سینئیرکے لئیے دنیا کے سب سے بڑے ماسٹر کھیل میں پاکستانی ایتھیلیٹ کی کامیابی

پاکستان کے محمد شہزاد نے گولڈ کوسٹ کوئینز لینڈ میں 2-11 نومبر 2018 سے منعقد ہونے والے پین پیسفک ماسٹر کھیلوں میں کامیابی حاصل کی ہے. دنیا بھر کے 40 سے زیادہ ممالک میں سے 1۵۰۰۰ سے زائد شرکاء دنیا کے سب سے بڑے ماسٹر کھیلوں میں حصہ لیا. محمد شہزاد نے انڈور روئینگ مقابلےمیں کانسی کے دو تمغے جیتے لیکن انہوں نے ایس بی ایس اردو کو بتایا کہ پاکستانی کھیلوں کے حکام نے ان کی نہ صرف کسی بھی طرح کی مدد کرنے سے انکار کر دیا بلکہ ان کو مقابلوں میں شرکت سے روکنے کی کوششیں بھی کی۔ محمد شہزاد سندھ روئینگ کلب پاکستان کے بانیوں میں سے ایک ہیں اور مختلف مقامی اور علاقائی ٹیموں کے سرکاری کوچ کے طور پر کام کرتے رہے ہیں. انہوں نے 1985 میں پاکستان کی نمائندگی کی. میکنیکل انجینئرنگ میں گریجویشن کر نے والے مسٹر شہزاد نے مختلف عہدوں پر رہتے ہوئے پاکستان روئینگ فیڈریشن کی خدمت کی.مگر اس کے بعد سندھ روئینگ کلب میں سیاست بازی کے باعث وہ مکمل طور پر اپنے ذاتی کاروبار کی طرف منتقل ہوگئے.مگر وہ صحت مند طرز زندگی کو برقرار رکھنے کے لئے 2004 میں انڈور روئینگ میں واپس آ گئے. انہوں نے اپنی تین بیٹیوں کو بھی کھیلوں کے عالمی مقابلوں میں بھیجا ہے جو اپنے متعلقہ کھیلوں میں قومی اور بین الاقوامی چیمپئنز ہیں. اب انہوں نے پاکستان کی نمائندگی کرنے کے لئے پاکستانی کھیلوں کے اہلکار اور اسپورٹس بورڈ کے کسی تعاون کے بغیر اپنے مصروف کاروباری شیڈول سے وقت نکال کر اپنے ذاتی بل بوتے پر آسٹریلیا میں ۳۰ سال سے زائید عمر کے افراد کے عالمی روئینگ چیمپئن میں کامیابی حاصل کی۔