'Nagsisilbing identity ng komunidad ang dyaryo': Pahayagan ng mga Pinoy sa NSW tatlong dekada nang naghahatid impormasyon sa mga kababayan

Evelyn Zaragoza, publisher of the Philippine Community Herald Newspaper, has tirelessly served the Filipino community in Australia for 30 years.

Sa panahon na nauuso na ang digital media, at mabilis na naaccess ang balita, pinatunayan ni Evelyn ng the Philippine Community Herald Newspaper ang halaga ng pahayagan sa mga komunidad.

1994 nang lakas loob na itinaguyod ng publisher na si Evelyn Zaragoza ang pahayagan na the Philippine Community Herald Newspaper mula sa sariling pagsisikap at gastos.
Sa edad na 75 years old, nais ipagpatuloy ni Evelyn ang pagseserbisyo sa publiko sa tulong ng kanyang dyaryo. Aniya, ito ang nagbibigay sa kanya ng kasiyahan at kabuluhan sa buhay.
Isang survey na pinondohan ng The Australian Research Council noong 2021 ang nagsasabing karamihan ng mga mamamayan sa malalayong nayon ang pinipiling magbasa ng dyaryo para makakuha ng balita.