سڈنی کی مقبول یونیورسٹی رمضان میں تمام طلبا کوسحری پر کیوں مدعو کرتی ہے؟

ماہ رمضان المبارک اپنی برکات اور شان کے ساتھ جاری ہے۔ باقی دنیا کی طرح آسٹریلیا میں مقیم مسلمان بھی پورے احترام کے ساتھ اس بابرکت مہینے میں روزے رکھ رہے ہیں اور عبادات میں مصروف ہیں۔ دین اسلام میں یہ مہینہ نہ صرف جسمانی بلکہ روحانی خوراک کا بھی خیال رکھنے کا درس دیتا ہے جس میں اللہ تعالیٰ کی عبادت کے ساتھ دوسروں کیساتھ حسن سلوک کو بھی بہت اہمیت حاصل ہے۔ آسٹریلیا میں اس ماہ میں مختلف مذہبی تقاریب کا اہتمام تو کیا ہی جاتا ہے لیکن اسکے ساتھ ساتھ افطار دعوتیں بھی خوب مقبول ہیں۔ عام لوگوں کے ساتھ ساتھ یونیورسٹیوں میں طلبہ تنظیمیں بھی بینالاقوامی طلبہ کیلیے افطاریوں کا اہتمام کرتی ہیں تا کہ انکو بیروں ملک اپنایت کا احساس رہے۔ اسی احساس کے تحت UNSW Global University کا فگ ٹری ھال پچھلے چند سالوں سے یونیورسٹی کے طلبہ کیلیے سحری کا اہتمام کرتا ہے۔