Highlights
- Hindi kinukunsiderang hiwalay na variant ang BA.2 sa orihinal na Omicron na kilala din sa tawag na B-A-1 kundi itinuturing na nasa isang pamilya.
- Tinawag ng mga siyentipiko ang B-A-2 na sub-variant o sub-lineage. Ang iba pang pangalan na ginamit ng mga opisyal ay kapatid na variant o anak ng Omicron.
- Sa Australia, tinatayang nasa 20 hanggang 30 ang kaso ng B-A-2 na papalo lamang sa 0.3% ng kabuuang kaso ng COVID sa bansa.
Tila humuhupa na ang bugso ng Omicron sa ilang estado ng Australia at ilang bansa sa buong mundo pero nakaalerto pa rin ang mga awtoridad sa panibagong sub-variant.
Pakinggan ang audio:
LISTEN TO
Ano ang bantang dulot ng Omicron sub-variant BA.2?
SBS Filipino
02/02/202208:58
Bagaman hindi ganon kabilis kumalat ang BA.2 kumpara sa BA.1, mas mabilis itong makahawa ayon sa paunang data na inaaral ng mga eksperto sa Denmark.
Ang BA.1 ay may 60 mutations habang 85 mutations naman ang BA.2.
Samantala ang Alpha Variant ay may 30 mutations at 35 mutations naman ang Delta Variant.
Isa sa mga pagkakaiba ng BA.1 at BA.2 ay ang genetic change sa spike gene nito, ibig sabihin hindi malalaman kung BA2 sa pamamagitan ng P-C-R testing at kailangan pang dalhin sa laboratoryo upang makumpirma.
Sa kasalukuyan, mananatiling sub-variant ang B-A-2 ayon sa World Health Organization. Bahagi ito ng B-A-1 na may status na 'variant of concern'.
