Ntsiab lus tseem ceeb:
- Tsab ntawv cej luam 2023 State of Place report tau teeb txheeb nrog neeg Australia tshaj 25,000 tus los ntsuam seb Australia hos yog lub teb chaws xis nyob li cas.
- Ces raws li txheeb tau ces pom tias zoo li teb chaws Australia tsis tshua xis nyob rau tej hluas piv rau tej laus..
- Tej neeg non-binary thiab tej ntxhais hluas young ntawm Tasmania thiab Northern Territory yeej tau qhia tias lawv ntsib tej experiences phem tshaj plaws.
Australia tab tom ras los ua lub teb chaws tsis tshua xis nyob lawm, raws li tau muaj ib cov kev tshuaj ntsuam thoob plaws haiv neeg no txog cov kev xis nyob, thiab hnoob nyoog thiab gender yog ib co tseem ceeb tshaj plaws uas yuav txiav txim tias seb yuav ntsib qhov phem qhov tsis zoo li cas rau tej neeg.
Tsab ntawv cej luam 2023 State of Place report uas raug lub koom haum Place Score coj mus nthuav tawm hnub zwj Teeb (Thursday) uas tau teeb txheeb nrog 25,000 tus neeg Australia txheeb xyuas seb tej neeg ua lub neej li cas ntawm Australia tej zejzog sib txawv thoob haiv neeg no zoo li cas.
Ces cov kev tshawb fawb tau no thiaj yog ib co kev tshawb fawb loj tshaj plaws txog tej xovxwm tseem ceeb rau lub teb chaws no cov kev xis nyob - thiab yog tej yam qhia txog tej neeg cov kev xav li cov kev txaus siab thiab cov kev noj qab nyob zoo ntawm tej neeg ntawm tej chaw sib txawv thiab tej neeg ua lub neej ntau yam sib txawv.
Ob yam tseem ceeb uas txheeb tau los ntawm cov kev tshawb fawb ntawm tsab ntawv cej luam no ces: thawj yam yog cov kev xis nyob ntawm teb chaws Australia no tsis tshua xis nyob pes tsawg lawm, raws li tej zejzog qhia; thiab ob tuaj ntxiv ces kuaj muaj cov kev xis nyob siab txawv, uas qee zaus ces kuj muaj cov kev sib txawv deb heev, tsuas nyog ntawm tej zejzog ntiag tug los yog tej neeg ua lub neej sib txawv ntawm tej zejzog ntawd thiab xwb. Li tej neeg sau tsab ntawv cej luam ho hais tias: ''tsis yog txhua cov zejzog yeej raug tsim los yam tsis sib luag ... [thiab] tsis yog tag nrho peb tej zejzog yuav tau txais ntau yam txiaj ntsim zoo tib yam.''
Yog li ntawd ces cov gender (poj niam/txiv neej/LGBTQI+) thiab hnoob nyoog thiaj yog qee yam tseem ceeb tshaj plaws qhia txog cov kev xis nyob, thiab Australia tej hluas yog cov coob uas qhia tias lawv tej zej zog tsis tshua xis nyob. Tej neeg non-binary uas muaj hnoob nyoog sib txawv tau qhia tias lawv yog cov ntsib tej experiences phem tshaj plaws, txuas ntxiv ntawd ces yog tej poj niam hnoob nyoog qed dua 25 xyoos nyob ntawm Tasmania los yog Northern Territory.
Ua ke no los tej neeg hnoob nyoog tshaj 64 xyoos yog cov qhia tias Australia xis nyob ntau dua 7 feem pua ntawm tus zauv nrab, thiab tau qhia tias lawv yog cov neeg uas muaj kev txaus siab dua rau tej chaw lawv nyob piv rau lwm pawg neeg hnoob nyoog sib txawv ntawm txhua lub xeev tsuas sis xam NSW nrog xwb. Txiv neej los yeej tau hais tias Australia xis nyob dua tej poj niam ntawm txhua lub xeev, hais tsi ntsees ntawm xeev Victoria thiab ACT.
Luke Hodgson uas yog ib tug neeg teeb txheeb thiab yog ib tug neeg sau tsab ntawv cej luam State of Place report tau qhia tias cov kev mloog tau tias tau txais kev nyab xeeb ntawm tej neeg ua lub neej sib txawv ntau yam, thiab qhov tseem ceeb uas tej neeg pom txog cov kev nyab xeeb no, tej zaum kuj yuav yog tej yam ua rau muaj cov kev sib txawv li no.
"Raws li cov 2023 Australian Liveability Census tau qhia ces tsis hais koj cov gender zoo li cas li, tag nrho tej hluas yeej pom tias lawv ntiag tug cov kev nyab xeeb yog tej yam tseem ceeb heev,'' raws li Hodgson tau sau rau ntawm toom 'lus tawm tswv yim' ntawm tsav ntawv cej luam no.
"Yog tej yam tsis muaj hmoo uas peb nyias yeej ua nyias lub neej sib txawv ntawm ib pawg neeg twg thiab. Tsis tas li ntawd los yeej muaj tej neeg cov gender sib txawv li tej ntxhais hluas thiab tej neeg non-binary uas yeej pom tias muaj ntsis zoo tib yam li tau hais ntawd thiab uas yeej saib tias ntiag tug cov kev nyab xeeb no yeej muaj tsawg dua 15 feem pua ntawm tej tub hluas.''
Thiab tsab ntawv cej luam no kuj tau qhia tej yam zoo sib xws li no txog ob yam tseem ceeb tshaj plaws uas qhia tias seb Australia puas yog lub teb chaws xis nyob li cas li ''ntau yam ntawm tej zejzog uas ua rau peb mloog tau tias puas muaj neeg tos txais peb thiab puas tau txais kev nyab xeeb'' - hais tsi ntsees txog seb lub zos ntawd pua:''tos txais txhua yam neeg'' thiab seb tej neeg ntiag tug ho mloog tau tias: ''Puas muaj tej neeg zoo li yus thiab''.
Lwm yam uas ua rau ib lub zejzog xis nyob ces yog cov kev sib cuag tau nrog lwm thaj chaw, tej hav zoov hav tsuag ib puag ncig thiab cov kev muaj peev xwm siv tau tej lagluam zos kom muaj peev xwm ua tau lub neej txhua hnub.
Thiab raws li cov kev teeb txheeb no tshawb tau ces Australia tej zejzog uas xis nyob tshaj plaws yog tej zejzog uas huv si, muaj kev pov puag tej ib puag ncig thiab ua kev zoo siab rau tej ib puag ncig uas txawv lwm qhov, ua ke no los kuj kub siab tu tej chaw no thiab xyuas kom tej neeg muaj peev xwm yuav tau tej khoom lawv xav yuav siv ntawm tej khw zejzog thiab tej services uas tej neeg xav tau uas nyob tsis deb ntawm tej vaj tse uas muaj peev xwm taug kev mus siv tau; tej chaw li lub zos Lane Cove ntawm Sydney thiab tej nom tswv zos ntawm tej chaw Boroondara ntawm Melbourne thiab Vincent ntawm Perth.
Tab sis qhov tseem ceeb ntawm tej no kuj tsuas nyob ntawm seb tej neeg ho muaj hnoob nyoog li cas xwb thiab.
Qhov tseem ceeb tshaj plaws ntawm qhov sib txawv rau tej txiaj ntsiam uas ua rau ''ib lub zos twg xis nyob'' ces yeej muaj kev sib txawv ntawm tej neeg muaj hnoob nyoog tshaj plaws thiab muaj hnoob nyoog hluas tshaj plaws, uas tej hluas hnoob nyoog qes dua 25 feem puas yeej pom tias cov kev muaj cib fim nrhiav tau hauj lwm ua yog tej yam tseem ceeb dua, los yog tej nqe vaj tse los yog muaj peev xwm ua tau ntau yam thaum tsaus ntuj.
Tej neeg uas tau sau tsab ntawv cej luam no tau hais tias "Tej hluas xav tau tej zejzog uas lawv yuav tau kub siab zog ua hauj lwm mas thiaj yuav ua tau txhua yam lawv xav tau ntawm tej chaw ua hauj lwm, tau so thiab muaj kev lom zem, thiab sib txuas tau nrog lwm thaj chaw, tsim tej zejzog kom ceev txuag tau tej ib puag ncig thiab siv tau ntev txuas ntxiv - thiab muaj ntau tsav neeg nyob, nrog rau cov kev muaj ntau txoj xub ke rau tej neeg yuav/ntiav tau tsev nyob.''
Hos tej neeg hnoob nyoog 65 xyoos los yog siab tshaj ntawd ces yog cov tau qhia txog ntau yam zoo tshaj plaws txog lawv tej zejzog, txawm li cas los tseem pom tias tej hluas muaj cov feem pua 2 feem pua siab tshaj hav neeg no cov yog tham txog tej chaw uas xis nyob ntawd.
Hodgson tau hais tias ''Peb yeej yog cov xav zoo ntau dua rau ntau yam ntawm peb tej neeg zos uas muaj hnoob nyoog dua yws txog, tab sis thaum yog muaj ib yam dab tsi tsis zoo rau peb lawm ces peb yeej yuav qhia rau nej paub.''
Tej neeg hnoob nyoog 25 txog 44 xyoos kuj tau muab cov theem xis nyog tsawg dua lawm cov hnoob nyoog - uas tej zaum yog tim tej , cov kev muaj peev xwm siv tau ntau yam thiab cov kev rov qab mus ua hauj lwm ntawm tej chaw ua hauj lwm, raws li tej neeg sau tsab ntawv cej luam no tau qhia.
Xeev Victoria thiab South Australia ces yog ob lub xeev ntawm haiv neeg uas xias nyob tshaj plaws ntawm tej xeev, uas tau cov zauv txog 70, ntxiv ntawd ces kuj muaj 3 lub xeev uas tau cov zauv sib nrawg nroos li NSW, Western Australia thiab ACT uas tau 67 feem pua, Queensland thiab Tasmania tau 66 thiab Northern Territory tau 63 feem pua.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
