Xov xwm tshaj tawm hnub zwj Teeb (Thursday news 20.02.2025):
Thawj pwm tsav Anthony Albanese tab tom mus rau ntawm Whyalla ntawm South Australia tom qab tau ib hnub uas tsoom fwv xeev tau muab lub tuam txhab hncuav hlau rau lwm tus tswj. Mr Albnaese tau qhia rau ABC News tias nws yuav siv tsoom fwv tej nyiaj $2.4 billion los pab cawm lub tuam txhab no.
Mike Burgess uas yog tus coj Australia lub koom haum soj xwm qab rooj (Australian Security Intelligence Organisation - ASIO) tau qhia tias muaj tej neeg phem tau coj tej xov xwm qhia txog cov kev ua phem los tsim teeb meem rau tej me nyuam yaus tab sis nws kuj muaj peev xwm cheem tau 5 co xwm txheej no lawm uas cuam tshuam tag nrho rau tej me nyuam yaus.
Peter Dutton uas yog tus coj ntawm lwm pab nom teb chaws liam tsoom fwv teb chaws tias tsis muaj peev xwm tswj tau nws cov visa system vim mloog lub koom haum trade union CFMEU hais ces thiaj tsis muaj peev xwm tos tau tej neeg txawv teb chaws paub ua tsev tuaj pab ua tsev ntawm teb chaws Australia.
Meskas tus President Donald Trump tau hais lus tso tshav lug tias Ukraine tus coj yog ib tug coj nruj tsiv thiab yog nws tsis kub siab tsim kom tau kev thaj yeeb nrog Russia kom sai ces ntshe sai sai no nws yuav tsis muaj teb chaws nyob.
Tej tub koom siab ntawm ntiaj teb lub koom haum tswj lagluam nqua hu kom tswj sawv daws tus kheej kom tus rau lub caij sab laj ntawm Geneva uas tseem muaj cov kev pom zoo thiab tsis pom zoo txog Meskas cov kev yuav tsub se 10% rau tag nrho Suav tej khoom xa muag rau nws tsam yuav muaj teeb meem rau ntiaj teb cov kev lagluam.
Tau muaj ob tug txiv neej hlawv tsheb ntawm Sydney cov zos sab hnub tuaj raug rau txim cuam tshuam txog cov xwm txheej tawm tsam tsis nyiam cov neeg Jews. Ua ke no los kuj tau muaj ib tug poj niam hnoob nyoog 31 xyoos hu ua Suzan Gonulalan raug liam tias tau ntaus ob tug poj niam neeg Muslim ntawm Epping Shopping Centre. Tsis ntev thawm cov xwm txheej ntawd li 10 ntiag tiv ntxiv ces nws txawm tau rov qab ntau ib tug poj niam neeg Muslim ntxiv thiab tej xwm txheej no thiaj cuam tshuam nrog cov xwm txheej Islamophobia thiab tseem yuav raug coj mus hais plaub hnub no ntxiv.
Nplog phau ntawv xov xwm Vientiane Times tau tshaj tawm tias nom tswv Nplog tau muab tej neeg ntawm tej chaw hu xov tooj uas pheej ntxias dag tej neeg nyiaj txhom tau yuav laug txog li 1500 tus.
Muaj Nplog ib lub tuam txhab yuav los tsim ib co chaw nyob rau Nplog tej tub kawm uas kawm ntawv Nplog lub tsev kawm qib siab National University of Laws raws li The Laotian Times qhia.
Cob Tsib phau ntawv xov xwm Tuoitre qhia tias tau muaj ib tug kws lij choj ntawm teb chaws Italy tau muab lub tuam txhab Google nplua nyiaj tshaj $300 million dollars vim liam tias nws tsis them se rau cov kev ua luam ntawm lub teb chaws ntawd.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum los yog lwm cov podcast platforms (, , thiab ).
