SBS tau nug lub koom haum Cancer Australia tias vim li cas nws thiaj tab tom txhawb nqa kom tej neeg mob cancer mus hno tshuaj COVID-19 vaccine thiab tej tshuaj vaccine no puas yuav musj feem cuam tshuam li cas nrog cov kev kho kab mob cancer.
Nyob rau zaj xov xwm uas muaj cov lus nug thiab lus teb no, ces zeskais (Professor) Dorothy Keefe uas yog tus coj lub koom haum Cancer Australia muaj qee cov lus teb tseem ceeb li txuas ntxiv hauv qab no.
Cov ntsiab lus tseem ceeb:
- Lub koom haum Cancer Australia hais tias tej neeg mob cancer yuav yog cov neeg uas mob sab heev yog tias lawv kis tau tus mob COVID-19.
- Tej neeg mob cancer yog cov tsis tau mus koom sim cov tshuaj kho kab mob COVID-19.
- Lub koom haum Cancer Australia hais tias txawm tej kws teeb txheeb tseem nrhiav tej pov thawj ntau yam los lawv yeej hais tias tej tshuaj vaccine los yeej siv tau hauj lwm zoo rau tej neeg mob cancer thiab.
Vim li cas tej neeg mob cancer thiaj tsim nyog hno tshuaj vaccine?
Professor Keefe: Tej neeg mob cancer yog cov yuav kis tau tus mob COVID-19 yooj yim dua thiab yog lawv kis tau lawm ces yuav ua rau lawv mob sab dua. Cov kev hno tshuaj COVID-19 vaccine yog ib cov xub ke nyab xeeb thiab zoo coj los pov puag lawv, lawv tsev neeg thiab lawv tej zejzog tawm tsam nrog kab mob COVID-19.
Tej neeg mob cancer feem coob (thiab tej neeg tu lawv) yog cov muaj cai hno tau tshuaj COVID-19 vaccine tam sim no tam li yog ib feem ntawm tsoom fwv Australia cov tswv yim hno tshuaj COVID-19 vaccine rau haiv neeg no.
Txawm tom qab tau hno tshuaj COVID018 vaccine lawm los, yeej tseem yog tej yam tseem ceeb heev rau tej neeg mob cancer (thiab tag nrho txhua tus neeg ntawm Australia) yuav tau pov puag lawv tus kheej txuas ntxiv kom tsis txhob kis kab mob COVID-19. Tej hais no ces yog cov kev siv ib daig ntaub npog qhov ncauj, kev siv tshuaj thiab dej ntxuav tes, siv cov tshuaj ntxuav tes muaj cawv xyaw (hand sanitiser) ntxuav tes, thiab nyob kom nrug deb ntawm lwm tus neeg.
Puas tau txais kev nyab xeeb rau tej neeg mob cancer uas cov immune system twb tsis muaj zog lawm hno tshuaj COVID-19 vaccine?
Professor Keefe: Tam sim no kiag, ces yeej tsis muaj kev txhawj xeeb dab tsi txog cov kev nyab xeeb rau tej tshuaj COVID-19 vaccines (li Pfizer thiab AstraZeneca) uas muaj siv ntawm teb chaws Australia rau tej neeg mob cancer los yog cov neeg yuav ua rau muaj teeb meem rau lawv cov immune system dab tsi li.
Txawm tej neeg mob cancer tsis tau mus koom cov kev sim tej tshuaj COVID-19 vaccines thaum ntxov, los raws li muaj cov kev nkag siab txog cov tshuaj vaccines thiab tej xov xwm uas khaws txog cov kev hno tshuaj COVID-19 vaccine ntawm pej kum haiv lawm, ces yeej tsis muaj teeb meem loj dab tsi rau cov kev nyab xeeb, hais tsi nstsees rau tej neeg mob cancer uas hno cov tshuaj COVID-19 vaccines no.
Vim li cas thiaj tsis cia tej neeg mob cancer mus koom sim cov tshuaj COVID-19 vaccines?
Professor Keefe: Tos ho tsis cia tej neeg mob cancer mus koom sim cov tshuaj COVID-19 thaum tseem ntxov los twb vim yog cov kev sim no xav paub tias tej tshuaj vaccines puas siv tau hauj lwm zoo rau tej neeg tsis muaj teeb meem dab tsi rau lawv cov immune system dab tsi ua ntej lawv yuav coj tej tshuaj no los sim rau cov neeg uas muaj tej teeb meem no.
Puas muaj xov xwm raug khaws cia dab tsi txog cov kev siv tshuaj COVID-19 vaccines rau tej neeg mob cancer li?
Professor Keefe: Muaj, yeej muaj xov xwm raug kaws cia ntawm haiv neeg no thiab ntawm pej kum haiv kom thiaj li muaj kev totaub zoo txog cov kev siv tshuaj COVID-19 vaccine rau tej neeg mob cancer thiab.
Tej xov xwm no yuav pab kom peb nkag siab zoo tuaj ntxiv txog cov kev nyab xeeb thiab tej tshuaj vaccines no cov kev siv tau hauj lwm zoo rau cov neeg mob cancer, thiab yeej muaj ib co xov xwm tsi ntsees piv txwv li cov kev kho mob sib txawv ho puas ua rau muaj teeb meem dab tsi rau tej tshuaj vaccines no, los yog hos siv puas tau tej tshuaj vaccine no zoo li cas rau tej neeg mob cancer ntau yam, thiab ho puas muaj teeb meem dab tsi rau lub caij hno tshuaj vaccine uas yuav tau siv cov kev kho mob cancer li cas.
Yog li peb tej neeg ntawm lub koom haum Cancer Australia yeej tab tom los xyuas tej hauj lwm no thiab yeej yuav kho peb tej xov xwm txog cov lus teb lus nug () tsguab yog thaum peb tau tej xov xwm no lawm.
Ntxiv ntawd los, lub koom haum Cancer Australia yeej tau teeb tsam ib cov kev teeb txheeb tseem ceeb hu ua , kom thiaj muaj peev xwm nkag siab zoo tshaj qub ntxiv txog cov kev siv tej tshuaj COVID-19 vaccines cov kev nyab xeeb thiab kom paub tias tej tshuaj no siv puas tau hauj lwm zoo li cas rau tej neeg mob cancer ntawm teb chaws Australia no, suav cov neeg mob tej qog cancer foob thiab cancer ntshav nrog tib si.
Puas tsim nyog tej neeg fab los yog siv tsis haum ib hom tshuaj dab tsi lug tsis txhob hno ib yam tshuaj COVID-19 vaccine twg?
Professor Keefe: Tej neeg uas muaj cov yam ntxwv fab tshuaj hnyav los yog tsis haum ib hom tshuaj dab tsi hauv tej tshuaj COVID-19 vaccines ces tsim nyog tsis txhob siv tej tshuaj vaccine uas muaj tej tshuaj no tim rau hauv.
Thiaj muaj ib txhia neeg mob cancer uas yeej muaj cov kev fab rau tej tshuaj polysorbate 80, uas yog ib yam tshuaj tim rau hauv tus tshuaj AstraZeneca, thiab polyethylene glocol (PEG) uas yog ib yam tshuaj tim nrog tus tshuaj Pfizer vaccine ntawd.
Tej tshuaj tim no yeej raug siv coj los kho cancer thiab piv txwv li tej tshuaj chemotherapy medications, docetaxel thiab paclitaxel.
Yog tias koj ho siv tsis haum los yog fab tej tshuaj polysorbate 80 los yog PEG, ces xav kom sab laj nrog tej neeg kho mob los yog nrhiav kev pab cuam ntawm tej kws paub zoo txog cov hauj lwm no tej kev taw qhia txog cov kev hno tej tsuaj COVID-19 vaccine ua ntej koj yuav hno tshuaj vaccine.
Muaj cov yam ntxwv mob cuam tshuam dab tsi los ntawm tej tshuaj COVID-19 vaccine rau tej neeg mob cancer no?
Professor Keefe: Tej yam ntxwv mob cuam tshuam uas pom muaj tas mus li los ntawm tej tshuaj COVID-19 vaccines ntawd ces yeej muaj ntsis zoo sib xws li tau muaj nrog lwm cov tshuaj vaccines xwb thiab, xws li ua rau mob mob, ua rau thaj chaw ntawm lub qhov hno koob ntawd liab thiab o, ua rau mob nqaij, mua npaws kub taub hau me ntsis, mob taub hau thiab nkees nkees.
Thiab cov yam ntxwv mob cuam tshuam uas muaj tsawg tsawg ntawd ces yog yuav ua rau mob ntshav khov los yog thrombosis (uas yog muaj ntshav khov rau ntawm tej hlab ntsha ntawm tej ceg, tej hlab ntsha hauv ntsws, los yog cov hlab ntsha loj uas nyob tob hauv nrog cev), ces yeej muaj xov xwm cej luam qhia tias tom qab tau hno cov tshuaj COVID-19 vaccine AustraZeneca ces muaj tej teeb meem no. Tab sis tam sim no kiag xwb, yeej tsis muaj pov thawj qhia tau tias tej neeg mob cancer yuav muaj cov yam ntxwv mob txawv los yog yuav muaj cov yam ntxwv mob sab tshaj lwm cov neeg thaum hno tej tshuaj COVID-19 vaccines no li cas.
Tej tshuaj COVID-19 vaccines puas ua rau muaj teeb meem los yog puas cuam tshuam nrog cov kev kho cancer?
Professor Keefe: Tam sim no ces tsuas muaj tej xov xwm tsawg tsawg txog cov kev sim tej tshuaj COVID-19 vaccines no xwb tias puas yuav muaj tau teeb meem lo syog cuam tshuam rau cov kev kho cancer.
Yog tias koj tab tom kho cancer los yog twb tau kho cancer dhau los lawm, ces xav kom nrog koj tej neeg kho mob tham tias lub caij twg thiaj yog lub caij zoo tshaj plaws rau koj.
Tab sis yeej tseem yuav tau txheeb ntau cov txuam thawj li seb koj mob/tau mob hom cancer twg tam sim no los yog tau mob dhau los lawm, lub caij kho koj, muaj hom tshuaj vaccines twg rau koj siv, thiab koj cov immune system ho zoo li cas nrog thiab.
Tej tshuaj COVID-19 vaccines siv puas tau hauj lwm zoo rau tej neeg mob cancer?
Professor Keefe: Txwm tej kws teeb txheeb tseem tsim tej pov thawj tias seb tej tshuaj COVID-19 vaccine ho siv tau hauj lwm zoo npaum li cas rau tej neeg mob cancer, los yeej tau muaj ntau cov pov thawj zoo muaj ntsis sib xws ntawm lwm cov tshuaj vaccines yeej tau qhia tias tej tshuaj COVID-19 vaccines no yeej yog ib cov uas siv tau zoo rau tej neeg mob cancer thiab.
Piv txwv li cov pov thawj hno tshuaj vaccine tiv thaiv kab mob khaub thuas yeej qhia tias cov tshuaj COVID-19 vaccines yuav pab kom cov immune ua hauj lwm zoo, thiab yeej muaj pov thawj ntawm lwm cov tshuaj vaccine ua tau siv coj los tiv thaiv kom txhob kis kab mob yeej tau qhia tias tej kev hno tshuaj COVID-19 vaccine yeej siv tau hauj lwm zoo rau tej neeg mob cancer thiab, txawm yog tej neeg uas yuav tau noj tshuaj pab lawv lub cev kiag es kom lawv cov immune system tsis txhob tsim teeb meem rau lawv ntawd los yeej siv tau hauj lwm zoo thiab.
Txawm tau hais li ntawd lawm los, tej uas muaj teeb meem rau lawv cov immune system ntawd ces tej zaum lawv cov immune system yuav tsis muaj peev xwm ua tau hauj lwm tsawg zog rau lub caij hno ib co tshuaj vaccine twg lawm thiab, qhov no txhais tau tias yuav ua rau lawv tau txais kev pov puag tsawg dua yog piv rau tej neeg tsis muaj teeb meem dab tsi rau lawv cov immune system.
Qhov no thiaj yog ib qho laj thawj tseem ceeb tias vim li cas thiaj xav kom tej neeg mob cancer los yog tej neeg tu saib xyuas lawv thiaj tsim nyog tham txog lwm cov tswv yim siv coj los tawm tsam nrog tus kab mob COVID-19 no txawm tom qab lawv tau hno tshuaj COVID-19 vaccine lawm.
Tej neeg mob cancer yuav mus hno tau tshuaj COVID-19 vaccine qhov twg thiab thaum twg?
Professor Keefe: Hais txog tej neeg mob cancer lawm ces, lawv ntiag tug thiab tej neeg kho mob rau lawv yog cov yuav txiav txim siab tias lawv yuav mus tshuaj COVID-19 vaccine qhov twg thiab thaum twg.
Feem ntau ces yeej muaj tej tshuaj vaccines hno rau sawv daws ntawm tej chaw kho mob, ntawm Aboriginal Community Controlled Health Services, ntawm tsoom fwv teb chaws cov clinic hno tshuaj vaccines (Commonwealth Vaccine Clinics), ntawm tej chaw muag tshuaj thiab ntawm tej nom tswv xeev cov clinics hno tshuaj vaccine.
Koj muaj peev xwm nrhiav tau tej chaw hno tshuaj vaccine thiab siv tsoom fwv Australia
can find vaccination locations and book an appointment using the Australia Tam sim no ces tej xov xwm no yeej raug muab txhais ua ntau hom lus lawm.
Leej twg yog cov yuav los hno tej tshuaj COVID-19 vaccines rau cov neeg mob cancer?
Professor Keefe: Tsuas yog cov neeg kho mob muaj ntaub ntawv raug cai thiaj li yog cov muaj peev xwm hno tau tej tshuaj COVID-19 vaccines rau lwm tus xwb.
Ntxiv ntawd, ces txhua tus neeg kho mob uas hno tej tshuaj COVID-19 vaccines no rau lwm tus yuav tsum yog cov neeg uas yuav tsum tau mus kawm kom paub hno cov tshuaj COVID-19 vaccine no, uas yeej tau mus kawm txog tej xov xwm tseem ceeb li yuav khaws tej tshuaj no li cas thiab yuav hno tej tshuaj COVID-19 vaccines no li cas lawm.
Yog li ntawd ces tej zaum tej hais no thiaj yuav ua rau muaj teeb meem me ntsis rau tej neeg mob cancer, uas seb puas yog lawv tej neeg kho mob rau lawv yog cov yuav hno tej tshuaj vaccine no ncaj qha rau lawv los yog lwm cov neeg kho mob uas muaj cai hno tau tshuaj vaccines yuav yog cov hno tej tshuaj no rau lawv.
Puas yog tej neeg mob cancer yuav tau hno ib cov tshuaj COVID-19 vaccines txawv los yog yuav hno tej tshuaj no ntau tsawg sib txwv li cas ntawm lwm cov neeg?
Professor Keefe: Tej neeg mob cancer los yeej tau hno cov tshuaj COVID-19 vaccines zoo tib yam li tej hno rau lwm cov pej xeem Australia xwb thiab.
Tam sim no ces yeej muaj 2 yam tshuaj siv ntawm teb chaws Australia (li Pfizer thiab AstraZeneca) uas yuav tau hno 2 koob, thiab kuj yog tej yam tseem ceeb uas tag nrho txhua tus neeg yuav tau hno yam tshuaj COVID-19 vaccine uas raug taw qhia kom hno ntawd. Thiab tej no kuj yog tej yam tseem ceev heev rau cov neeg mob cancer thiab.
Tos ho zoo li no los vim yeej tau muaj ntau cov kev teeb txheeb yeej pom tau tias yog siv cov tshuaj Pfizer vaccine hno rau ib txhia neeg mob cancer ces yuav pov puag lawv kom txhob kis tau mob COVID-19 no tsawg dua tom qab hno thawj koob lawm yog muab piv rau tej neeg uas tsis mob cancer ntawd.
Txawm li cas los to qab tej neeg mob cancer tau hno koob 2 tom qab 3 limtiam uas tau hno thawj koob yeej tau txais kev pov puag zoo heev lawm thiab.
Tej no thiaj yog ib co txuam thawj ntawm ntau cov tias vim li cas thiaj yog tej yam tseem ceeb uas tej neeg mob cancer thiab tej neeg tu, kho thiab saib xyuas tej neeg mob cancer yuav tsum tau siv lwm cov tswv yim los tiv thaiv tus kab mob COVID-19 no thiab, xws li yuav tau siv ntaub npog qhov ncauj, ntxuav tes thiab nyob kom nrug ntawm lwm tus, txawm lawv tau hno tshuaj vaccine lawm.
Lub koom haum Cancer Australia yeej tau coj ua 10 hom lus li lus Arabic, Chinese (Simplified), Chinese (Traditional), Greek, Hindi, Italian, Korean, Spanish, Tagalog, thiab lus nyab laj (Vietnamese) mus qhia rau hauv nws lub vas sab.
Tsis tas li no los lub koom haum Cancer Australia yeej tseem tsim tau
Cov kev cais, kev ntoj ncig, chaw sim thiab nyiaj pab cuam pandemic disaster payment
Tej nom tswv xeev yog cov tswj tej dej num cais thiab sim tej neeg uas koj muaj peev xwm txheeb tau raws li hauv qab no:
Yog tias koj xav mus txawv teb chaws, ces tej zaum koj muaj peev xwm thov ntaub ntawv hauv online seb tej zaum nom tswv puas zam thiab pub koj mus. mus txheeb tej xov xwm txog tej lus zoj khi uas pub tej neeg tawm ntawm teb chaws Australia mus.
Tsis tas li no los yeej muaj ib cov cai coj los siv tswj pej kum haiv tej fij dav hlau ib ntus uas nom tswv yeej los txheeb xyuas tas mus lis thiab kho dua tej cai no tshiab uas koj muaj peev xwm mus txheeb tau ntawm lub vas sab .
- Muaj xov xwm txog kab mob COVID-19 ntau tshaj 60 hom ntawv thiab lus rau koj nyeem thiab mloog ntawm
- Txheeb tau tej cai thiab cov kev taw qhia ntau yam txog tus kab mob no ntawm tej xeev koj nyob li xeev: , , , , , , .
- Txheeb tau xov xwm qhia txog tshuaj
Mus txheeb lub koom haum NSW Multicultural Health Communication Service tej xov xwm txhais ua ntau hom lus qhia txog:
.
