Xov xwm luv tshaj tawm hnub zwj Feej (Wednesday newsflash 26.02.2025):
Australia lub tuam chav hais tias nws tseem tab tom soj Suav 3 lub nkoj tua rog ntawm Australia cov chaw Exclusiv Economic Zone nag hmo, vim tau muaj feem cuam tshuam rau zejzog pej kum haiv tej fij dav hlau thaum lawv tau tua muas txwv tiag ntawm Tasman Sea sab hnub tuaj ntawm Australia.
Jim Chalmers uas yog Australia tus nom tswj nyiaj txiaj rau tsoom fwv tau ntsib Meskas tus nom tswj nyiaj txiaj Scott Bessent ntawm Washington DC kom seb Meskas ho puas zam tsis tsub se 25% rau Australia tej hlau thiab Aluminium uas yuav piv siv txij tim 12 lub 3 hlis ntuj 2025 mus.
Tau muaj ib tug nurse ntawd Sydney raug txim teb chaws cuam tshuam txog ib daim video uas muaj ib tug poj niam thiab nws tus neeg ua hauj lwm ua ke raug liam tias tau hawv yuav ua phem rau tej neeg mob uas yog neeg Israel thiab yuav tsis kam kho lawv.
Sarah Henderson uas yog tus nom Liberal zaum thawj hau rooj tab tom nqua hu kom tsis txhob nce nyiaj rau tus lwm coj ntawm tej coj tsev kawm qib siab thiab kom tsuas them nyiaj tib yam li tej them rau pawg tswj xwb.
Nom tswv tswj dej nuj noj qab haus huv NSW tau nqua hu kom zej tsoom ceev faj rau tus mob Japanese encephalitis tom qab tau muaj ib tug txiv neej uas kis tau tus mob no tau tas sim neej lawm.
Mike Burgess uas yog ASIO tus coj tau qhia tias tsab cai antisemitic acts yog ib feem tseem ceeb ntawm nws cov kev yuav mus tshuaj ntsuam tej xwm txheej cuam tshuam txog tej xwm txheej antisemitism.
Tau muaj xov xwm qhia tias Ukraine tau muaj cov kev sib khom pom zoo muag ib co mineral rau teb chaws Meskas thiab tsuas tos tsev dawb kos xyeem mem tes lawm xwb.
Yoon Suk Yeol uas yog Kaus Lim qab teb tus coj tau los thov txim rau nws cov kev siv martial law rau rooj plaub kawg uas nws tej kws lij choj hais tias kom tso tseg cov kev impeach no thiab cav tias lwm pab nom tej hauj lwm lawv ua tsim nyog siv tsab cai no lawm.
Nom tswv Canada thiab nom tswv Nplog kuj tau sab laj txog cov kev ua lagluam ywj pheej Canada -ASEAN free trade agreement raws li The Laotian Times tau qhia.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
