سکتے ہیں۔ عام طور پر پاکستانی کسی ایک مخصوص سبرب کے بجائے شہری آبادی میں گھل مل کر رہنے والوں کی کمونیٹی ہے۔ پروفیسر فرحت یوسف کہتے ہیں کہ گرچہ مردم شماری سے معاشرتی مسائیل کی نشاندہی نہیں ہوتی مگر بیروزگاری، تعلیم کی کمی، آمدنی کی کمی ، مذہب اور سبسرب جیسی معلومات سے مسائیل کا اندازہ لگایا جا سکتا ہے۔
اردو بولنے والوں کی اکثریت کا مذہب اسلام ہے جب کہ آسٹریلیا میں لا مذہب افراد کی تعداد میں اضافہ ہوا ہے۔
اردو بولنے والی کمونیٹی کے مزید اعداد و شمار نیچے دئیے گئے چارٹ میں دیکھے جا سکتے ہیں
Source: SBS Census Explorer
Source: SBS Census Explorer
RELATED
Most Pakistanis and Urdu speakers live in this Australian state
Most Pakistanis and Urdu speakers live in this Australian state
