Pakinggan ang audio:
LISTEN TO
Australia to reopen to fully vaccinated travellers
SBS Filipino
07/02/202208:09
Inaasahang sa Lunes ika-21 ng buwan ng Pebrero maari ng makapasok sa Australia ang mga International tourists o turista .
Hinihinatay na lamang ang pinal na desisyon sa pagpupulong ng National Security Committee kung kailan ito sisimulang ibalik ang international travel, lalo’t dalawang taon din itong sarado dahil sa pandemya.
Highlights
- Ayon kay Federal Health Minister Greg Hunt bumaba na ang bilang ng mga tinamaan ng Covid-19 sa bansa pero epekto sa Aged Care sektor malala
- Kinompirma ni PM Morrison ang deployment ng 1,700 na myembro Australian Defence Force para tulungan ang aged care facilities sa operasyon
- Federal Treasurer Josh Frydenberg nagpahayag na ang gastos sa PCR at RAT Test ay gagawing tax-deductible
Nitong katapusan ng taong 2021 pinayagang makapasok sa bansa ang mga Australian citizens, permanent residents, skilled workers, international students at backpackers na kompleto na ang bakuna.
Sa mga hindi bakunado, kailangan lang magpakita ng pruweba na may kondisyon sa kalusugan kaya hindi maaring bakunahan.
Dapat ding tandaan na ang bawat estado at teritoryo ay patuloy na magpapatupad ng quarantine base sa kanilang kasalukuyang sitwasyon.
Ayon kay Prime Minister Scott Morrison, handa silang buksan ang bansa para sa mas maraming international travellers pero sa isang mahalagang kondisyon.
"Kapag kompleto kayo ng bakuna malugod namin kayong tatanggapin dito sa Australia at alam kung handa na ang industriya ng turismo para sa inyong pagdating.At inaasahang mangyayari yan simula sa susunod na dalawang linggo dito sa Australia."
